1 Chamué 21:2 - Tupanaarü Ore

² Rü nüma ga Dabí rü nanangãxü̃ rü Aimérexü̃ ñanagürü: —Ãẽ̱xgacü rü nua choxü̃ namu nax chayanguxẽẽxü̃ca̱x i ngẽma nüma choxü̃ namuxü̃. Natürü tama nanaxwa̱xe nax texé nüxü̃ cuáxü̃ nax ta̱xacüca̱x nua choxü̃ namuxü̃ rü ta̱xacü yixĩxü̃ i norü ore i nua namuxü̃. Rü ngẽmaca̱x i ngẽma chorü duü̃xü̃gü rü tama chowe narüxĩ. Rü to i nachicagu namaxã chaxuneta nax ngẽxma nüxü̃ chayangauxü̃ca̱x.

1 Chamué 21:2 Referans Kwoze

Gálatas 2:12

Yerü noxri rü yema duü̃xü̃gü ga tama Yudíugü ixĩgüxü̃maxã nachibü ga Pedru. Natürü yexguma yéma nangugügu ga ñuxre ga Yudíugü ga yaxõgüxü̃ ga Chantiágu yéma mugüxü̃, rü Pedru rü marü tama yema duü̃xü̃gü ga tama Yudíugü ixĩgüxü̃maxã nachibüchaü̃. Rü Yudíugümaxãxicatama nachibü ga yexguma, yerü nüxü̃ namuü̃ ga yema Yudíugü ga yéma ngugüxü̃ ga nagu ĩxü̃ ga yema nacüma nax Tupanaca̱x ínawíecha̱xmüü̃pe̱xechiraü̃güxü̃.

Colosenses 3:9

Rü tama name i pegümaxã pidorae, erü marü ípenata̱x ga nũxcümaü̃xü̃ ga pecüma rü guxü̃ma ga yema chixexü̃gü ga ü̃pa pexügüxü̃.

Nüxíraxü̃xü̃ ga popera ga ãẽ̱xgacügüchiga 13:18

Natürü nüma ga guma yacü ga orearü uruxü̃ rü ñanagürü: —Choma rü ta cuxrüxü̃ orearü uruxü̃ chixĩ. Rü Cori ya Tupanaarü orearü ngeruxü̃ i daxũcüã̱x choxü̃ namu nax chauchiü̃wa cuxü̃ chagaxü̃ca̱x rü ngéma cuxü̃ nax chachibüxẽẽxü̃ca̱x, rü cuxü̃ nax chaxaxexẽẽxü̃ca̱x —ñanagürü. Natürü doramare nixĩ ga yema nüxü̃ yaxuxü̃ ga guma orearü uruxü̃ ga yacü.

1 Chamué 22:22

Rü Dabí rü nanangãxü̃ rü ñanagürü: —Choma rü yema ngunexü̃gu nüxü̃ chacua̱x nax yéma nayexmaxü̃ ga Doéx, rü ñu̱xũchi tá Chaúmaxã choxü̃ yaxuxü̃. Chaugagu nixĩ i nayuexü̃ i guxü̃ma i cutanüxü̃.

1 Chamué 19:17

Rü yexguma ga Chaú rü Micáxü̃ ñanagürü: —¿Tü̱xcüü̃, ngẽmaãcü choxü̃ cuwomüxẽxẽ, rü cuyañaxẽxẽ i chorü uanü? —ñanagürü. Rü Micá rü inangãxü̃ rü ngĩgürügü: —Erü nüma rü chomaxã nanaxuegu nax choxü̃ yamáxü̃ i ngẽxguma chi taxũchima chayañaxẽẽgu —ngĩgürügü.

Naanearü ügüchiga 27:20

Rü yexguma ga Ichaá rü nüxna taca, rü ñatagürü: —¿Ñuxãcü paxa cuxãéxü̃, Pa Chaunex? —ñatagürü. Rü nüma ga Acóbu rü tüxü̃ nangãxü̃, rü ñanagürü: —Nüma ya Cori ya curü Tupana choxü̃ narüngü̃xẽxẽ rü ngẽmaca̱x paxãma nüxü̃ ichayangau —ñanagürü.

Wiyaegü 119:29

¡Rü naxcha̱xwa choxü̃ ixũgachixẽxẽ i ngẽma doramare ixĩxü̃ rü choxü̃ nangu̱xẽxẽ i curü ore i aixcüma ixĩxü̃!

1 Chamué 21:3

¿Dücax, rü ta̱xacürü cuwemü cuxü̃́ nangẽxma? ¡Rü choxna naxã i 5 i paũ rüe̱xna ta̱xacü i cuxü̃́ ngẽxmaxü̃! —ñanagürü.

Wiyaegü 141:3

Pa Cori Pa Tupanax ¡choxü̃ rüngü̃xẽxẽ nax tama ore i chixexü̃xü̃ chixuxü̃ca̱x i cuchiga!

1 Chamué 22:9

Rü yexguma ga Doéx ga Edóü̃cüã̱x ga Chaúarü churaragüerutanüwa yexmaxü̃, rü Chaúxü̃ nangãxü̃ rü ñanagürü: —Choma rü nüxü̃ chadau ga Ichaxí nane ga Dabí ga yexguma Nóxwa naxũxgu nax chacherdóte ga Aimérex ga Aitúx nanemaxã yadexaxü̃.

Neemía 11:32

rü Anatógu, rü Nóxgu, rü Ananíagu,

Ichaía 10:32

Rü ñu̱xma i ngẽma uanügü rü ĩane ya Nóxwa nayachaxãchitanü, rü wüxi i cua̱xruxü̃ nügüna naxãgü nax Yerucharéü̃arü ma̱xpǘne ya Chióü̃ca̱x íyaxüãchixü̃ nax tüxü̃ nada̱i̱xü̃ca̱x.