1 Chamué 21:7 - Tupanaarü Ore

⁷ Rü yema ngunexü̃gu rü yéma Tupanapatawa nayexma ga wüxi ga Chaúarü ngü̃xẽẽruxü̃ ga woetama yéma yexmaxü̃. Rü nüma rü wüxi ga Edóü̃tanüxü̃ nixĩ rü Doéxgu naxãéga. Rü nüma rü Chaúarü carnérugüarü dauruü̃güeru nixĩ.

1 Chamué 21:7 Referans Kwoze

1 Chamué 22:9

Rü yexguma ga Doéx ga Edóü̃cüã̱x ga Chaúarü churaragüerutanüwa yexmaxü̃, rü Chaúxü̃ nangãxü̃ rü ñanagürü: —Choma rü nüxü̃ chadau ga Ichaxí nane ga Dabí ga yexguma Nóxwa naxũxgu nax chacherdóte ga Aimérex ga Aitúx nanemaxã yadexaxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 27:29

Rü Chitrái ga Charóü̃cüã̱x nixĩ ga namaxã icuácü ga yema wocagü ga doxonexü̃ ga Charóü̃wa yexmagüxü̃. Rü Chapáx ga Adái nane nixĩ ga namaxã icuáxü̃ ga yema wocagü ga togü ga doxonexü̃güwa yexmagüxü̃.

Ore i mexü̃ ga Matéu ümatüxü̃ 15:8

“Ñaa duü̃xü̃gü rü naã̱xmaxãmare choxü̃ nicua̱xüü̃gü. Natürü naãẽwa rü tama aixcüma chaugu narüxĩnüe.

Amúx 8:5

Rü pegüna pecagü rü ñaperügügü: “¿Ñuxgu tá nangupetüxü̃ i ngẽma ngexwacaxü̃cü ya tauemacüarü peta nax ngẽmaãcü wena namaxã itaxegüxü̃ca̱x ya tórü trigugü? ¿Rü ñuxgu tá nangupetüxü̃ i ngẽma ngü̃xchigaarü ngunexü̃ nax wena namaxã itaxegüxü̃ca̱x ya tórü trigugü?” ñaperügügü. Rü pema rü chixecü ya yáruxü̃wa ipenayá i perü trigugü. Rü íxraxü̃ i ngugüruxü̃wa penangugü i ngẽma trigu Rü naétü nagu perüxĩnüe nax penatatanüxẽẽxü̃ i perü trigugü.

Echequié 33:31

Rü ngẽmaãcü i chorü duü̃xü̃gü rü cuxca̱x naxĩ, rü cupe̱xewa nayarütogü guxü̃gurüxü̃ nax yanaxĩnüexü̃ca̱x i ngẽma ore i nüxü̃ quixuxü̃. Natürü woo nüxü̃ naxĩnüegu i ngẽma ore natürü tama aixcüma nagu namaxẽ. Rü naã̱xmaxã choxü̃ nicua̱xüü̃gü, natürü norü maxü̃wa rü yexeraãcü diẽruguama narüxĩnüe.

Norü taxre ga to ga popera ga ãẽ̱xgacügüchiga ümatüxü̃ 26:10

Rü yexgumarüxü̃ ta yexma naxnücüanegu nanaxü ga daxũtaechicaxü̃gü. Rü nanaxü ta ga mucüma ga puchugü ga ínadoxonexü̃wa rü ínamáxpü̱xanexü̃wa yerü namuxũchi ga norü wocagü. Rü nüma ga Uchía rü nüxü̃́ nayexma ga ñuxre ga yatügü ga norü naanegüwa puracüexü̃ rü úbanecügü ga ínamáxpü̱xanexü̃wa puracüexü̃ rü naxa̱xtügüwa puracüexü̃. Yerü norü me nixĩ ga naanewa nax napuracüxü̃.

1 Chamué 14:47

Rü yemaacü ga Chaú rü nügü nango̱xẽxẽ nax nüma rü aixcüma Iraéanecüã̱xgüarü ãẽ̱xgacü yixĩxü̃. Rü nüma rü guxü̃wama ga norü naanewa rü nanadai ga norü uanügü ga Moátanüxü̃, rü Amóü̃tanüxü̃, rü Edóü̃tanüxü̃, rü Chobáarü ãẽ̱xgacügü rü Firitéugü. Rü yema íyadaixetanüãxü̃wa rü nüma nixĩ ga guxü̃xü̃ma naporamaexü̃.

1 Chamué 11:5

Rü nüma ga Chaú rü naanewa ne naxũ namaxã ga norü wocagü ga puracüruxü̃. Rü norü duü̃xü̃güna naca rü ñanagürü: —¿Ta̱xacü nüxü̃ nangupetü i duü̃xü̃gü? ¿Ta̱xacüca̱x naxauxe? —ñanagürü. Rü nüma ga norü duü̃xü̃gü rü Chaúmaxã nüxü̃ nixugüe ga yema ore ga yatügü ga Yabécüã̱x yéma ngẽgüxü̃.

Naanearü ügüchiga 26:20

Natürü yema carnérugüarü dauruü̃gü ga Gueráxcüã̱x, rü yema Ichaáarü carnérugüarü dauruü̃gümaxã nügü nadai, yerü nüma nüxü̃ yaxugügu rü noxrü nixĩ ga gumá puchu. Rü yemaca̱x ga Ichaá rü ñaxü̃gu nanaxüéga ga gumá puchu: “Dai” ñaxü̃gu, yerü gumá puchuca̱x nügü nadai.

1 Chamué 21:8

Rü yexguma ga nüma ga Dabí rü Aimérexü̃ ñanagürü: —¿Nayima i curü wocae rüe̱xna curü tara? Erü ñu̱xãẽãcü nua choxü̃ namu ya ãẽ̱xgacü rü ngẽmaca̱x taxuxü̃ma i chorü tara rüe̱xna to i chauxne íchinge —ñanagürü.

1 Chamué 22:22

Rü Dabí rü nanangãxü̃ rü ñanagürü: —Choma rü yema ngunexü̃gu nüxü̃ chacua̱x nax yéma nayexmaxü̃ ga Doéx, rü ñu̱xũchi tá Chaúmaxã choxü̃ yaxuxü̃. Chaugagu nixĩ i nayuexü̃ i guxü̃ma i cutanüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 27:31

Rü Yachí ga Agátanüxü̃ nixĩ ga namaxã icuácü ga yema carnérugü. Rü guxü̃ma ga yemagü nixĩ ga ãẽ̱xgacü ga Dabíarü yemaxü̃gümaxã icua̱xgüxü̃.

Lebítanüxü̃arü puracüchiga 22:10

Rü ngẽma duü̃xü̃ i tama chacherdóte ixĩxü̃ rü tama name nax õna i üünexü̃ nangṍxü̃. Rü woo ngẽma duü̃xü̃ i chacherdótexü̃tagu naxũanexü̃ rüe̱xna ngẽma norü puracütanüxü̃ rü tama name i ngẽma õna i üünexü̃ nax nangṍxü̃.

Lebítanüxü̃arü puracüchiga 22:13

Natürü ngẽxguma nayutegu rüe̱xna ngĩte ngĩxü̃ íta̱xgu, rü nangexacügu rü ngĩnatüpataca̱x nataeguxgu noxri nangetegurüxü̃, rü name i nangõ̱x i ngẽma õna i ngĩnatü ngṍxü̃. Natürü ngẽma duü̃xü̃ i tama chacherdótetanüxü̃ ixĩxü̃, rü taxucürüwa ngẽma õnamaxã naxãwemü.

Lebítanüxü̃arü puracüchiga 24:5

¡Rü nayaxu i ngẽma rümemaexü̃ i trigute̱xe rü ngẽmawa naxü i 12 i paũ i maixcuraxü̃ i ãgümücü i quíruarü ngãxü̃ yáxü̃ i wüxichigü!

Lebítanüxü̃arü puracüchiga 24:8

Rü nüma i chacherdóte rü guxü̃ma i ngü̃chigaarü ngunexü̃gu chope̱xegu tá nayanu i ngẽma paũ. Erü nüma ya chacherdóte nixĩ i Iraétanüxü̃égagu choxna naxããxü̃ i ngẽma paũ. Rü ngẽma tá nixĩ i wüxi i uneta i guxü̃gutáma ixĩxü̃.

1 Chamué 22:10

Rü nüma ga Aimérex rü Cori ya Tupanana naca nax Dabíxü̃ nangü̃xẽẽxü̃ca̱x. Rü õnagü nüxna naxã, rü ñu̱xũchi nüxna nanaxã ga Firitéu ga Goriáxarü tara —ñanagürü.