1 Chamué 22:15 - Tupanaarü Ore

¹⁵ ¿Cuma nagu curüxĩnügu rü ñu̱xmaricatama nixĩ i Cori ya Tupanana chacaxü̃ nax Dabíxü̃ nangü̃xẽxẽxü̃ca̱x? Tama nixĩ. Rü ngẽmaca̱x, Pa Ãẽ̱xgacüx, rü tama name nax choxna cunaxuxü̃ i choma nax curü duü̃xü̃ nax chixĩxü̃ rü tama name nax nüxna cunaxuxü̃ i chautanüxü̃. Chomax rü tama nüxü̃ chacua̱x nax ta̱xacürü guxchaxü̃ nangẽxmaxü̃ —ñanagürü.

1 Chamué 22:15 Referans Kwoze

1 Chamué 25:36

Rü yexguma ngĩma ga Abigái nataeguxgu rü nüxü̃ iyangau ga gumá ngĩte ga Nabáx ga napatawa peta ixücu. Rü taxü̃ ga õna ínaxü ñoma wüxi i ãẽ̱xgacü i réica̱x üxü̃rüxü̃. Rü nüma rü nataãxẽ rü poraãcü nangãxü̃. Rü yemaca̱x ga ngĩma rü taxuxü̃ma namaxã iyaxu ñu̱xmata moxü̃ãcüama.

2 Corintios 1:12

Rü ngẽma toxü̃ taãẽxẽẽxü̃ nixĩ nax toõxẽwa nüxü̃ tacuáxü̃ nax ñoma i naanewa rü aixcüma Tupana naxwa̱xexü̃ãcüma mea tamaxẽxü̃. Rü pepe̱xewa nixĩ ga guxü̃arü yexera yemaacü mea tamaxẽxü̃. Natürü tocüma rü tama ñoma i naanecüã̱xarü cua̱xwa ne naxũ, erü Tupana ya toxü̃ ngechaü̃cü nixĩ ya nüxü̃́ tayaxõcü.

2 Chamué 15:11

Rü ñu̱xũchi ga nüma ga Acharóü̃ rü nüxna naxu ga 200 ga yatügü ga Yerucharéü̃cüã̱x. Rü tama chixexü̃gu naxĩnüeãcüma nawe narüxĩ. Natürü tama nüxü̃ nacua̱xgü ga ta̱xacü nax yixĩxü̃ ga yema Acharóü̃arü ĩnü.

1 Chamué 22:16

Natürü nüma ga ãẽ̱xgacü ga Chaú rü ñanagürüama: —¡Cumaxã nüxü̃ chixu, Pa Aimérex, rü cuma rü guxü̃ma i cutanüxü̃ rü aixcüma tá pexü̃ chadai! —ñanagürü.

2 Chamué 5:19

Rü yemaca̱x nüma ga Dabí rü Tupanana naca rü ñanagürü: —¿Namexü̃ nax chanadaixü̃ i Firitéugü? ¿Rü nüxü̃ chi choxü̃ curüporamaexẽxẽxü̃? —ñanagürü. Rü nüma ga Cori ya Tupana rü Dabíxü̃ nangãxü̃ rü ñanagürü: —¡Ẽcü nadai! Rü choma rü tá nüxü̃ cuxü̃ charüporamaexẽxẽ —ñanagürü.

2 Chamué 5:23

Rü yemaca̱x nüma ga Dabí rü wenaxarü Cori ya Tupanana naca. Rü nüma ga Tupana rü Dabíxü̃ nangãxü̃ rü ñanagürü: —¡Taxṹ i nape̱xewaama naxca̱x ípeyaxüãchixü̃! ¡Rü nüxü̃ ípechoegu rü naweama tá naxca̱x ípeyaxüãchi i ngẽxguma ngẽma bálsamunecüwa pengugügu!

2 Chamué 19:18

Rü guxü̃ma ga yema duü̃xü̃gü rü nichoü̃ ga yema natü ga Yudáü̃ nax ãẽ̱xgacütanüxü̃xü̃ nangü̃xẽẽgüxü̃ca̱x nax yamuãxü̃ca̱x ga Yudáü̃arü tocutüwa rü yemaacü ãẽ̱xgacüxü̃ nataãẽxẽẽgüxü̃ca̱x. Rü yexguma marü yachoü̃chaü̃gu ga nüma ga ãẽ̱xgacü, rü nüma ga Chimí rü ãẽ̱xgacüpe̱xegu nacaxã́pü̱xü.

2 Chamué 19:19

Rü ñanagürü: —Pa Ãẽ̱xgacüx, ¡choxü̃ nangechaü̃ rü choxü̃́ nüxü̃ rüngüma ga yema chixexü̃ ga cupe̱xewa chaxüxü̃ ga yexguma Yerucharéü̃wa ícuxũxũxgu! ¡Rü taxṹ i chauxchi cuxaixü̃!