1 Chamué 20:14 - Tupanaarü Ore

^14-15 Rü ngẽxguma chi chamaxyane nawa cunguxgu nax Iraéanearü ãẽ̱xgacü quixĩxü̃ rü chanaxwa̱xe i chomaxã cumecüma ngẽma Cori ya Tupana cumaxã mecümaxü̃rüxü̃. Rü ngẽxguma chayuyane yixĩxgu rü chanaxwa̱xe i chautanüxü̃maxã cumecüma. ¡Rü Cori ya Tupana cuxü̃ rüporamaexẽxẽ nüxü̃ i curü uanügü nax cuyanaxoxẽxẽxü̃ca̱x! —ñanagürü.

1 Chamué 20:14 Referans Kwoze

2 Chamué 9:3

Rü yexguma ga nüma ga ãẽ̱xgacü rü nüxna naca rü ñanagürü: —¿Tangexmaxü̃ ya maxü̃́xẽ ya Chaútanüxü̃wa íyaxüxe? Rü ngẽxguma tangexmagu, rü Tupanaégagu tüxü̃ charüngü̃xẽẽchaü̃ —ñanagürü. Rü nüma ga Chibá rü nanangãxü̃ rü ñanagürü: —Nangexma nixĩ ya wüxi ya Yonatáü̃ nane ya norü guxü̃neparawa chixecü —ñanagürü.

Naanearü ügüchiga 40:14

Rü ngẽxguma ngẽmaãcü tá yanguxgu rü chanaxwa̱xe i cuxü̃́ changechaü̃tümüxü̃. ¡Rü choxna nacua̱xãchi, rü Faraóü̃maxã choxü̃ ixu nax choxü̃ ínamuxũchixü̃ca̱x i nua!

1 Chamué 20:13

Natürü ngẽxguma chaunatü cuxü̃ imáxchaü̃gu, ¡rü Tupana poraãcü choxü̃ poxcu ega tama cumaxã nüxü̃ chixuxgu rü tama cuxü̃ charüngü̃xẽẽgu nax quiñaxü̃ca̱x! ¡Rü Cori ya Tupana cuxü̃ rüngü̃xẽxẽ yema chaunatüxü̃ nangü̃xẽẽxü̃rüxü̃!

1 Chamué 20:23

Rü ngẽma tórü unetagü i yigümaxã nüxü̃ ixuxü̃wa rü Cori ya Tupana nixĩ ya guxü̃gutáma taétüwa ücü —ñanagürü.

1 Chamué 24:21

¡Rü ẽcü Tupanaégagu chomaxã nüxü̃ ixu rü tagutáma cuyanaxoxẽxẽ i ngẽma chautaagü nax ngẽmaãcü tagutáma iyanaxoxü̃ca̱x i chauéga i chautanüxü̃tanüwa! —ñanagürü.

2 Chamué 9:1

Rü wüxi ga ngunexü̃gu ga Dabí rü ínaca rü ñanagürü: —¿Tayíxemaxü̃ ya wüxíe ya Chaútanüxü̃ i ñu̱xma rü ta ngextá maxü̃́xẽ? Erü ngẽxguma tayíxemagu rü Yonatáü̃égagu tüxü̃ charüngü̃xẽẽchaü̃ —ñanagürü.