1 Chamué 22:10 - Tupanaarü Ore

¹⁰ Rü nüma ga Aimérex rü Cori ya Tupanana naca nax Dabíxü̃ nangü̃xẽẽxü̃ca̱x. Rü õnagü nüxna naxã, rü ñu̱xũchi nüxna nanaxã ga Firitéu ga Goriáxarü tara —ñanagürü.

1 Chamué 22:10 Referans Kwoze

Iraétanüxü̃arü muxchiga 27:21

Natürü nüma i Yochué rü nanaxwa̱xe nax chacherdóte ya Ereacháxü̃tawa naxũxü̃. Rü nüma i Ereachá rü tá Uríü̃wa choxna naca nax ta̱xacü tá naxüxü̃ i Yochué. Rü nüma i Yochué tá nixĩ i ngẽma Iraétanüxü̃xü̃ namuxü̃ rü namaxã inacuáxü̃ i guxü̃ma i naxügüxü̃wa —ñanagürü.

1 Chamué 30:8

Rü yexguma nüma ga Dabí rü Cori ya Tupanana naca rü ñanagürü: —¿Namexü̃ nax nawe changexü̃ i ngẽma ngĩ́ta̱xagüxü̃? ¿Rü nüxü̃ tá chayangauxü̃? —ñanagürü. Rü yexguma nüma ga Cori ya Tupana rü Dabíxü̃ nangãxü̃ rü ñanagürü: —¡Nawe nangẽ rü tá nüxü̃ cuyangau, rü tá tüxü̃ cupuxü̃ ya yíxema tüxü̃ yagagüxe! —ñanagürü.

1 Chamué 23:4

Rü yexguma ga nüma ga Dabí rü wena Cori ya Tupanana naca. Rü nüma ya Cori ya Tupana rü nanangãxü̃ rü ñanagürü: —¡Inaxũãchi rü nawa naxũ ya ĩane ya Queirá! Erü choma rü tá cuxme̱xgu chanayixẽxẽ i ngẽma Firitéugü —ñanagürü.

1 Chamué 23:12

Rü yexguma ga nüma ga Dabí rü ínaca rü ñanagürü: —¿Rü ngẽma Queirácüã̱xgü rü tá Chaúna choxü̃ namuxü̃ namaxã i chorü duü̃xü̃gü? —ñanagürü. Rü nüma ga Cori ya Tupana rü nanangãxü̃ rü ñanagürü: —Pexü̃ inamugü tá nixĩ —ñanagürü.

1 Chamué 22:15

¿Cuma nagu curüxĩnügu rü ñu̱xmaricatama nixĩ i Cori ya Tupanana chacaxü̃ nax Dabíxü̃ nangü̃xẽxẽxü̃ca̱x? Tama nixĩ. Rü ngẽmaca̱x, Pa Ãẽ̱xgacüx, rü tama name nax choxna cunaxuxü̃ i choma nax curü duü̃xü̃ nax chixĩxü̃ rü tama name nax nüxna cunaxuxü̃ i chautanüxü̃. Chomax rü tama nüxü̃ chacua̱x nax ta̱xacürü guxchaxü̃ nangẽxmaxü̃ —ñanagürü.

1 Chamué 22:13

Rü nüma ga Chaú rü nüxna naca rü ñanagürü: —¿Tü̱xcüü̃ i cuma rü wüxigu ngẽma Ichaxí nane i Dabímaxã chomaxã penuexü̃? Cuma i chacherdóte rü nüxna cunaxã i paũ rü wüxi i tara, rü ñu̱xũchi Cori ya Tupanaarü ngü̃xẽẽca̱x Dabíaxü̃́ ícuca nax chomaxã naxuanüxü̃ca̱x rü choxü̃ íyacu̱xeü̃xü̃ca̱x ngẽma ñu̱xma naxüxü̃rüxü̃ —ñanagürü.

1 Chamué 10:22

Rü yemaca̱x wenaxarü Cori ya Tupanana nacagüe ga nüxü̃ nax nacua̱xgüxü̃ca̱x rü aixcüma nayexma ga Chaú. Rü nüma ga Cori ya Tupana rü nüxü̃ nixu ga yéma nax nayexmaxü̃, rü Iraéanecüã̱xgüarü yemaxü̃tanügu nax yacúxü̃.

1 Chamué 22:11

Rü yexguma ga Chaú rü norü duü̃xü̃güxü̃ namu nax chacherdóte ga Aimérexca̱x yacagüxü̃ca̱x namaxã ga guxü̃ma ga chacherdótegü ga natanüxü̃ ixĩgüxü̃ ga guma ĩane ga Nóxwa yexmagüxü̃. Rü yexguma guxü̃ma ga chacherdótegü ãẽ̱xgacüpe̱xewa ngugügu rü nüma ga Chaú rü Aimérexü̃ ñanagürü: —¡Mea choxü̃ írüxĩnü, Pa Aitúx nanex! —ñanagürü. Rü nüma ga Aimérex rü nanangãxü̃ rü ñanagürü: —Íchamemare, Pa Ãẽ̱xgacüx, nax cuxü̃́ icharüxĩnüxü̃ —ñanagürü.

1 Chamué 21:10

Rü yematama ngunexü̃gu nixũchigü ga Dabí nax Chaúcha̱xwa yaxũxü̃. Rü Firitéugüarü ĩane ga Gáxwa naxũ. Rü yexguma yéma nanguxgu rü guma ĩanearü ãẽ̱xgacü ga Aquíxü̃tawa naxũ.