1 Chamué 20:8 - Tupanaarü Ore

⁸ Rü choma nax curü duü̃xü̃ chixĩxü̃ rü chanaxwa̱xe i choxü̃ curüngü̃xẽxẽ erü cuma rü ñu̱xũchi choma rü marü Tupanape̱xewa wüxi i uneta yigümaxã taxü nax yigü ingechaü̃güxü̃. Rü ngẽmaca̱x rü ngẽxguma chi ta̱xacürü chixexü̃ chaxüxgu rü chanaxwa̱xe i cumatama choxü̃ quima̱x rü taxuca̱xma cunatüxü̃tawa choxü̃ cuga nax choxü̃ timáxü̃ca̱x —ñanagürü.

1 Chamué 20:8 Referans Kwoze

2 Chamué 14:32

Rü nüma ga Acharóü̃ rü nanangãxü̃ rü ñanagürü: —Chorü duü̃xü̃güxü̃ cumaxã nüxü̃ charüxuxẽxẽ nax nua chauxü̃tawa cuxũxü̃ca̱x nax ngẽmaãcü ãẽ̱xgacüxü̃tawa cuxü̃ chamuxü̃ca̱x, rü namaxã nüxü̃ cuyarüxuxü̃ca̱x i ñaa chorü ore nax ta̱xacüca̱x yixĩxü̃ nax Yechúxwa cha̱u̱xca̱x ínaxũxü̃ nax nua choxü̃ naxũxẽẽxü̃. Rü ngẽma rümemaexü̃chixü̃ nixĩ nax Yechúxwatama changexmaxü̃. Choma rü ãẽ̱xgacüxü̃ chadauxchaü̃. Rü ngẽxguma chi ta̱xacürü chixexü̃ chauétüwa ngẽxmagu, rü name nixĩ i choxü̃ nima̱x —ñanagürü.

1 Chamué 18:3

Rü Yonatáü̃ rü Dabí rü Tupanaégagu nügümaxã nanaxuegugü nax nügümücügü nax yixĩgüxü̃ca̱x yerü ga Yonatáü̃ rü Dabíxü̃ nangechaü̃ ñoma nügütama nangechaü̃xü̃rüxü̃.

1 Chamué 23:18

Rü yexguma ga nüma ga Dabí rü Yonatáü̃ rü Cori ya Tupanape̱xewa nügümaxã inaxügagü. Rü yemawena ga Yonatáü̃ rü nataegu, rü nüma ga Dabí rü yexmatama Óregu narüxã̱ũ̱x.

1 Chamué 20:16

Rü yemaacü ga Yonatáü̃ rü Dabímaxã inaxüga.

Ngechuchuarü ngúexü̃gü ga yamugüxü̃arü puracüchiga 25:11

Ngẽxguma chi aixcüma chixexü̃ chaxüxgu rü marü name nax naxca̱x choxü̃ yama̱xgüxü̃, rü tama chaugü chinuxü̃ nax chayuxü̃. Natürü ngẽxguma nataxuxguma i ta̱xacü i aixcüma ixĩxü̃ i ngẽma naxca̱x choxü̃ ínaxuaxü̃güxü̃, rü taxuacüma texé Yudíugüna choxü̃ tamu. Rü naxca̱x íchaca nax nümatama ya Rómaarü ãẽ̱xgacü ya Chécharu choxna naca̱xaxü̃ca̱x —ñanagürü ga Pauru.

Ucu̱xẽgüchiga 3:3

¡Taxṹ i nüxü̃ curüxoxü̃ nax Tupanaxü̃ cungechaxü̃xü̃ rü quixaixcümaxü̃! ¡Rü nagu namaxü̃ i ngẽma nacümagü, rü guxü̃guma cugüãẽwa nagu rüxĩnü ñoma wüxi i nachagü i yigünaawa inga̱xcuchixü̃rüxü̃!

Wiyaegü 116:11

Rü chorü ĩ̱xãchiãẽgagu rü ñacharügü: —Guxü̃ma i duü̃xü̃gü rü nidorata̱a̱xgü —ñachagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:17

Rü yexguma yema duü̃xü̃güxü̃ nada̱u̱xgu rü nüma ga Dabí rü naxca̱x nixũ rü ñanagürü: —Ngẽxguma chorü ngü̃xẽẽwa nua pexĩxgu rü guxü̃ne ya chorü maxü̃nemaxã pexü̃ chade nax chorü churaragütanüwa pichoü̃xü̃ca̱x. Natürü ngẽxguma chixexü̃ i ĩnümaxã nua pexĩxgu nax chauechita chorü uanügüna choxü̃ ípexuaxü̃xü̃ca̱x yixĩxgu, rü ẽcü pexü̃ napoxcu ya yima tórü o̱xigüarü Tupana, erü choma rü taxúemaama guxchaxü̃ chaxü rü tama wüxi i máetaxü̃ chixĩ —ñanagürü ga Dabí.

Rux 1:8

Natürü ga namawa rü ngĩnea̱xgüxü̃ ngĩgürügü: —¡Ẽcü pewoegu rü peéxü̃tawa pexĩ! ¡Rü Cori ya Tupana guxü̃guma mea pexü̃ ngechaü̃ yema choxü̃ rü chaunegüxü̃ mea pengechaxü̃xü̃rüxü̃, rü pexü̃́ natauxchaxẽẽã nax wena mea pixãtegüxü̃, rü ngẽmaãcü petaãẽgüxü̃ca̱x! —ngĩgürügü. Rü ñu̱xmachi ga Noemí rü wüxi ga chúxumaxã ngĩnea̱xgüxü̃ irümoxẽ. Natürü ga ngĩma ga ngĩnea̱xgü rü ixauxeama.

Yochué 22:22

—Cori ya Tupana ya gúxü̃ i tupananetagüarü Tupana ixĩcü rü nüxü̃ nacua̱x nax tama namaxã tanuexü̃ca̱x rüe̱xna nüxna tixĩgachixü̃ca̱x nixĩ i tanaxüxü̃ i ñaa ãmarearü guruxü̃. Rü tanaxwa̱xe nax guxãma i pema rü ta nüxü̃ pecuáxü̃ i ngẽma. Rü ngẽxguma chi tama Tupanaga taxĩnüexü̃ca̱x, rüe̱xna nüxna tixĩgachitanüxü̃ca̱x tanaxü̱xgu i ñaa ãmarearü guruxü̃, rü ẽcü toxü̃ pedai. Rü toxü̃ napoxcu ya Cori ya Tupana ega tóxrütama ãmarearü guruxü̃ taxü̱xgu nax ngéma naxca̱x tayaguxü̃ca̱x i ãmaregü.

Yochué 2:14

Rü nümagü rü ngĩxü̃ nangãxü̃gü rü ñanagürügü ngĩxü̃: —Toma tátama pexü̃ ítapoxü̃ rü pexna tadau nax taxuxü̃ma pexü̃ üpetüxü̃ca̱x, ega cuma rü tama toxü̃ quixuxgu. Rü ngẽxguma Cori ya Tupana toxna naxãxgu i ñaa naane rü aixcüma tá mea cuxna tadau —ñanagürügü.

Naanearü ügüchiga 47:29

Rü wüxi ga ngunexü̃gu ga yexguma marü nügü nacua̱xgu nax paxa tá nayuxü̃ ga Acóbu ga Iraégu ãégacü, rü nane ya Yúcheca̱x nangema, rü ñanagürü nüxü̃: —Rü ngẽxguma aixcüma choxü̃ curüngü̃xẽẽchaü̃gux rü ¡choperematüü̃gu naxǘxme̱x, rü chomaxã naxuegu rü tá cunaxüxü̃ i ngẽma tá cuxna naxca̱x chacaxü̃! Rü dücax, cumaxã nüxü̃ chixu rü tama chanaxwa̱xe nax Equítuanegu choxü̃ cutáxü̃.

Naanearü ügüchiga 24:49

Rü ñu̱xma rü chanaxwa̱xe nax chomaxã nüxü̃ pixuxü̃ ¿rü aixcüma tá mea penayaxuxü̃ i naga ya yimá chorü cori rü ẽ̱xna tama? Rü chanaxwa̱xe i chomaxã nüxü̃ pixu nax nüxü̃ chacuáxü̃ca̱x i ta̱xacü tá chaxüxü̃ —ñanagürü.

1 Chamué 20:9

Natürü ga Yonatáü̃ rü nanangãxü̃ rü ñanagürü: —Choma rü tagutáma ngẽma chaxü. Natürü ngẽxguma nüxü̃ chacuáxchigagu nax cuxü̃ timáxchaü̃xü̃ ya chaunatü rü tá cumaxã nüxü̃ chixu —ñanagürü.

1 Chamué 18:1

Rü yexguma Dabí Chaúmaxã igúegagu ga nügümaxã nax yadexagüxü̃, rü nüma ga Chaú nane ga Yonatáü̃ rü Dabímücüxü̃ nügü nixĩxẽxẽ, rü nüxü̃ nangechaü̃xü̃chi ñoma nügütama nangechaü̃xü̃rüxü̃.