1 Chamué 2:9 - Tupanaarü Ore

⁹ Tupana rü tüxna nadau ya yíxema naga ĩnüexe natürü ngẽma tama naga ĩnüexü̃ rü ẽanexü̃gu nayue. Erü taxúema nüxü̃ tacua̱x nax tümaarü poramaxãtama tügü tamaxẽẽxü̃.

1 Chamué 2:9 Referans Kwoze

Wiyaegü 121:3

Rü nüma rü tagutáma nanaxwa̱xe nax cuyanguxü̃ rü tagutáma nape ya yimá cuxna daucü.

Nüxíraxü̃xü̃ ga popera ga Pedru ümatüxü̃ 1:5

Rü ñu̱xma nax Tupanaaxü̃́ peyaxõgüxü̃, rü nüma rü norü poramaxã tá pexna nadau ñu̱xmatáta penayauxgü i ngẽma maxü̃ i taguma gúxü̃ i tá pexna naxãxü̃ i ngẽxguma nagu̱xgu i naane.

Chacaría 4:6

Rü nüma ga daxũcüã̱x rü nayadaxẽxẽ ga nax yadexaxü̃ rü ñanagürü: —Rü ñaa nixĩ i Cori ya Tupanaarü ore i Chorobabéca̱x ixĩxü̃ i ñaxü̃: “Tama churaragüarü poramaxã rü bai i ta̱xacürü to i poramaxã, natürü Chauãẽarü poramaxã tá naxü ya chopata ya taxü̃ne” —ñanagürü ya Cori ya Tupana ya Guxãétüwa Ngẽxmacü.

Wiyaegü 97:10

Rü nüma ya Cori ya Tupana rü tüxü̃ nangechaü̃ ya yíxema nüxü̃ oxe i ngẽma chixexü̃. Rü tüxna nadau ya yíxema aixcüma naga ĩnüexe rü tüxü̃ ínapoxü̃ naxme̱xwa i ngẽma chixexü̃gu maxẽxü̃ i duü̃xü̃gü.

Wiyaegü 94:18

Rü ngẽxguma ñachagu: —Pa Corix, ngẽmatama chixexü̃gu changu —ñachagu, rü cuma rü choxü̃ cungechaü̃ãcüma choxü̃ curüngü̃xẽxẽ.

Wiyaegü 37:28

Erü nüma ya Cori ya Tupana rü nüxü̃ nangechaü̃ i ngẽma maxü̃ i we̱xguxü̃, rü taguma tüxü̃ ínawogü ya yíxema aixcüma nawe rüxĩxe. Rü guxü̃gutáma tüxna nadau. Natürü ngẽma chixexü̃gu maxẽxü̃, rü Tupana tá inayanaxoxẽxẽ i nanegü rü nataagü.

Yox 5:24

Rü cupatawa rü guxü̃táma mea nixũ. Rü ngẽxguma cuyaxugügu i curü wocagü rü guxü̃táma nangẽxmagü.

Wenaxarü naxümatü ga Tupanaarü mugü 33:3

Rü nüma ya Cori ya Tupana rü norü duü̃xü̃güxü̃ nangechaxü̃, rü nüxna nadau i ngẽma naga ĩnüexü̃. Rü nümagü rü nape̱xegu nacaxã́pü̱xügü rü ínanangu̱xuxẽẽgü i norü ucu̱xẽgü.

Ucu̱xẽgüchiga 16:9

Wüxi ya yatü, rü nanaxü i ngẽma nümatama nagu naxĩnüxü̃, natürü Cori ya Tupana nixĩ i ngẽma yatüarü ĩnümaxã icuácü.

Wiyaegü 121:8

Rü ngẽmaãcü i nüma ya Cori ya Tupana rü guxü̃wama cuxü̃ ínapoxü̃ i ñu̱xma rü guxü̃gutáma.

Norü taxre ga popera ga Pedru ümatüxü̃ 2:17

Rü ngẽma ngu̱xẽẽruü̃netagü rü taxuwama nime ñoma wüxi i puchu i ngearü dexáã́xü̃rüxü̃. Rü ñoma wüxi i caixanexü̃ i buanecü icuexü̃rüxü̃ nixĩgü nax taxuwama yamexü̃. Rü nümagü rü ẽanexü̃chixü̃gu guxü̃gutáma napoxcue.

Ore i mexü̃ ga Matéu ümatüxü̃ 8:12

Natürü muxü̃ma i Iraétanüxü̃ rü taxũtáma nichocu i ngextá Tupana ãẽ̱xgacü íxĩxü̃wa. Rü ẽanexü̃wa tá nawogü. Rü ngéma tá naxauxe, rü tá nixü̃́xchapütagü —ñanagürü.

Chofonía 1:15

Rü ngẽma ngunexü̃ rü Tupana tá nayanguxẽxẽ i norü nu. Rü ngẽma duü̃xü̃gü rü tá nanaxĩ̱xãchiãẽgü rü ngúxü̃ tá ningegü. Rü norü uanügü rü tá nagu napogüe ya yima norü ĩanegü. Rü poraãcü tá nawaane rü narücaixane. Rü ngẽmaãcü guxü̃wama tá naxẽane.

Ngu̱xẽẽtaeruü̃arü ore 9:11

Rü to i ñoma i naanewa nüxü̃ chadauxü̃ nixĩ nax ngẽma ñaãchiwa poraexü̃ rü tama guxü̃guma nüxíra ínangugüxü̃. Rü ngẽma daiwa poraexü̃ rü tama guxü̃guma narüporamaegü. Rü ngẽma cua̱x nüxü̃́ ngẽxmagüxü̃ rü tama guxü̃guma nüxü̃́ nangẽxma i norü õna. Rü ngẽma naãẽxü̃ cuáxü̃ rü tama guxü̃guma nidiẽruã̱x. Rü ngẽma poperawa ngu̱x nüxü̃́ ngẽxmagüxü̃ i duü̃xü̃gü rü tama guxü̃guma namaxã nataãẽgü. Rü guxãca̱x ínangu i tümaarü taãxẽ rü tümaarü guxchaxü̃.

Ucu̱xẽgüchiga 3:26

Erü nüma ya Cori ya Tupana rü guxü̃gutáma cuxü̃tawa nangẽxma nax taxuca̱xma cumuü̃xü̃ca̱x, rü tá cuxna nadau nax tama ngürüãchi ta̱xacürü chixexü̃gu cunguxü̃ca̱x.

Ngu̱xẽẽtaeruü̃arü ore 5:17

Rü ngẽmaétüwa rü guxü̃ma i ngunexü̃gü i nagu namaxü̃xü̃gu rü ẽanexü̃wa nangẽxma, rü namu i norü guxchaxü̃gü, rü da̱xaweanegü, rü oegaãẽgü i naxca̱x inguxü̃.

Ucu̱xẽgüchiga 2:8

Rü tüxna nadau ya yíxema mexü̃ i nacümagu ĩxẽ, rü tüxü̃ ínapoxü̃ ya yíxema aixcüma naga ĩnüexe.

Wiyaegü 121:5

Rü nüma ya Cori ya Tupana nixĩ i cuxna nadauxü̃ rü cuxü̃ ínapoxü̃xü̃, erü guxü̃guma cuxü̃tawa nangẽxma nax cuxü̃ nangü̃xẽẽxü̃ca̱x.

Popera ga Yúda ümatüxü̃ 1:13

Rü ñoma yuape i taxü̃ i norü chixixü̃ i ãũãchixü̃ naxãnacüwa yatáxü̃rüxü̃ nixĩgü, rü ngẽma naxügüxü̃ rü taxü̃ i norü ãne nixĩ. Rü ñoma woramacurigü ya nu ne naxĩmarecürüxü̃ nixĩgü. Natürü Tupana rü marü ngẽma duü̃xü̃gümaxã nanaxuegu nax ngẽma waanexü̃chixü̃wa guxü̃gutáma nawogüãxü̃.

Popera ga Yúda ümatüxü̃ 1:3

Pa Chauenexẽgü ya Pexü̃ Changechaü̃güxex, noxri rü poraãcü choxü̃́ nangúchaü̃ nax pexca̱x chanaxümatüxü̃ nachiga i ngẽma maxü̃ i taguma gúxü̃ i pema rü choma tüxü̃́ ngẽxmaxü̃. Natürü ñu̱xma rü chauãẽwa ínangu nax namexü̃ nax pexca̱x chanaxümatüxü̃ nax pexü̃ chaxucu̱xẽxü̃ca̱x rü ípenapoxü̃xü̃ca̱x i ngẽma ore i aixcüma ixĩxü̃ ga nũxcüma wüxicanatama Tupana norü duü̃xü̃güna ãxü̃.

Popera ga Yúda ümatüxü̃ 1:1

Choma i Yúda i Chantiáguenexẽ ya Ngechuchu ya Cristuarü puracütanüxü̃ chixĩ i pexü̃ charümoxẽxü̃ i pema nax Tanatü ya Tupana pexü̃ dexü̃ rü pexü̃ ngechaü̃xü̃ rü Ngechuchu ya Cristu pexna dauxü̃.

Romanos 3:19

Rü nüxü̃ tacua̱x rü guxü̃ma i ngẽma Tupanaarü mugü nüxü̃ ixuxü̃ rü guxü̃ma i duü̃xü̃güca̱x nixĩ erü guxü̃ma rü Tupanaarü mugütüxü̃wa nangẽxmagü. Rü ngẽmaca̱x taxucürüwa texé tügüétüwa tachogü i ngẽxguma Tupana tüxü̃ icagügu i tümaarü pecaduchiga.

Yeremía 9:23

Rü nüma ya Cori ya Tupana rü ñanagürü: —Yíxema cua̱x tüxü̃́ ngẽxmaxe rü tama name i tügü namaxã ticua̱xüxü̃ i ngẽma tümaarü cua̱x. Rü woo yíxema nüxü̃ cuáxe nax duü̃xü̃gümaxã itacuáxü̃ rü tama name i ngẽmamaxã tügü ticua̱xüxü̃. Rü woo ya yíxema diẽruã́xẽ rü tama name i tümaarü diẽrumaxã tügü ticua̱xüxü̃.

Yeremía 8:14

Rü ngẽma duü̃xü̃gü rü ñanagürügü tá: —¿Rü ta̱xacüca̱x nuatama tangexmagü? ¡Ngĩxã rü yima ĩanegü ya ípoxegugünewa taxĩ i guxãma i yixema nax ngẽxma wüxicana tüxü̃ nada̱i̱xü̃ca̱x! Rü nüma ya Cori ya tórü Tupana rü dexá i üxü̃chiüxü̃wa tá tüxü̃ nixaxexẽẽgü, rü ngẽmaãcü tá tüxü̃ nadai, erü nape̱xewa chixexü̃ taxügü.

Yox 5:16

Nüma nixĩ i tüxü̃ nangü̃xẽẽxü̃ ya yíxema taxucürüwa tügü ípoxü̃güxe. Rü nüma nixĩ i yanangẽã̱xgüxẽẽãxü̃ i ngẽma chixri tümamaxã icua̱xgüxü̃.

Iraétanüxü̃arü muxchiga 6:24

“¡Rü Tupana cuxü̃ rüngü̃xẽxẽ rü guxü̃guma cuxna nada̱u̱x!

Wiyaegü 31:17

Pa Corix, Pa Tupanax, ¡nüxna nachu̱xu i duü̃xü̃gü nax ãne choxü̃ yangexẽxẽgüxü̃, erü cuxna nixĩ i chacaxü̃! ¡Ẽcüx, ãne nüxü̃ ingexẽxẽgü i ngẽma chixexü̃gu maxẽxü̃ i duü̃xü̃gü! ¡Rü noxtacüma naxma̱xü̃ i chianexü̃ i tauquewa ngẽxmaxü̃wa namugü!

Ichaía 27:3

Rü choma ya Cori ya Tupana nixĩ i guxü̃guma nüxna chadauxü̃ i ngẽma Iraétanüxü̃ ñoma úbanecü dexámaxã imegüxü̃rüxü̃. Rü ngunecü rü chütacü nüxna chadau nax taxúema nachixexẽẽxü̃ca̱x.

1 Chamué 25:26

Natürü nüma ya Cori ya Tupana rü tama nanaxwa̱xe nax nua cuxũxü̃ nax cunadaixü̃ca̱x i ngẽma duü̃xü̃gü naxca̱x i ngẽma guxchaxü̃ i naxügüxü̃. Rü Tupanana naxca̱x chaca nax napoxcueãxü̃ i guxü̃ma i ngẽma curü uanügü, rü guxü̃ma i ngẽma chixexü̃maxã cuxü̃ itoxyepe̱xegüxü̃, Nabáxrüxü̃.

Yox 18:18

Rü ngóonexü̃wa rü tá ínanata̱xüchigü, rü waanexü̃gu tá nanata̱xcuchigü. Rü ñoma i naanewa rü tá ínanata̱xüchigü.

Yox 40:13

¡Rü guxü̃ma i ngẽmagü rü waixü̃mütüü̃gu nata̱xgü! ¡Rü ngẽma yuexü̃ ípoxcuexü̃gu nanawãxtaü̃gü!

Wiyaegü 1:6

Erü nüma ya Cori ya Tupana rü meama tüxna nadau ya yíxema aixcüma naga ĩnüexe, natürü ngẽma chixexü̃ i duü̃xü̃gü i tama naga ĩnüechaü̃xü̃ rü nagagutama poxcuwa naxĩ.

Wiyaegü 105:37

Rü yemaacü ga Tupana rü Equítuanewa ínanagaxü̃ ga norü duü̃xü̃gü. Rü nayana ga taxü̃ ga úiru rü diẽrumügü. Rü taxuxü̃ma nida̱xawee ga norü duü̃xü̃gü rü taxuxü̃ma natura.

Wiyaegü 145:20

Rü nüma ya Cori ya Tupana rü tüxü̃ ínapoxü̃ ya yíxema nüxü̃ ngechaü̃güxe, natürü nanadai i ngẽma tama naga ĩnüechaü̃xü̃.

Ichaía 47:5

Rü nüma ya Cori ya Tupana rü ñanagürü ta: —¡Bexma iperücho, Pa Babiróniaanecüã̱xgüx, rü ẽanexü̃wa pebuxmü! Erü marü tagutáma wena ngẽma togü i nachixü̃anegüétüwa pexügü.

Naúü̃ 1:8

Natürü yíxema tama naga ĩnüexe rü tá tüxü̃ nadai ñoma dexá tümaétü iñaxü̃chiüxü̃rüxü̃. Rü yíxema norü uanügü rü ẽanexü̃wa tá tangexmagü.