1 Chamué 2:7 - Tupanaarü Ore

⁷ Rü nüma ya Cori ya Tupana rü tüxü̃ nangearü ngẽmaxü̃xã̱xẽxẽ rü ngẽxgumarüxü̃ ta tüxü̃ namuarü ngẽmaxü̃xã̱xẽxẽ. Rü guxchaxü̃ taxca̱x ínangu̱xẽxẽ rü ngẽxgumarüxü̃ ta guxchaxü̃wa tüxü̃ ínanguxuchixẽxẽ.

1 Chamué 2:7 Referans Kwoze

Wiyaegü 75:7

Natürü nüma ya Tupana nixĩ ya aixcüma ãẽ̱xgacü ixĩcü rü nüma nixĩ i nangugüãxü̃ i wüxíechigüarü maxü̃. Rü tümaxe rü tüxü̃ naxãneexẽxẽ rü toguxe rü tüxü̃ nicua̱xüxü̃.

Yox 5:11

Nüma rü tüxü̃ narüngü̃xẽxẽ ya yixema ngearü diẽruã̱xgüxe, rü ñu̱xũchi tüxü̃ ínapoxü̃ ya yixema naxĩ̱xãchiãẽgüxe.

Yox 1:21

Rü yexguma rü ñanagürü: —Ngexchiruxãcü chauéanüwa chabu nax ñoma i naanewa changóxü̃ca̱x. Rü ngẽxgumarüxü̃ tá ta taxuxü̃táma chinge i ngẽxguma chayu̱xgu. Rü nüma ya Cori ya Tupana choxna nanaxã i guxü̃ma, rü nümatama wena choxna nanayaxu. ¡Namecümaxüchi ya Cori ya Tupana! —ñanagürü.

Popera ga Chantiágu ümatüxü̃ 4:10

Rü name nixĩ i Cori ya Tupanape̱xegu pegü íperüxíragü. Rü nüma rü tá pexü̃ nicua̱xüxü̃ rü pexü̃ nataxẽxẽ.

Ichaía 2:12

Rü ngẽma ngunexü̃gu rü nüma ya Cori ya Tupana rü tá nanaxãneexẽxẽ i guxü̃ma i ngẽma nügü icua̱xüü̃güxü̃ rü ngẽma nügü írütagüxü̃ rü ngẽma togüétüwa nügü ngẽxmagüxẽẽxü̃.

Norü taxre ga popera ga ãẽ̱xgacügüchiga 9:6

Rü yexgumatama inachi ga nüma ga Yeú, rü yema orearü uruü̃maxã to ga ucapugu naxücu. Rü nüma ga orearü uruxü̃ rü chíxü̃maxã nanabaeru rü ñanagürü nüxü̃: —Cori ya Iraéanecüã̱xarü Tupana rü ñanagürü cuxü̃: “Ñu̱xma i choma rü cuxü̃ chaxuneta nax ngẽma chorü duü̃xü̃gü i Iraéanecüã̱xgüarü ãẽ̱xgacü quixĩxü̃ca̱x i nua Iraéanewa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:12

Rü cuwa nixĩ i ne naxĩxü̃ i guxü̃ma i mexü̃gü rü cua̱xüü̃gü. Rü cuma nixĩ i namaxã icucuáxü̃ i guxü̃ma. Rü cuma nixĩ i toxna cunaxãxü̃ i pora. Rü cuxme̱xwa nangẽxma nax toxü̃ cutaxẽẽxü̃ rü toxü̃ cuporaexẽẽxü̃ ya guxãma.

Norü taxre ga to ga popera ga ãẽ̱xgacügüchiga ümatüxü̃ 32:27

Rü nüma ga Echequía rü nüxü̃́ nayexma ga muxü̃ma ga norü yemaxü̃gü ga imexẽchixü̃. Rü natachiga. Rü namuxũchi ga norü úirugü, rü diẽrumügü, rü nutaxacügü ga ngã̱xãẽruü̃gü, rü pumaragü, rü poxü̃ruü̃gü, rü naguxü̃raü̃xü̃ ga yemaxü̃gü ga tatanüxü̃.

Norü taxre ga to ga popera ga ãẽ̱xgacügüchiga ümatüxü̃ 32:29

Rü nanaxü ta ga muxü̃nema ga ĩanegü. Rü namu ga norü wocagü rü norü carnérugü, yerü ga Tupana rü nüxna nanaxã ga muxü̃ma ga yemaxü̃gü.

Wiyaegü 75:8

Rü nüma ya Cori ya Tupana rü naxme̱xwa nangẽxma i ngẽma copu i norü nu nawa ngẽxmaxü̃ ñoma wüxi ya bínu ya ngúchia̱xüchicürüxü̃. Rü ngẽxguma inabaãgu i ngẽma norü nu naétü i ngẽma duü̃xü̃gü i chixexü̃ ügüxü̃ rü guxü̃watáma nangu rü taxuxü̃táma niña.

Ucu̱xẽgüchiga 22:2

Ngẽma muarü diẽruã́xü̃ rü ngẽma ngearü diẽruã́xü̃, rü nawüxigu ya Cori ya Tupanape̱xewa, erü ngẽma taxre rü nüma nanango̱xẽxẽ.

Yeremía 49:15

Pa Edóü̃x, cuma tá nixĩ i guxü̃ i nachixü̃anegütanüwa cuturaxü̃. Rü tá cuxü̃ nacugüe rü tá cuxchi naxaie i duü̃xü̃gü.

Echequié 17:24

Rü guxü̃ma i ngẽma naigü i naanewa rüxügüxü̃ rü tá nüxü̃ nacua̱xgü nax choma chixĩxü̃ ya Cori ya Tupana. Choma rü chayadaxüchi i ngẽma nai i nügü írütaxü̃, rü chanayaxẽxẽ i ngẽma nai i nügü írüxíxraxü̃. Choma rü chanagüatüxẽxẽ i ngẽma nai i nügü írümetanüxü̃, rü wena chanaxüatüxẽxẽ i ngẽma nai i igüatüxü̃. Rü choma ya Cori ya Tupana nixĩ i pemaxã nüxü̃ chixuxü̃ rü ñu̱xũchi chayanguxẽẽxü̃ i ngẽma” —ñanagürü ga Cori ya Tupana.