1 Chamué 2:5 - Tupanaarü Ore

⁵ Guxemagü noxri õna tüxü̃́ íyaxügüxe rü ñu̱xma rü íxraxü̃ i õnaca̱x tügü itanã. Natürü guxemagü noxri taiya ingegüxe rü ñu̱xma rü marü tama tataiyae. Ngẽma nge i taguma ãxacücü rü ñu̱xma rü marü 7 e̱xpü̱xcüna ixíraxacü. Natürü ngẽma muxacüchirécü rü ñu̱xma rü marü ingexacü.

1 Chamué 2:5 Referans Kwoze

Ore i mexü̃ ga Luca ümatüxü̃ 1:53

Rü guxema taiyaexe, rü muxü̃ma ga mexü̃gü tüxna naxã. Natürü guxema muarü diẽruã̱xgüxe rü ngẽãcume̱xẽãcüma tüxü̃ ínimugü.

Wiyaegü 113:9

Rü yíxema ngexe ya ngexacüxe rü nüma ya Tupana rü tüxü̃ nataãẽxẽxẽ rü tüxü̃ narüngü̃xẽxẽ nax taxãxacüxü̃ca̱x. Pa Duü̃xü̃güx, ¡ngĩxã nüxü̃ ticua̱xüü̃gü ya Cori ya Tupana!

Yeremía 15:9

Rü yíxema mamagü ya muxacüxe rü tá tiyuãchitanü. Rü tá tingearü buanecüã̱xgü nax tingü̃ãtanücüüxü̃ca̱x rü cugüruü̃gü tá tixĩgü erü nayue i tümaxacügü. Rü ngẽma ngóonexü̃ rü waanexü̃xü̃ tá tümaca̱x nayanguxuchigü. Rü poraãcü tá taxãneexü̃chi rü taxuwatáma time. Rü yíxema maxü̃́xẽ íyaxügüxe rü ngẽma tümaarü uanügüxü̃ tá tüxü̃ chadaixẽxẽ. Rü choma ya Cori ya Tupana nixĩ i nüxü̃ chixuxü̃ i ngẽma chorü ore —ñanagürü ya Cori ya Tupana.

Wiyaegü 34:10

Rü ngẽma leóü̃xacügü rü naturae rü taiya nüxü̃́ nangu̱x. Natürü yíxema Cori ya Tupanaarü ngü̃xẽẽca̱x daugüxe rü taxũtáma ta̱xacü tüxü̃́ nataxu.

Ore i mexü̃ ga Luca ümatüxü̃ 16:25

Natürü Abraáü̃ rü ñanagürü nüxü̃: “Pa Chaunex, ¡nüxna nacua̱xãchi nax taxuxü̃ma cuxü̃́ taxuxü̃ ga yexguma cumaxü̱̃xgu! Natürü Lácharo rü poraãcü guxchaxü̃wa nayexma. Rü ngẽmaca̱x i ñu̱xma rü nua mexü̃wa nangẽxma i Lácharo, rü cuma rü ngéma poxcuchicawa ngúxü̃ quinge.

Ichaía 54:1

Pa Yerucharéü̃cüã̱xgüx, perü ĩane rü ñoma wüxi ya ngexe ya ngexacüxe ya taguma ãxacüxerüxü̃ nixĩ. ¡Natürü tagaãcü rü taãẽãcü pewiyaegü! Erü nüma ya Tupana rü ñanagürü: —Yima perü ĩane ya Yerucharéü̃ i ñoma nge i taguma íxraxacücürüxü̃ nax yixĩxü̃, rü ñu̱xma rü tá namuxũchi i norü duü̃xü̃gü ngẽma nge i ãtecüarü yexera —ñanagürü.

1 Chamué 1:6

Rü yema nax nangexacüxü̃ ga Ána, rü ngĩma ga Peniná rü guxü̃guma Ánagu iyadauxcüraxü̃ rü ngĩxü̃ icugü.

1 Chamué 1:20

Rü yemaca̱x ga Ána rü ixãxacü. Rü yexguma nawa nanguxgu ga nax nabuxü̃ ga gumá ngĩne, rü inaxüéga rü Chamué nixĩ ga naéga yerü Tupanana naxca̱x ica. Rü ngẽma naéga rü “naxca̱x ínacacü”, ñaxü̃chiga nixĩ.

Rux 4:15

Rü nüma tá nixĩ i cuxü̃ nataãẽxẽẽxü̃ rü cuxna nadauxü̃ i ngẽxguma cuya̱xgu, erü ngẽma cuneã̱x i cuxü̃ nangechaü̃xü̃chicü ngĩne nixĩ. Rü ngĩma rü cuxü̃́ ime i norü yexera ya 7 ya cunegü ega chi ngẽxgumaepü̱x cuxü̃́ ngẽxmagu —ngĩgürügügü.

Ichaía 33:9

Rü Iraétanüxü̃ rü namae erü ngechaü̃wa nangẽxmagü. Rü Líbanuarü naixnecügü rü nipagü. Rü Charóü̃arü metachinüxü̃ rü naxnücüanexü̃ nayanguxuchi. Rü Bacháü̃wa rü ma̱xpǘne ya Carméruwa rü nabáianemare