1 Chamué 2:6 - Tupanaarü Ore

⁶ Rü nüma ya Cori ya Tupana rü duü̃xü̃güna nanayaxu i maxü̃ rü ngẽxgumarüxü̃ tá nüxna nanaxã. Rü wüxi i naxmaxü̃gu nayaxǘcuchi rü ngẽmawa wenaxarü ínanadaxẽxẽ.

1 Chamué 2:6 Referans Kwoze

Wenaxarü naxümatü ga Tupanaarü mugü 32:39

Rü chaxicatama nixĩ ya Tupana chixĩxü̃, rü nataxuma i to i tupanagü i chauétüwa ngẽxmaxü̃. Rü choma nixĩ i pexna chanaxãxü̃ i maxü̃ rü ñu̱xũchi pexna chanayaxuxü̃. Rü choma nixĩ i ngúxü̃ pexca̱x íchanguxẽẽxü̃, rü ñu̱xũchi pexca̱x chayataanexẽẽxü̃. Rü tataxuma ya texé ya tama chorü poratüxü̃wa ngẽxmagüxe.

Ichaía 26:19

Natürü curü duü̃xü̃gü tixĩgü rü woo tanoxree̱xpü̱x i ñu̱xmax, natürü wena tá timu. Rü woo togü tomaxã inacua̱x i ñaa naanewa, natürü wüxi i ngunexü̃ tá nüxna ítanguxü̃ rü taãẽmaxã tá tawiyaegü. Rü cuma rü tá toxü̃ quimuxẽxẽ rü maxü̃ tá toxna cuxã ñoma cherena rü pa̱xmama tonetüna maxü̃ ãxü̃rüxü̃.

Norü taxre ga popera ga ãẽ̱xgacügüchiga 5:7

Rü yexguma yema poperaxü̃ nadaumatügu ga guma Iraéanecüã̱xgüarü ãẽ̱xgacü, rü nügü narügáutechiru rü ñanagürü: —¿Ẽ̱xna nüma nüxü̃ nacua̱xgu rü choma chixĩ ya Tupana i maxü̃ nüxna chaxãxü̃ rü nüxna chanayaxuxü̃, rü ngẽmaca̱x nua cha̱u̱xca̱x namuaxü̃ i ñaa yatü nax naxca̱x chayataanexẽxẽxü̃ca̱x i norü chaxünewa? Rü ñu̱xma i nüma rü ngẽmagu nügü nicu̱xmare nax ñuxãcü wena tá taxca̱x íyaxüãchixü̃ —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:18

Rü ñu̱xma rü chamaxü̃. Rü woo chayu, natürü ñu̱xma chamaxü̃ nax guxü̃gutáma chamaxechaxü̃ca̱x. Rü choma nixĩ i namaxã ichacuáxü̃ i ngẽma yu, rü namaxã ichacua̱x i ngẽma nachica i yuexü̃ nawa ngẽxmagüxü̃.

Yox 5:18

Rü ngẽxguma chi Tupana cuxü̃ yapi̱xẽẽgu rü chi cuxü̃́ nayana̱i̱x i curü o̱xri. Rü ngẽxguma chi cuxna nacua̱i̱xcaãgu rü chi cuxü̃ nananaxẽxẽ.

Ore i mexü̃ ga Cuáü̃ ümatüxü̃ 11:25

Rü yexguma ga Ngechuchu rü ñanagürü: —Choma nixĩ i íchanadagüxẽẽxü̃ i yuexü̃gü, rü wena chanamaxẽxẽẽxü̃. Rü yíxema choxü̃́ yaxṍxe rü woo tayu̱xgu rü tá wenaxarü tamaxü̃.

Ore i mexü̃ ga Matéu ümatüxü̃ 12:40

Rü yexgumarüxü̃ ga Yoná ga tomaepü̱x ga ngunexü̃ rü tomaepü̱x ga chütaxü̃ choxni ga taxü̃ãnüwa nax nayexmaxü̃ rü ngẽxgumarüxü̃ tá ta nixĩ ya Tupana Nane ya duü̃xü̃xü̃ ixĩcü i tomaepü̱x i ngunexü̃ rü tomaepü̱x i chütaxü̃ naxma̱xü̃ i nagu yaxǘcuchixü̃wa nangẽxmaxü̃.

Wiyaegü 116:3

Rü ngẽma yu rü choxü̃ niyauxchire̱x rü wixguxüchi choxü̃ nima̱x. Rü chaba̱i̱xãchi rü chamuü̃.

1 Chamué 20:3

Natürü ga Dabí rü nüxü̃ nixuchigüama rü ñanagürü: —Curü papa rü meama nüxü̃ tacua̱x nax cuma rü choxü̃ cungechaü̃xü̃ rü ngẽmaca̱x nixĩ i tama cumaxã nüxü̃ tixuxchaü̃xü̃ erü chi tümamaxã cunu. Natürü Cori ya Tupanaégagu rü cuégagutama cumaxã nüxü̃ chixu nax marü choxü̃ yangaicaxü̃ nax chayuxü̃ —ñanagürü.

Wiyaegü 68:20

Rü nüma ya tórü Tupana rü tórü maxẽxẽẽruxü̃ nixĩ. Rü nüxü̃́ natauxcha nax yuwa tüxü̃ ínanguxü̃xẽẽxü̃.

Ngu̱xẽẽtaeruü̃arü ore 3:3

Rü nangẽxma i ngunexü̃ i nagu namáetagüxü̃, rü ngunexü̃ i nagu tüxü̃ yaxüxü̃xü̃güxü̃. Rü nangẽxma i ngunexü̃ i nagu napogüexü̃, rü ngunexü̃ i nagu naxüpatagüxü̃.

Echequié 37:3

Rü yexguma ga nüma ga Cori ya Tupana rü choxna naca rü ñanagürü: —¿Cuyaxõxü̃ yixĩxü̃ i cumax, rü daa naxchina̱xãgü rü tá wena namaxẽxü̃? —ñanagürü. Rü yexguma ga chomax rü chanangãxü̃ rü ñachagürü: —Pa Corix, cuxicatama nixĩ i nüxü̃ cucuáxü̃ i ngẽma —ñachagürü.

Echequié 37:12

Natürü i choma rü cuxü̃ chamu nax chauégagu namaxã quidexaxü̃ ¡rü ñacurügü tá nüxü̃! “Nüma ya Cori ya Tupana rü ñanagürü pexü̃: ‘Pa Chorü Duü̃xü̃gü i Iraétanüxü̃x, rü tá pexü̃ íchanguxü̃xẽxẽ nawa i ngẽma nachixü̃anegü i nagu pepoxcuexü̃, rü tá perü naaneca̱x pexü̃ chawoeguxẽxẽ.

Nüxíraxü̃xü̃ ga popera ga ãẽ̱xgacügüchiga 17:22

Rü nüma ga Cori ya Tupana rü nüxü̃ naxĩnü ga Ería nüxü̃ naca̱a̱xü̃xü̃. Rü wenaxarü tüxü̃ namaxẽxẽ ga guxema buxe.

Wiyaegü 30:4

Rü ngẽmaca̱x i pemax, Pa Chomücügü i aixcüma Cori ya Tupanaaxü̃́ Yaxõgüxü̃x ¡rü ngĩxã wüxigu Tupanaca̱x tawiyaegü rü nüxü̃ ticua̱xüxü̃gü ya yimá üünecü!

Wiyaegü 71:20

Rü woo muxü̃ma ga guxchaxü̃gü rü ĩ̱xãchiãẽgüwa choxü̃ cuxüpetüxẽxẽ, natürü wenatáxarü choxü̃ cutaãẽxẽxẽ. Rü tá choxü̃ ícurüdaxẽxẽ nawa i chorü guxchaxü̃gü, ñoma waixü̃mütüü̃wa írüdaxgurüxü̃.