1 Chamué 20:1 - Tupanaarü Ore

¹ Dabí rü Naióxwa niña ga Ramáwa rü Yonatáü̃ íyexmaxü̃wa naxũ nax namaxã nüxü̃ yanaxuxü̃ca̱x, rü ñanagürü: —¿Ta̱xacü ẽ̱xna chaxü i chomax? ¿Ta̱xacü ẽ̱xna nixĩ i chorü chixexü̃? ¿Ta̱xacürü chixexü̃ tümamaxã chaxü ya cunatü rü ngẽmaca̱x cha̱u̱xca̱x tadauxü̃ rü choxü̃ timáxchaü̃xü̃? —ñanagürü.

1 Chamué 20:1 Referans Kwoze

Norü taxre ga popera ga Pedru ümatüxü̃ 2:9

Rü nüma ya Tupana, rü nüxü̃́ natauxcha nax tüxü̃ ínanguxü̃xẽẽxü̃ i ngẽxguma Chataná tüxna ĩnügu ya yíxema mea maxẽxe. Rü ngẽma chixexü̃ ügüxü̃, rü Tupanaaxü̃́ natauxcha nax napoxcueãxü̃ i ngẽma ngunexü̃ i nagu duü̃xü̃güxü̃ yacagüxü̃.

Nüxíraxü̃xü̃ ga popera ga Cuáü̃ ümatüxü̃ 3:21

Pa Chauenexẽgü ya Pexü̃ Changechaü̃güxe, ngẽxguma taãẽwa nüxü̃ icua̱xgu nax Tupanaxacüxüchi ixĩgüxü̃, rü tama taxãnee nax nüxna ingaicamagüxü̃ ya Tanatü ya Tupana.

2 Corintios 1:12

Rü ngẽma toxü̃ taãẽxẽẽxü̃ nixĩ nax toõxẽwa nüxü̃ tacuáxü̃ nax ñoma i naanewa rü aixcüma Tupana naxwa̱xexü̃ãcüma mea tamaxẽxü̃. Rü pepe̱xewa nixĩ ga guxü̃arü yexera yemaacü mea tamaxẽxü̃. Natürü tocüma rü tama ñoma i naanecüã̱xarü cua̱xwa ne naxũ, erü Tupana ya toxü̃ ngechaü̃cü nixĩ ya nüxü̃́ tayaxõcü.

1 Chamué 24:17

Rü ñu̱xũchi ñanagürü: —Ngẽma cuma nüxü̃ quixuxü̃ nixĩ i aixcüma ixĩxü̃. Erü cuma rü mexü̃ choxü̃ cudauxẽxẽ woo nax chixexü̃ cumaxã chaxüxü̃ i chomax.

1 Chamué 24:11

¡Rü dücax, mea nuxã nadawenü, Pa Ãẽ̱xgacüx, i ñaa cho̱xme̱xwa ngẽxmaxü̃! ¿Tama ẽ̱xna curü gáuxü̃chirutüchi yixĩxü̃ i ñaa? Rü ngẽmawa nüxü̃ cucua̱x nax marü chi cuxü̃ nax chimáxü̃. Rü ngẽmawa nüxü̃ cucua̱x, Pa Ãẽ̱xgacüx, nax taxuxü̃ma i chixexü̃ cumaxã chaxüxchaü̃xü̃, rü tama chanaxwa̱xexü̃ nax chacuechitaexü̃ rü bai i ñuxgu ta̱xacürü chixexü̃ cumaxã chaxüxü̃. Natürü i cumax, Pa Ãẽ̱xgacüx, rü chowe quingechigü nax choxü̃ quimáxü̃ca̱x.

1 Chamué 24:9

Rü ñanagürü nüxü̃: —¿Tü̱xcüü̃ i naga cuxĩnüxü̃, Pa Ãẽ̱xgacüx, i ngẽma duü̃xü̃gü i cumaxã nüxü̃ ixuxü̃ nax choma rü naxca̱x chadauxü̃ nax cuxü̃ chimáxü̃?

1 Chamué 12:3

Rü ñu̱xma rü daxe chixĩ. Ega ngẽxguma chi texéarü wocaca̱x rüe̱xna búruca̱x changĩ̱xgux, rüe̱xna texé chi chaxaixgu, rü chixri tümamaxã ichacua̱xgu rüe̱xna chanayauxtanügu ga ta̱xacürü guxchaxü̃ chamexẽẽ̱xgu, rü marü name i Cori ya Tupanape̱xewa rü nape̱xewa ya yimá ãẽ̱xgacü ya Tupana nüxü̃ unetacü, rü choxü̃ ípexuaxü̃. Rü choma rü tá chanaxütanü i ngẽma pexü̃́ changetanüxü̃ —ñanagürü.

1 Chamué 20:2

Rü nüma ga Yonatáü̃ nanangãxü̃ rü ñanagürü: —Tupana rü tama nanaxwa̱xe nax cuyuxü̃. ¡Taxũtáma cuxü̃ tima̱x! ¡Nagu rüxĩnü rü chaunatü rü taxuxü̃ma i ta̱xacü taxü ega tama chomaxã nüxü̃ tixuxíragu woo íxraxü̃ rüe̱xna ta̱xacü i taxü̃! ¿Tü̱xcüü̃ ya chorü papa i tama chomaxã nüxü̃ tixuxchaxü̃xü̃ i ngẽma nax cuxü̃ timáxchaü̃xü̃? Rü taxũtáma ngẽmaãcü nixĩ —ñanagürü.

Wiyaegü 54:3

Erü duü̃xü̃gü i to i nachixü̃anecüã̱x chauxca̱x ínayaxüãchi rü ngẽma máxwa̱xegüxü̃ rü choxü̃ nima̱xgüchaü̃. Rü ngẽma duü̃xü̃gü rü tama cuxü̃ namuü̃e, Pa Tupanax.

1 Chamué 19:1

Rü nüma ga Chaú rü nane ga Yonatáü̃xü̃ rü guxü̃ma ga norü churaragüxü̃ namu ga Dabíxü̃ nax yama̱xgüxü̃ca̱x. Natürü nüma ga Yonatáü̃ rü poraãcü Dabíxü̃ nangechaü̃.

1 Chamué 19:18

Rü yemaacü nixĩ ga yañaxü̃ ga Dabí. Rü Ramáwa naxũ Chamuéxü̃tawa, rü Chamuémaxã nüxü̃ nixu ga guxü̃ma ga Chaú namaxã üxü̃. Rü yemawena rü Dabí rü Chamué rü ĩane ga Naióxwa naxĩ, rü yéma nayexmagü.

1 Chamué 20:32

Natürü nüma ga Yonatáü̃ nanangãxü̃ rü ñanagürü: —¿Ta̱xacüca̱x tá inayuxü̃? ¿Ta̱xacürü chixexü̃ ẽ̱xna naxü? —ñanagürü.

1 Chamué 24:12

Rü Tupana nixĩ ya nüxü̃ cuácü nax texe tixĩxü̃ i ngẽma chixexü̃gu rüxĩnüxü̃. Rü ñu̱xma nax choxü̃ quimáxchaü̃xü̃ rü nüma nixĩ i nüxü̃ nacuáxü̃ i ta̱xacü tá cumaxã naxueguxü̃. Natürü i chomax, Pa Ãẽ̱xgacüx, rü tagutáma ta̱xacürü chixexü̃ cumaxã chaxü.

1 Chamué 26:18

¿Natürü tü̱xcüü̃ chowe quingechigü Pa Ãẽ̱xgacüx, i choma nax curü duü̃xü̃ chixĩxü̃? ¿Rü ta̱xacü chaxü? ¿Rü ta̱xacürü chixexü̃ cumaxã chaxü?