1 Chamué 20:2 - Tupanaarü Ore

² Rü nüma ga Yonatáü̃ nanangãxü̃ rü ñanagürü: —Tupana rü tama nanaxwa̱xe nax cuyuxü̃. ¡Taxũtáma cuxü̃ tima̱x! ¡Nagu rüxĩnü rü chaunatü rü taxuxü̃ma i ta̱xacü taxü ega tama chomaxã nüxü̃ tixuxíragu woo íxraxü̃ rüe̱xna ta̱xacü i taxü̃! ¿Tü̱xcüü̃ ya chorü papa i tama chomaxã nüxü̃ tixuxchaxü̃xü̃ i ngẽma nax cuxü̃ timáxchaü̃xü̃? Rü taxũtáma ngẽmaãcü nixĩ —ñanagürü.

1 Chamué 20:2 Referans Kwoze

Ore i mexü̃ ga Cuáü̃ ümatüxü̃ 17:8

Rü choma rü marü namaxã nüxü̃ chixu ga curü ore ga chomaxã nüxü̃ quixuxü̃. Rü nüma rü marü nayaxõgü i ngẽma ore. Rü nüxü̃ nicua̱xãchitanü nax aixcüma cuxü̃tawa ne chaxũxü̃ i chomax. Rü nayaxõgü nax cuma núma choxü̃ cumuxü̃.

1 Chamué 9:15

Rü ĩneacü, naxü̃pa nax Chaú yéma nguxü̃, rü Chamuémaxã nidexa ga Tupana rü ñanagürü: —Moxü̃ i ñaa tátama i oragu rü cuxca̱x tá nua chanamu i wüxi i yatü i Bẽyamíü̃arü naanewa ne ũxü̃. Rü cuma rü tá chíxü̃maxã cunabaeru i ngẽma yatü nax chorü duü̃xü̃gü i Iraécüã̱xgümaxã inacuáxü̃ca̱x. Rü nüma tá nixĩ i Firitéugüme̱xẽwa ínanguxü̃xẽẽãxü̃. Erü choxü̃́ nangechaü̃tümüxü̃gü i chorü duü̃xü̃gü i ngẽxguma nüxü̃ chaxĩnügu i norü yumüxẽ i auxeãcüma chomaxã nüxü̃ yaxugüxü̃ —ñanagürü ga Tupana.

1 Chamué 20:12

Rü yéma rü nüma ga Yonatáü̃ rü Dabíxü̃ ñanagürü: —Cori ya Iraétanüxü̃arü Tupanaégagu cumaxã nüxü̃ chixu rü moxü̃ rüe̱xna pa̱xmaacü i ñaatama i oragu rü chaunatüna tá chaca nax ta̱xacü yixĩxü̃ i cumaxã nagu tarüxĩnüxü̃. Rü ngẽxguma ngẽma cumaxã nagu tarüxĩnüxü̃ rü namexgu rü tá nua cuxca̱x chamuga.

1 Chamué 14:45

Natürü nüma ga Iraétanüxü̃ ga duü̃xü̃gü rü Chaúxü̃ nangãxü̃gü rü ñanagürügü: —¿Ta̱xacüca̱x chixarü i Yonatáü̃ i nayuxü̃ erü nüma nixĩ i tórü uanüxü̃ tüxü̃ naporamaexẽẽxü̃? ¡Taxũtáma ngẽmaãcü nixĩ! Rü Cori ya Tupanaégagu cumaxã nüxü̃ tixu rü taxuxü̃táma i wüxi i nayae waixü̃mügu nangu, rü bai i wüxi i nayae i naeruwa ngẽxmaxü̃. Rü ngẽma ñu̱xma naxüxü̃, rü Cori ya Tupanaarü ngü̃xẽẽmaxã nixĩ i naxüaxü̃ —ñanagürügü. Rü yemaacü ga duü̃xü̃gü rü yuwa Yonatáü̃xü̃ ínapoxü̃gü.

Yochué 22:29

Rü tama nax Tupanamaxã tanuexü̃ca̱x rüe̱xna nüxna tixĩgachixü̃ca̱x nixĩ i tanaxüxü̃ i ñaa ãmarearü guruxü̃. Rü tama nixĩ i ngẽmawa ãmare ítaguxü̃ca̱x yixĩxü̃ i tanaxüxü̃. Rü tama tanaxü nax nüxü̃ taxoxü̃ca̱x i ngẽma Chilówa ngẽxmaxü̃ i Tupanaarü ãmarearü guruxü̃ —ñanagürügü.

Naanearü ügüchiga 44:7

Rü nüma ga naenexẽgü rü nanangãxü̃gü, rü ñanagürügü: —¿Tü̱xcüü̃ ngẽma ñacurügü toxü̃? Rü toma rü taguma ngẽma taxü.

Ore i mexü̃ ga Cuáü̃ ümatüxü̃ 15:15

Choma rü marü tama chorü mugüruü̃ãcü pexü̃ chaxu. Erü wüxi i mugüruxü̃ rü tama nüxü̃ nacua̱x i ngẽma norü cori üxü̃. Natürü ñu̱xma rü chomücügümaxã pexü̃ chaxu, yerü pexü̃ nüxü̃ chacua̱xẽxẽ ga guxü̃ma ga ore ga Chaunatü chomaxã nüxü̃ ixuxü̃.

Ore i mexü̃ ga Luca ümatüxü̃ 20:16

Rü ngéma tá naxũ rü tá nanadai i ngẽma puracütanüxü̃, rü togüna tá nanaxã i norü naane —ñanagürü ga Ngechuchu. Rü yexguma yemaxü̃ naxĩnüegu ga duü̃xü̃gü rü ñanagürügü: —Chierüx Tupana toxü̃ ípoxü̃ nax tama toxü̃ naxüpetüxü̃ca̱x i ngẽma —ñanagürügü.

Ichaía 50:5

Rü Tupana rü choxü̃ nangu̱xẽxẽ nax naga chaxĩnüxü̃ca̱x. Rü taguma namaxã chanuama rü taguma nüxü̃ chaxo.

Wiyaegü 40:6

Cuma rü tama namaxã cutaãxẽ nax ta̱xacü cuxca̱x ínaguxü̃, rü ãmaregü i cuxna naxãgüxü̃. Rü tama naxca̱x ícuca i ãmaregü i cuxca̱x ínaguxü̃ rü ãmaregü i pecaduarü ütanüruxü̃ ixĩgüxü̃. Natürü cuma rü cuyawaxna i chauxchi̱xẽ nax cuxü̃́ ichaxĩnüxü̃ca̱x.

Yochué 24:16

Rü yexguma ga nüma ga duü̃xü̃gü rü ñanagürügü: —Tagutáma nüxna tixĩgachi ya tórü Cori ya Tupana, rü bai i ñuxgu tá ta̱xacürü tupananetagüwe tarüxĩxü̃.

1 Chamué 20:1

Dabí rü Naióxwa niña ga Ramáwa rü Yonatáü̃ íyexmaxü̃wa naxũ nax namaxã nüxü̃ yanaxuxü̃ca̱x, rü ñanagürü: —¿Ta̱xacü ẽ̱xna chaxü i chomax? ¿Ta̱xacü ẽ̱xna nixĩ i chorü chixexü̃? ¿Ta̱xacürü chixexü̃ tümamaxã chaxü ya cunatü rü ngẽmaca̱x cha̱u̱xca̱x tadauxü̃ rü choxü̃ timáxchaü̃xü̃? —ñanagürü.

1 Chamué 20:3

Natürü ga Dabí rü nüxü̃ nixuchigüama rü ñanagürü: —Curü papa rü meama nüxü̃ tacua̱x nax cuma rü choxü̃ cungechaü̃xü̃ rü ngẽmaca̱x nixĩ i tama cumaxã nüxü̃ tixuxchaü̃xü̃ erü chi tümamaxã cunu. Natürü Cori ya Tupanaégagu rü cuégagutama cumaxã nüxü̃ chixu nax marü choxü̃ yangaicaxü̃ nax chayuxü̃ —ñanagürü.

Ucu̱xẽgüchiga 29:24

Ngẽxguma namaxã cuxãmücügu i ngẽma ngĩ́xü̃ rü cugütama cuchixexẽxẽ. Rü ngẽxguma nüxü̃ cuxĩnügu nax ãẽ̱xgacü poxcu cumaxã ueguxü̃, rü woo Tupanaégagu cugü ícuxuegu, rü taxucürüwa cugü ícupoxü̃.