1 Chamué 21:4 - Tupanaarü Ore

⁴ Rü yexguma nüma ga gumá chacherdóte rü nanangãxü̃ rü ñanagürü: —Ngẽma paũ i choxü̃́ ngẽxmaxü̃ rü tama ngexü̃rüüxü̃ i paũmare nixĩ erü ngẽma choxü̃́ ngẽxmaxü̃ rü marü Tupanana chanaxuaxü̃. Natürü tá cuxna chanaxã ega ngẽxguma ngẽma curü duü̃xü̃gü rü tama ngexü̃ nadaugügu —ñanagürü.

1 Chamué 21:4 Referans Kwoze

Ínachoxü̃xü̃chiga 19:15

Rü nüma ga Moiché rü ñanagürü nüxü̃: —¡Pegü pimexẽxẽgü naxca̱x i pa̱xmaacüarü ngunexü̃! ¡Rü naxü̃pa i ngẽma rü taxũtáma pexma̱xmaxã pemaxẽ! —ñanagürü.

Ínachoxü̃xü̃chiga 25:30

Rü name nixĩ i ngẽma mechaétügu cunanu i ngẽma paũ i üünexü̃ i cha̱u̱xca̱x ixĩxü̃ nax guxü̃gutáma chope̱xewa nangẽxmaxü̃ca̱x.

1 Corintios 7:5

Rü tama name i wüxi ya yatü rü naxma̱xna nügü ninuxũ, rü ẽ̱xna wüxi i ngecü rü ngĩtena ngĩgü iyanuxũ, ega tama nügümaxã namexẽẽãgu nax ñuxre i ngunexü̃ tama nügümaxã namaxẽxü̃ naxca̱x nax nayumüxẽgüxü̃. Rü ngẽmawena rü name nixĩ nax wenaxarü noxrirüxü̃ nügümaxã namaxẽxü̃ nax tama Chataná nüxna ĩnüxü̃ca̱x nax chixexü̃gu nayixẽẽãxü̃ca̱x.

1 Chamué 21:6

Rü yexguma nüma ga gumá chacherdóte rü Dabína nanana ga yema paũ ga Tupanaca̱x ixĩxü̃ yerü nataxuma ga to ga paũ. Natürü yematama ga ngunexü̃gu rü mecha ga üünexü̃wa nanade ga yema paũ ga Dabína nanaxü̃, rü yemachicüxü yexma nananu ga ngexwacaxü̃xü̃ ga paũ ga inaixü̃.

Lebítanüxü̃arü puracüchiga 15:18

Rü ngẽxguma wüxi ya yatü rü wüxi i ngexü̃ nügümaxã maxẽgu, rü tanaxwa̱xe nax mea naxaiyagüxü̃ i ngẽma taxre. Rü tá nixãũãchi ñu̱xmata nachüta.

1 Chamué 21:3

¿Dücax, rü ta̱xacürü cuwemü cuxü̃́ nangẽxma? ¡Rü choxna naxã i 5 i paũ rüe̱xna ta̱xacü i cuxü̃́ ngẽxmaxü̃! —ñanagürü.