1 Chamué 20:12 - Tupanaarü Ore

¹² Rü yéma rü nüma ga Yonatáü̃ rü Dabíxü̃ ñanagürü: —Cori ya Iraétanüxü̃arü Tupanaégagu cumaxã nüxü̃ chixu rü moxü̃ rüe̱xna pa̱xmaacü i ñaatama i oragu rü chaunatüna tá chaca nax ta̱xacü yixĩxü̃ i cumaxã nagu tarüxĩnüxü̃. Rü ngẽxguma ngẽma cumaxã nagu tarüxĩnüxü̃ rü namexgu rü tá nua cuxca̱x chamuga.

1 Chamué 20:12 Referans Kwoze

Ucu̱xẽgüchiga 20:5

Ngẽma duü̃xü̃arü ĩnü i cúxü̃, rü ñoma dexá i mátamaxü̃gu yacúxü̃rüxü̃ nixĩ. Natürü ngẽma naãẽxü̃ cuáxü̃ rü nüxü̃ inayangauama i ngẽma norü ĩnü i ngẽma duü̃xü̃.

Wiyaegü 17:3

Rü cuma rü marü mea nüxü̃ cucua̱x i ngẽma chauãẽwa nagu charüxĩnüxü̃. Rü chütacü rü choxü̃ cuxü rü taxuxü̃ma i chixexü̃ chowa icuyangau. Rü nüxü̃ cucua̱x nax aixcüma yixĩxü̃ i ngẽma nüxü̃ chixuxü̃.

Yox 31:4

¿Rü tama ẽ̱xna Tupana nüxü̃ nadau i ngẽma chaxüxü̃? ¿Rü tama ẽ̱xna nanangugü ega ngextá chaxũxgu?

Yochué 22:22

—Cori ya Tupana ya gúxü̃ i tupananetagüarü Tupana ixĩcü rü nüxü̃ nacua̱x nax tama namaxã tanuexü̃ca̱x rüe̱xna nüxna tixĩgachixü̃ca̱x nixĩ i tanaxüxü̃ i ñaa ãmarearü guruxü̃. Rü tanaxwa̱xe nax guxãma i pema rü ta nüxü̃ pecuáxü̃ i ngẽma. Rü ngẽxguma chi tama Tupanaga taxĩnüexü̃ca̱x, rüe̱xna nüxna tixĩgachitanüxü̃ca̱x tanaxü̱xgu i ñaa ãmarearü guruxü̃, rü ẽcü toxü̃ pedai. Rü toxü̃ napoxcu ya Cori ya Tupana ega tóxrütama ãmarearü guruxü̃ taxü̱xgu nax ngéma naxca̱x tayaguxü̃ca̱x i ãmaregü.

1 Chamué 20:11

Rü Yonatáü̃ nanangãxü̃ rü ñanagürü: —¡Chowe rüxũ rü naanewa taxĩ! —ñanagürü. Rü yexguma ga yema taxregü rü nügümaxã naanewa naxĩ.

1 Chamué 20:13

Natürü ngẽxguma chaunatü cuxü̃ imáxchaü̃gu, ¡rü Tupana poraãcü choxü̃ poxcu ega tama cumaxã nüxü̃ chixuxgu rü tama cuxü̃ charüngü̃xẽẽgu nax quiñaxü̃ca̱x! ¡Rü Cori ya Tupana cuxü̃ rüngü̃xẽxẽ yema chaunatüxü̃ nangü̃xẽẽxü̃rüxü̃!

1 Chamué 23:18

Rü yexguma ga nüma ga Dabí rü Yonatáü̃ rü Cori ya Tupanape̱xewa nügümaxã inaxügagü. Rü yemawena ga Yonatáü̃ rü nataegu, rü nüma ga Dabí rü yexmatama Óregu narüxã̱ũ̱x.

2 Chamué 21:7

Natürü nüma ga ãẽ̱xgacü ga Dabí rü tama inanamu ga Mepi-bóchex ga Yonatáü̃ nane ga Chaútaxa ixĩcü. Yerü ga Dabí rü ü̃paacü marü Tupanape̱xewa Yonatáü̃maxã nügümaxã inaxügagü nax Mepi-bóchexna nadauxü̃.