1 Chamué 22:23 - Tupanaarü Ore

²³ ¡Natürü nua chauxü̃tawa nangẽxma rü taxṹ i cumuü̃xü̃! Erü ngẽma cuxü̃ imáxchaü̃xü̃ rü choxü̃ rü ta nimáxchaü̃. Natürü i choma rü tá cuxü̃ íchapoxü̃ —ñanagürü.

1 Chamué 22:23 Referans Kwoze

Nüxíraxü̃xü̃ ga popera ga ãẽ̱xgacügüchiga 2:26

Rü yemawena nüma ga ãẽ̱xgacü rü chacherdóte ga Abiatáxü̃ ñanagürü: —¡Cuchixü̃ane i Anatówa naxũ! Cuma rü ta cunaxwa̱xe chi nax cuyuxü̃, natürü i ñu̱xmax rü taxũtáma cuxü̃ chima̱x erü cuyangetaü̃ ga yema baú ga Tupanaarü mugüchixü̃ ga yexguma chaunatü ga Dabí Yerucharéü̃wa nangexgu. Rü ñu̱xũchi cunaxümücü ga chaunatü ga yexguma guxchaxü̃wa nayexmagu —ñanagürü ga Charomóü̃.

Ore i mexü̃ ga Cuáü̃ ümatüxü̃ 18:9

Rü yemaacü nangupetü nax yanguxü̃ca̱x ga norü ore ga nümatama ga Ngechuchu nüxü̃ yaxuxü̃ ga ñaxgu: “Yíxema Chaunatü choxna tüxü̃ mugüxe rü taxúetama itayarütauxe”, ñaxgu.

Ore i mexü̃ ga Cuáü̃ ümatüxü̃ 15:20

¡Nüxna pecua̱xãchie ga pemaxã ñachagu: “Taxuxü̃ma i wüxi i coriarü duü̃xü̃ rü norü coriétüwa nügü nangẽxmaxẽxẽ”, ñachagu! Rü yema nax chauxchi nax naxaiexü̃, rü pexchi rü tá ta naxaie. Rü yexguma chi chauga naxĩnüegu rü ñu̱xma rü chi ta pega naxĩnüe.

Ore i mexü̃ ga Cuáü̃ ümatüxü̃ 17:12

Rü yexguma ñoma ga naanewa natanüwa chayexmagu, rü curü pora ga choxna cuxãxü̃maxã nüxna chadau rü íchanapoxü̃. Rü taxuxü̃ma inarütaxu. Rü yema woetama marü irütaxuxü̃xicatama inarütaxu nax yanguxü̃ca̱x i curü ore i ümatüxü̃.

Ore i mexü̃ ga Matéu ümatüxü̃ 24:9

Rü ngẽxguma i perü uanügü rü tá pexü̃ ínayauxü̃ nax pexü̃ yacua̱i̱xgüxü̃ca̱x rü pexü̃ nada̱i̱xü̃ca̱x. Rü guxü̃ma i duü̃xü̃gü rü tá chaugagu pexchi naxaie.

Nüxíraxü̃xü̃ ga popera ga ãẽ̱xgacügüchiga 1:7

Rü nüma ga Adonía rü nanatüarü churaragüarü ãẽ̱xgacü ga Yoá ga Cheruiá nanemaxã nidexa rü chacherdóte ga Abiatámaxã rü ta. Rü nümagü rü nüxü̃ narüngü̃xẽẽgü nax ãẽ̱xgacüxü̃ yangucuchixü̃ca̱x.

1 Chamué 23:17

Rü Dabíxü̃ ñanagürü: —Taxuca̱xma cumuü̃ erü chaunatü ya Chaú rü tagutáma cuxü̃ itayangau. Cuma rü tá Iraéanecüã̱xgüarü ãẽ̱xgacü quixĩ, rü choma rü tá cutüü̃wa chaxü. Rü ngẽma rü chaunatü ya Chaú rü marü nüxü̃ tacua̱x —ñanagürü.

2 Chamué 9:7

Rü nüma ga Dabí rü ñanagürü nüxü̃: —¡Taxuca̱xma cumuü̃! Erü choma rü meatama cumaxã ichacua̱x cunatü ga Yonatáü̃égagu. Rü tá chanamu nax cuxü̃ natáegugüxẽẽãxü̃ca̱x i guxü̃ma i ngẽma naane ga curü o̱xi ga Chaúarü ixĩxü̃. Rü guxü̃gutáma chorü mecha i choma íchachibüxü̃wa tá cuchibü —ñanagürü.