1 Chamué 2:8 - Tupanaarü Ore

⁸ Tupana rü tümaarü guxchaxü̃wa tüxü̃ narüngü̃xẽxẽ ya yíxema ngearü diẽruã̱xgüxe. Rü guxchirepáü̃wa tüxü̃ ínayaxuchi ya yíxema diẽruca̱x caxaxü̃wa̱xegüxe rü ãẽ̱xgacüxü̃ tüxü̃ nixĩxẽxẽ nax ngẽmaãcü tachigaxü̃ i yatügütanüwa tarütoxü̃ca̱x rü ãẽ̱xgacütanüwa tangexmaxü̃ca̱x. Erü Cori ya Tupana nixĩ i norü yora i ngẽma nagu naxǘnagüxü̃ i ñoma i naane, yerü nüma nixĩ ga nagu naxǘnagüãxü̃.

1 Chamué 2:8 Referans Kwoze

Danié 2:48

Rü ñu̱xũchi ga nüma ga ãẽ̱xgacü ga Nabucudonochó rü Daniéxü̃ tacü ga ãẽ̱xgacüxü̃ ningucuchixẽxẽ. Rü muxü̃ma ga mexẽchixü̃ ga ãmare nüxna naxã. Rü naétü nüxü̃ naxuneta nax ĩane ga Babiróniaarü probínchiaarü üyearü ãẽ̱xgacü yixĩxü̃ca̱x rü naeru yixĩxü̃ca̱x ga guxü̃ma ga yema ãẽ̱xgacüarü ucu̱xẽruü̃gü ga yema nachixü̃anewa yexmagüxü̃.

Popera ga Chantiágu ümatüxü̃ 2:5

Pa Chauenexẽgü ya Pexü̃ Changechaü̃güxe, ¡Iperüxĩnüe i ñaa ore! Tupana tüxü̃ nade ya yíxema ñoma i naanewa ngearü diẽruã̱xgüxe, erü nanaxwa̱xe nax nüxü̃́ tayaxõgüxü̃ rü tanayauxgüxü̃ i ngẽma maxü̃ i taguma gúxü̃ i tümamaxã inaxunetaxü̃ ya yíxema nüxü̃ ngechaü̃güxe.

Danié 6:3

Rü nüma ga Danié rü guxü̃ma ga yema togü ga ãẽ̱xgacügüarü yexera nüxü̃ nacua̱xüchi. Rü yemaca̱x ga nüma ga ãẽ̱xgacü rü nagu narüxĩnü nax namücüxü̃ nüxü̃ naxunetaxü̃ nax yema Babiróniaanemaxã inacuáxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:6

Rü ñu̱xma nax guxü̃arü ãẽ̱xgacü yixĩxü̃ i nümax, rü tüxü̃ naxüchica i ngextá nüma ãẽ̱xgacü íyixĩxü̃wa. Rü chacherdótegüxü̃ tüxü̃ nixĩgüxẽxẽ nax Nanatü ya Tupanaaxü̃́ ipuracüexü̃ca̱x rü nüxü̃ icua̱xüü̃güxü̃ca̱x. Rü name nixĩ i guxü̃gutáma Cristuxü̃ ticua̱xüü̃gü, erü nüma rü guxü̃gutáma guxü̃arü ãẽ̱xgacü nixĩ. Rü ngẽmaãcü yixĩ.

Ngu̱xẽẽtaeruü̃arü ore 4:14

Rü woo chi poxcupataü̃wa ínguxuchicü yixĩxgu ya yimá ngextü̱xücü ya ãẽ̱xgacüchicüxü ingucuchicü rü woo noxri nangearü diẽruã̱xgu, natürü nüxü̃ chadau nax ñoma i naanecüã̱x i duü̃xü̃gü nüxü̃ unetaxü̃ nax norü ãẽ̱xgacü yixĩxü̃ca̱x.

1 Chamué 15:17

Rü nüma ga Chamué rü nanangãxü̃ rü ñanagürü: —Yexguma cugügu curüxĩnügu ga taxuwama nax cumexü̃, rü nüma ga Tupana rü cuxü̃ nayaxu ga Iraéanecüã̱xgüarü ãẽ̱xgacü nax quixĩxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:5

Rü ngéma rü tagutáma nachüta. Rü ngẽma norü duü̃xü̃gü, rü taxuca̱xtama nanaxwa̱xe i daparínaarü omü rü ẽ̱xna üa̱xcüarü ngóonexü̃, erü nümatama ya tórü Cori ya Tupana rü norü ngóonexẽẽruxü̃ tá nixĩ. Rü nümagü rü guxü̃gutáma ãẽ̱xgacügü nixĩgüecha.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:10

Rü Tupanaca̱x cunade i ngẽma duü̃xü̃gü nax nüma ya Tupana rü norü ãẽ̱xgacü yixĩxü̃ca̱x rü nümagü norü ngü̃xẽẽruü̃gü i chacherdótegü yixĩgüxü̃ca̱x. Rü nümagü tá nixĩ i ñoma i naanemaxã inacua̱xgüxü̃”, ñanagürügü.

2 Chamué 7:8

Rü ngẽmaca̱x ¡namaxã nüxü̃ ixu ya chorü duü̃ ya Dabí rü choma ya Cori ya Tupana ya Guxãétüwa Ngẽxmaxe, rü ñacharügü nüxü̃! ‘Yexguma carnérugüarü dauruxü̃ quixĩxgu rü yea naanewa nüxna cuda̱u̱xgu, rü choma cuxü̃ chayaxu nax ñaa chorü duü̃xü̃gü i Iraétanüxü̃arü ãẽ̱xgacü nax quixĩxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:21

Rü yíxema nüxü̃ rüporamaexe i chixexü̃, rü tá chaugüxü̃tawa tüxü̃ charütoxẽxẽ, yexgumarüxü̃ ga choma rü nüxü̃ nax charüporamaexü̃ ga chixexü̃, rü ñu̱xũchi Chaunatüxü̃tawa nax chayarütoxü̃rüxü̃’.

Popera ga Yudíugü ga yaxõgüxü̃ca̱x ümatüxü̃ 1:3

Rü Nanewa nixĩ i nüxü̃ idauxü̃ nax ñuxãcü naxüünexü̃ i nüma ya Tupana. Rü nüma ya Nane, rü Nanatü ya Tupanarüü̃tama nixĩ. Rü ñu̱xma nax guxü̃arü ãẽ̱xgacü yixĩxü̃ ya Nane, rü nüma rü norü orearü poramaxã guxü̃maama inacua̱x. Rü nüma ya Nane nixĩ ga taxca̱x nayuxü̃ nax nüxü̃ rüxoexü̃ca̱x ga tórü pecadugü. Rü yemawena rü Nanatüxü̃tawa naxũ rü yéma Nanatüarü tügünecüwawa nayarüto.

Wiyaegü 104:5

Rü cuma rü wüxitama ga namaxü̃gu cunaxǘ ga ñoma ga naane nax tama ngéma yaxũgachixü̃ca̱x.

Wiyaegü 102:25

Rü noxriarü ügügu rü cuma cunaxü ga ñoma i naane. Rü cumatama nixĩ ga cunaxüxü̃ ga guxü̃ma i ngẽma dauxü̃wa nüxü̃ idauxü̃.

Wiyaegü 24:2

Yerü nüma nixĩ ga naxüaxü̃ ga ñoma ga naane. Rü nüma nixĩ ga naxüchicaaxü̃ ga márgü rü taxtügü nax yemaacü nangóxü̃ca̱x ga paanexü̃.

Naanearü ügüchiga 41:14

Rü yexguma ga nüma ga Faraóü̃ rü Yúcheca̱x nangema. Rü yexgumatama Yúchexü̃ poxcupataü̃wa ínamuxũchigü. Rü mea niyoeru rü mexü̃ ga naxchirugu ínacuxuchi. Rü yemaacü Faraóü̃pe̱xewa naxũ.

Yox 2:8

Rü yexguma ga nüma ga Yox rü tanimacate̱xewa narüto. Rü nanayaxu ga wüxi ga waixü̃münaxca̱x ga buetarechipe nax yemamaxã nügü yawü̱xünexü̃ca̱x.

Naanearü ügüchiga 41:40

Rü cuma tá nixĩ i chopatamaxã icucuáxü̃. Rü guxü̃táma i chorü duü̃xü̃gü rü tá cuga naxĩnüe. Rü chaxica tátama nixĩ i cuxü̃ charüyexeraxü̃ erü choma rü ñaa nachixü̃anearü ãẽ̱xgacü chixĩ.

Danié 4:17

Rü yema nixĩ ga yema naimaxã naxuegugüxü̃ ga yema ixüünexü̃ ga dauxü̃cüã̱x ga dauruü̃gü ixĩgüxü̃. Yerü nanaxwa̱xegü nax guxü̃ma i duü̃xü̃gü nüxü̃ cua̱xgüxü̃ nax nüma ya Tupana ya Guxãétüwa Ngẽxmacü rü nüxü̃́ nangẽxmaxü̃ i pora nax namaxã inacuáxü̃ i ngẽma nachixü̃anegüarü ãẽ̱xgacügü i ñoma i naanewa ngẽxmagüxü̃. Rü nüma nixĩ i nüxü̃ naxunetaxü̃ i ngẽma nüma nanaxwa̱xexü̃ nax ãẽ̱xgacügü yixĩgüxü̃. Rü nüma rü nüxü̃́ nangẽxma i pora nax nachixü̃anearü ãẽ̱xgacüxü̃ yangucuchixẽẽãxü̃ i ngẽma duü̃xü̃ i noxri taxuxü̃ma ixĩxü̃’, ñanagürü ga yema dauxü̃cüã̱x.

Nüxíraxü̃xü̃ ga popera ga ãẽ̱xgacügüchiga 16:2

—Choma nixĩ ga waixü̃müte̱xewa cuxü̃ ichachixẽẽxü̃ rü chorü duü̃xü̃gü ga Iraétanüxü̃arü ãẽ̱xgacüxü̃ cuxü̃ ichamuxü̃. Natürü cuma rü Yeruboáü̃rüxü̃ chixexü̃gu cunayixẽxẽ i chorü duü̃xü̃gü i Iraétanüxü̃. Rü yemaacü choxü̃ cunuxẽxẽ namaxã ga yema chixexü̃ ga cuxüxü̃.

Norü taxre ga popera ga ãẽ̱xgacügüchiga 9:6

Rü yexgumatama inachi ga nüma ga Yeú, rü yema orearü uruü̃maxã to ga ucapugu naxücu. Rü nüma ga orearü uruxü̃ rü chíxü̃maxã nanabaeru rü ñanagürü nüxü̃: —Cori ya Iraéanecüã̱xarü Tupana rü ñanagürü cuxü̃: “Ñu̱xma i choma rü cuxü̃ chaxuneta nax ngẽma chorü duü̃xü̃gü i Iraéanecüã̱xgüarü ãẽ̱xgacü quixĩxü̃ca̱x i nua Iraéanewa.

Yox 1:21

Rü yexguma rü ñanagürü: —Ngexchiruxãcü chauéanüwa chabu nax ñoma i naanewa changóxü̃ca̱x. Rü ngẽxgumarüxü̃ tá ta taxuxü̃táma chinge i ngẽxguma chayu̱xgu. Rü nüma ya Cori ya Tupana choxna nanaxã i guxü̃ma, rü nümatama wena choxna nanayaxu. ¡Namecümaxüchi ya Cori ya Tupana! —ñanagürü.

Wiyaegü 75:3

Rü ngẽxguma naxĩã̱xãchigu i ñaa naane guxü̃ma i norü duü̃xü̃gümaxã, rü chomatama nixĩ i namaxã ichacuáxü̃ nax tama yaxũgachixü̃ca̱x i namaxü̃wa —ñanagürü.

Wiyaegü 75:7

Natürü nüma ya Tupana nixĩ ya aixcüma ãẽ̱xgacü ixĩcü rü nüma nixĩ i nangugüãxü̃ i wüxíechigüarü maxü̃. Rü tümaxe rü tüxü̃ naxãneexẽxẽ rü toguxe rü tüxü̃ nicua̱xüxü̃.

Wiyaegü 107:41

Rü yíxema ingearü ngẽmaxü̃ã̱xgüxe rü nüma ya Cori ya Tupana rü tüxü̃ ínanguxü̃xẽxẽ nawa i tümaarü ngechaü̃. Rü tüxü̃ nimuxẽxẽ ñoma carnérugürüxü̃.

Ichaía 22:23

Rü nüma rü nanatütanüxü̃ca̱x rü taxü̃ i ãẽ̱xgacü tá nixĩ rü namaxã tá nataãẽgü. Rü choma rü ngẽma norü puracüwa tá chanangexmaechaxẽxẽ, ñoma wüxi i itapua i mürapewawa ipocuchixü̃rüxü̃.

Wiyaegü 75:4

Rü choma ya Tupana rü ñachagürü nüxü̃ i ngẽma nügü icua̱xüü̃güxü̃ rü ngẽma chixexü̃ ügüxü̃: —¡Taxṹ i pegü íperütagüxü̃ rü pegü picua̱xüü̃güxü̃!