1 Chamué 20:41 - Tupanaarü Ore

⁴¹ Rü yexguma marü íyaxũxgux ga yema Yonatáü̃arü ngü̃xẽẽruxü̃, rü Dabí rü nixũxũ ga yema nutatanüwa ga íyacúxü̃wa. Rü waixü̃müanegu tomaepü̱xcüna Yonatáü̃pe̱xegu nayangücuchi. Rü ñu̱xũchi nügü nachúxgü rü wüxigu naxauxe. Natürü Dabí rü yexeraãcü naxaxu.

1 Chamué 20:41 Referans Kwoze

1 Chamué 18:3

Rü Yonatáü̃ rü Dabí rü Tupanaégagu nügümaxã nanaxuegugü nax nügümücügü nax yixĩgüxü̃ca̱x yerü ga Yonatáü̃ rü Dabíxü̃ nangechaü̃ ñoma nügütama nangechaü̃xü̃rüxü̃.

Naanearü ügüchiga 29:11

Rü yemawena rü Raquéxü̃ narümoxẽ wüxi ga chúxumaxã rü naxaxu.

Ngechuchuarü ngúexü̃gü ga yamugüxü̃arü puracüchiga 20:37

Rü guxü̃ma poraãcü naxauxe, rü Pauruna nanã̱ĩ̱xãchigü, rü nüxü̃ nachúxgü.

2 Chamué 19:39

Rü guxü̃ma ga yema duü̃xü̃gü rü nichoü̃ ga natü ga Yudáü̃wa. Rü yexguma marü yangúegu ga ãẽ̱xgacü ga Dabí, rü Bachiláixü̃ nachúxu rü mexü̃ namaxã naxuegu. Rü ñu̱xũchi nüma ga Bachilái rü napataca̱x nataegu.

2 Chamué 9:6

Rü yexguma Dabíxü̃tawa nanguxgu ga nüma ga Mepi-bóchex ga Yonatáü̃ nane ga Chaútaxa ixĩcü, rü nape̱xegu nanangücuchi ga nüxü̃ nax namoxẽxü̃ca̱x. Rü nüma ga Dabí rü nüxna naca rü ñanagürü: —¿Ẽ̱xna cuma quixĩxü̃, Pa Mepi-bóchex? —ñanagürü. Rü nüma nanangãxü̃ rü ñanagürü: —Cuxme̱xwa changexma, Pa Ãẽ̱xgacüx —ñanagürü.

2 Chamué 1:26

Pa Chauenexẽ, Pa Yonatáü̃x, poraãcü cuxca̱x changechaü̃. Cuma rü chomaxã cumecümaxü̃chi. Ngẽma choxü̃ nax cungechaü̃xü̃ rü ngexü̃gü tüxü̃ ngechaü̃xü̃arü yexera nixĩ.

1 Chamué 25:23

Rü yexguma ngĩma ga Abigái Dabíxü̃ nada̱u̱xgu rü ngĩrü búruwa íixüe rü Dabípe̱xegu iyangücuchi.

1 Chamué 10:1

Rü yexguma ga nüma ga Chamué rü wüxiwexü̃ ga chíxü̃ nayaxu, rü Chaúxü̃ namaxã nabaeru. Rü ñu̱xũchi nüxü̃ nachúxu rü ñanagürü nüxü̃: —Cori ya Tupana cuxü̃ nayaxu i ñu̱xma nax norü duü̃xü̃gü i Iraéanecüã̱xgüarü ãẽ̱xgacü quixĩxü̃ca̱x. Rü cuma tá namaxã icucua̱x rü norü uanügü i nüxü̃ íchomaeguãchixü̃me̱xẽwa tá ícunanguxü̃xẽxẽ. Rü ngẽma cua̱xruü̃gü i nawa tá nüxü̃ cucuáxü̃ nax aixcüma Cori ya Tupana cuxü̃ unetaxü̃ nax norü duü̃xü̃gü i Iraéanecüã̱xgüarü ãẽ̱xgacü nax quixĩxü̃, rü ñaagü tá nixĩ.

Naanearü ügüchiga 45:15

Rü ñu̱xũchi ga Yúche rü guxü̃ma ga naenexẽgüxü̃ nachúxu, rü naxauxãcüma nüxna nana̱i̱xãchichigü. Rü yemawena ga naenexẽgü rü marü tama namuü̃eãcüma namaxã nidexagü.

Naanearü ügüchiga 43:28

Rü naenexẽgü rü wenaxarü nape̱xegu nanangücuchitanü, rü ñanagürügü: —Pa Torü Ãẽ̱xgacüx, tüma ya tonatü rü taxuxü̃ma tüxü̃ naxüpetü. Rü tamaxü̃ ta nixĩ —ñanagürügü.

Naanearü ügüchiga 29:13

Rü yexguma Labáü̃ nüxü̃ ĩnüchigagu ga yéma nax nanguxü̃ ga Acóbu ga naeya̱x ngĩne, rü paxa inañaãchi nax íyadauãxü̃ca̱x. Rü nüxna nana̱i̱xãchiãcüma nüxü̃ narümoxẽ, rü nüxü̃ nachúxu. Rü nachiü̃wa nanaga. Rü yixcüamaxü̃ra rü Acóbu nüxü̃ nixu ga guxü̃ma ga yema nanatüchiü̃wa nüxü̃ ngupetüxü̃.

Naanearü ügüchiga 42:6

Rü Yúche nixĩ ga ãẽ̱xgacü ixĩcü ga Equítuanewa. Rü nüma nixĩ ga duü̃xü̃gü ga togü ga nachixü̃anewa ne ĩxü̃xü̃ namaxã nataxexü̃ ga trigu Rü yexguma naenexẽgü naxü̃tawa ngugügu, rü nape̱xegu ñaxtüanegu nanangücuchitanü.

1 Chamué 20:40

Rü yemawena ga Yonatáü̃ rü norü ngü̃xẽẽruxü̃na nanana ga guma naxnegü, rü ñu̱xũchi nanamu nax nachiü̃wa nanaxãxü̃ca̱x ga ĩanewa.

Naanearü ügüchiga 33:4

Natürü ga Echaú rü Acóbuca̱x niña rü nüxna nayana̱i̱xãchi rü nüxü̃ nachúxu. Rü nügümaxã naxauxe.

1 Chamué 24:9

Rü ñanagürü nüxü̃: —¿Tü̱xcüü̃ i naga cuxĩnüxü̃, Pa Ãẽ̱xgacüx, i ngẽma duü̃xü̃gü i cumaxã nüxü̃ ixuxü̃ nax choma rü naxca̱x chadauxü̃ nax cuxü̃ chimáxü̃?

2 Chamué 1:2

Natürü norü tomaepü̱x ga ngunexü̃gu, rü yéma Dabíxü̃tawa nangu ga wüxi ga yatü ga Chaú rü norü churaragümaxã íyexmaxü̃wa ne ũxü̃. Rü norü ngechaü̃maxã nügüchirugu nagáugü rü waixü̃mümaxã nügü nabuxeru, rü yemaacü ínangu. Rü yexguma Dabípe̱xewa nanguxgu rü ñaxtüanegu nanangücuchi.

2 Chamué 14:4

Rü ngĩma ga ngecü ga Tecóacüã̱x rü ãẽ̱xgacü ga Dabíxü̃tawa ixũ rü nape̱xegu iyangücuchi ñu̱xmata waixü̃müwa yaxũcatü. Rü yemaacü nüxü̃ inawe̱x nax aixcüma naga naxĩnüxü̃. Rü nüxü̃ ngĩgürügü: —¡Choxü̃ rüngü̃xẽxẽ, Pa Ãẽ̱xgacüx! —ngĩgürügü.

Nüxíraxü̃xü̃ ga popera ga ãẽ̱xgacügüchiga 1:16

Rü ngĩma ga Bechabé rü ãẽ̱xgacüpe̱xegu inangücuchi rü ñu̱xmata ĩxmachiü̃wa iyaxṹcatü. Rü nüma ga ãẽ̱xgacü rü ngĩxna naca rü ñanagürü: —¿Ta̱xacü cunaxwa̱xe i cuxca̱x chaxüxü̃ i ñu̱xmax? —ñanagürü.

Nüxíraxü̃xü̃ ga popera ga ãẽ̱xgacügüchiga 1:31

Rü ngĩma ga Bechabé rü ãẽ̱xgacüpe̱xegu inangücuchi ñu̱xmata ĩxmachiü̃wa yaxũcatü, rü tagaãcü ngĩgürügü: —¡Guxü̃guma namaxü̃ ya chorü cori ya ãẽ̱xgacü ya Dabí! —ngĩgürügü.