1 Chamué 22:19 - Tupanaarü Ore

¹⁹ Rü yemawena rü chacherdótegüarü ĩane ga Nóxwa naxũ ga Chaú. Rü taramaxã nanadai ga duü̃xü̃gü ga iyatüxü̃, rü ngexegü, rü buxü̃gü. Rü woo õxchanagü ya ngexwaca íxraexe tüxü̃ nadai. Rü yexgumarüxü̃ ta nanadai ga guxü̃ma ga tümaarü wocagü, rü búrugü, rü carnérugü.

1 Chamué 22:19 Referans Kwoze

1 Chamué 15:3

Rü ngẽmaca̱x ¡ngéma naxũ rü nadai i guxü̃ma i ngẽma Amaréxtanüxü̃ guxü̃ma i norü ngẽmaxü̃maxã, rü taxũtáma cuxü̃́ nangechaütümüxü̃gü! ¡Rü nadai i yatüxü̃gü, rü ngexü̃gü, rü buxü̃gü, rü õxchanagü! ¡Rü ngẽxgumarüxü̃ ta nadai i norü wocagü, rü carnérugü, rü caméyugü, rü búrugü! ¡Rü bai tá i wüxi ícuyaxüxẽẽxü̃!” ñanagürü ga Cori ya Tupana —ñanagürü ga Chamué.

Popera ga Chantiágu ümatüxü̃ 2:13

Erü guxãma ya yíxema tama tümamücügü tüxü̃́ ngechaü̃tümüü̃güxe, rü Tupana rü taxũtáma nüxü̃́ tangechaü̃tümüü̃güãcüma tüxna naca i tümaarü maxü̃chiga. Natürü yíxema tümamücügü tüxü̃́ ngechaü̃tümüü̃güxe, rü taxũtáma tamuü̃e i ngẽxguma Tupana tüxna caxgux, erü nüxü̃́ tangechaü̃tümüü̃güãcüma tá tüxna naca.

Ochéa 10:14

Rü ñu̱xmax rü tá inaxügü i ngẽma dai rü ngẽmaca̱x nanaxĩ̱xãchiãẽgü i duü̃xü̃gü. Rü guxü̃ma ya yima ĩanearü poxeguxü̃tápü̱xgü rü tá niwa̱xgü. Rü yema ĩane ga Bex-abéwa ngupetüxü̃ ga yexguma ãẽ̱xgacü ga Charmáü̃ nadaixgurüxü̃ tá nixĩgü. Rü yexguma ga guxema mamagü rü tümanegümaxã tayue.

Ichaía 10:32

Rü ñu̱xma i ngẽma uanügü rü ĩane ya Nóxwa nayachaxãchitanü, rü wüxi i cua̱xruxü̃ nügüna naxãgü nax Yerucharéü̃arü ma̱xpǘne ya Chióü̃ca̱x íyaxüãchixü̃ nax tüxü̃ nada̱i̱xü̃ca̱x.

Neemía 11:32

rü Anatógu, rü Nóxgu, rü Ananíagu,

1 Chamué 22:11

Rü yexguma ga Chaú rü norü duü̃xü̃güxü̃ namu nax chacherdóte ga Aimérexca̱x yacagüxü̃ca̱x namaxã ga guxü̃ma ga chacherdótegü ga natanüxü̃ ixĩgüxü̃ ga guma ĩane ga Nóxwa yexmagüxü̃. Rü yexguma guxü̃ma ga chacherdótegü ãẽ̱xgacüpe̱xewa ngugügu rü nüma ga Chaú rü Aimérexü̃ ñanagürü: —¡Mea choxü̃ írüxĩnü, Pa Aitúx nanex! —ñanagürü. Rü nüma ga Aimérex rü nanangãxü̃ rü ñanagürü: —Íchamemare, Pa Ãẽ̱xgacüx, nax cuxü̃́ icharüxĩnüxü̃ —ñanagürü.

1 Chamué 22:9

Rü yexguma ga Doéx ga Edóü̃cüã̱x ga Chaúarü churaragüerutanüwa yexmaxü̃, rü Chaúxü̃ nangãxü̃ rü ñanagürü: —Choma rü nüxü̃ chadau ga Ichaxí nane ga Dabí ga yexguma Nóxwa naxũxgu nax chacherdóte ga Aimérex ga Aitúx nanemaxã yadexaxü̃.

1 Chamué 21:1

Rü nüma ga Dabí rü ĩane ya Nóxwa naxũ nax chacherdóte ya Aimérexü̃ íyadauxü̃ca̱x. Rü yexguma Dabíxü̃ nada̱u̱xgu ga Aimérex rü naba̱i̱xãchiãxẽ rü Dabína naca rü ñanagürü: —¿Tü̱xcüü̃ cuxicatama nua cuxũ rü taxuxü̃ma cuxü̃ ínixümücü? —ñanagürü.

1 Chamué 15:9

Natürü nüma ga Chaú rü yema norü churaragü rü tama nayama̱xgü ga gumá Amaréxtanüxü̃arü ãẽ̱xgacü ga Agáx. Rü tama nanadai ga yema rümemaegüxü̃ ga carnérugü, rü wocagü, rü wocaxacügü. Rü tama ínanagu ga yema Amaréxtanüxü̃arü yemaxü̃gü ga itatanüxü̃. Rü yema yemaxü̃gü ga taxuwama imexü̃xicatama nixĩ ga yema ínaguxü̃.

Yochué 6:21

Rü taramaxã nanadai ga guxü̃ma ga iyatüxe, rü ngexü̃gü, rü buxü̃gü, rü yaxguã̱xgü. Rü yexgumarüxü̃ ta nanadai ga guxü̃ma ga wocagü, rü carnérugü, rü búrugü.

Yochué 6:17

Rü tá peyanaxoxẽxẽ i daa ĩane namaxã i guxü̃ma i ta̱xacü i nawa ngẽxmaxü̃, erü ngẽmaãcü nixĩ i Cori ya Tupana nüxü̃ ixuxü̃. Rü ngẽma Raá i naxü̃nemaxã taxexü̃xica tátama iyixĩ i taxũtáma ngĩxü̃ pima̱xcü rü woo i ngẽma duü̃xü̃gü i ngĩpatawa ngẽxmagüxü̃. Yerü ngĩma nixĩ ga iyacu̱xgüãxü̃ ga yema taxre ga yatügü ga ngugütaewa yéma imugüxü̃.

Ore i mexü̃ ga Matéu ümatüxü̃ 21:16

Rü ñanagürügü Ngechuchuxü̃: —¿Nüxü̃ cuxĩnüxü̃ i ngẽma ore i buxü̃gü namaxã ngéma icagüexü̃? —ñanagürügü. Rü Ngechuchu nanangãxü̃, rü ñanagürü: —Ngü̃, nüxü̃ chaxĩnü. ¿Natürü taguma ẽ̱xna nawa pengúe i Tupanaarü ore i buxü̃güchiga ümatüxü̃ i ñaxü̃: “Ngẽma buxü̃gü i íxraxü̃ rü õxchanagü rü tá ta cuxü̃ nicua̱xüü̃gü”, ñaxü̃? —ñanagürü.

1 Chamué 15:8

Rü nayayauxgü ga gumá norü ãẽ̱xgacü ga Agáx. Rü norü taramaxã nanadai ga guxü̃ma ga norü churaragü.