1 Chamué 2:30 - Tupanaarü Ore

³⁰ Rü choma ya Cori i Iraétanüxü̃arü Tupana rü marü ü̃pa nüxü̃ chixu rü cuma rü cutanüxü̃ rü guxü̃gutáma choxü̃́ pepuracüe. Natürü i ñu̱xma rü ngẽma chixexü̃ i cunegü ügüxü̃gagu rü chanaxuegu rü tagutáma chanangexrü i ngẽma ñu̱xma ngupetüxü̃. Erü tüxü̃ chicua̱xü̃xü̃ ya yíxema choxü̃ icua̱xüxü̃güxe rü yíxema choxü̃ oexe rü choma rü tá tüxü̃ chaxãneexẽxẽ.

1 Chamué 2:30 Referans Kwoze

Ore i mexü̃ ga Cuáü̃ ümatüxü̃ 12:26

Rü ngẽxguma texé choxü̃́ puracüchaü̃gu rü name nixĩ i chowe tarüxũ. Rü ngẽma choma tá íchangexmaxü̃wa rü ngéma rü tá ta tangexma i tümax. Rü ngẽxguma texé choxü̃́ puracügu rü Chaunatü ya Tupana rü tá tümamaxã nataãxẽ —ñanagürü.

Maraquía 1:6

Rü nüma ya Cori ya Tupana ya Guxü̃étüwa Ngẽxmacü rü chacherdótegüxü̃ ñanagürü: —Ngẽma buxü̃gü rü nanatügüxü̃ nangechaü̃, rü ngẽma naxü̃taxü̃gü rü norü coriga naxĩnü. Rü choma nax Penatü chixĩxü̃ ¿rü tü̱xcüü̃ i tama choxü̃ pengechaü̃xü̃? Rü choma nax perü Cori chixĩxü̃ ¿rü tü̱xcüü̃ i tama chauga pexĩnüexü̃? Natürü i pemax rü choxü̃ pexo, rü naétü ñaperügügü: “¿Ta̱xacüwa i cuxü̃ taxoxü̃?” ñaperügügü.

Norü taxre ga to ga popera ga ãẽ̱xgacügüchiga ümatüxü̃ 15:2

Rü yemaca̱x ãẽ̱xgacü ga Acháxü̃tawa naxũ rü ñanagürü nüxü̃: —¡Pa Acháx, choxü̃ irüxĩnü i cuma rü guxü̃ma i ngẽma Yudáanecüã̱xgü rü Bẽyamíü̃anecüã̱xgü! Rü nüma ya Cori ya Tupana rü pexü̃tawa nangẽxma ega pema rü naga pexĩnüegu. Rü ngẽxguma naxca̱x pedaugügu rü nüxü̃ tá ipeyangau, natürü ngẽxguma tá nüxna pixĩgachitanügu, rü nüma rü tá ta pexna nixũgachi.

Ichaía 29:13

Rü nüma ya Cori ya Tupana rü ñanagürü choxü̃: —Ñaa duü̃xü̃gü rü norü dexawaxicatama nügü nixugüe nax chorü duü̃xü̃gü yixĩgüxü̃, natürü tama chauga naxĩnüe. Rü naã̱xmaxãxicatama choxü̃ nicua̱xüü̃gü, natürü norü maxü̃newa rü tama chaugu narüxĩnüe. Rü ngẽma norü cua̱xüü̃gü rü duü̃xü̃güarü ĩnüwa nanayauxgü.

Ínachoxü̃xü̃chiga 29:9

¡Rü nüma ya Aróü̃ rü nanegü mea íyagotagü i norü goyexü̃gü rü mea nanga̱xcu i napate̱xegü! Rü ngẽmaãcü tá nüxü̃ cuxuneta nax chorü chacherdótegü yixĩgüxü̃ca̱x. Rü chanaxuegu nax guxü̃gutáma chorü chacherdótegü yixĩgüxü̃ i Aróü̃ nataagü.

Wiyaegü 91:14

Erü nüma ya Cori ya Tupana rü ñanagürü: —Rü yíxema choxü̃ ngechaxü̃xe rü choma rü tá tüxü̃ íchapoxü̃ rü tá tüxü̃ chatachigaxẽxẽ erü choxü̃́ tayaxõ.

Wiyaegü 50:23

Rü yíxema moxẽ choxna ãxe rü choxü̃ ticua̱xüxü̃. Rü choma rü tá tüxü̃ chamaxẽxẽ ya yíxema aixcüma chauga ĩnüxẽ —ñanagürü ya Tupana.

Nüxíraxü̃xü̃ ga popera ga Pedru ümatüxü̃ 1:7

Rü ngẽma perü õ rü ñoma úirurüxü̃ nixĩ. Rü ngẽma úiru rü üxümaxã nüxü̃ taxü nax nüxü̃ icuáxü̃ca̱x rü aixcüma úiruxüchi yixĩxü̃. Rü ngẽxguma peyaxõgüamagu ega woo guxchaxü̃gü pexca̱x ínguxgu, rü ngẽma perü õ rü wüxi i úiruarü yexera nixĩ nax namexü̃. Rü ngẽma úiru rü woo namexẽchi natürü düxwa nangau. Natürü ngẽxguma peyaxõgüamagu ega guxchaxü̃gü pexca̱x ínguxgu rü tá Tupanape̱xewa pime rü tá pexü̃ nicua̱xüxü̃ rü tá pemaxã nataãxẽ rü mexü̃ i pechica tá pexna naxã i ngẽxguma wena núma naxũxgu ya Ngechuchu ya Cristu.

Wiyaegü 18:20

Rü nüma ga Cori ya Tupana rü ãmare choxna naxã erü nape̱xewa name i chorü maxü̃. Rü choxü̃́ nanaxütanü naxca̱x ga chorü maxü̃ i ngẽarü chixexü̃ã́xü̃.

Ore i mexü̃ ga Cuáü̃ ümatüxü̃ 8:49

Rü Ngechuchu nanangãxü̃, rü ñanagürü nüxü̃: —Chowa rü nataxuma i ngo̱xo. Rü ngẽma chaxüxü̃ nixĩ nax Chaunatüxü̃ chicua̱xüxü̃xü̃, natürü i pema rü chixri chauchiga pidexagü.

Danié 4:34

—Rü yexguma marü yanguxgu ga gumá 7 ga taunecü nax Tupana choxü̃ poxcuxü̃, rü choma ga Nabucudonochó rü dauxü̃gu chadawenü rü nüxü̃ chicua̱xãchi nax cha̱u̱xca̱x mea yataanexü̃ nawa ga nax chaxãũãẽxü̃. Rü ñu̱xũchi mexü̃ nachigaxü̃ chixu ya yimá Tupana ya Guxãétüwa Ngẽxmacü ya guxü̃guma maxü̃cü. Rü ñaa dexamaxã nüxü̃ chicua̱xüxü̃ rü ñachagürü: “Pa Tupanax, curü pora rü taguma inayacua̱x rü cuma rü guxü̃gutáma ãẽ̱xgacü quixĩ.

Iraétanüxü̃arü muxchiga 11:20

Rü wüxi ya tauemacüxüchi tá nixĩ i namachi nangõ̱xgüxü̃ ñu̱xmatáta naemamaxã yangü̃ãtanücüxü rü nawa naxoegagü erü choxü̃ naxoe i chomax i Cori ya Tupana nax natanüwa changexmaxü̃. Rü naxauxeãcüma chope̱xewa ñanagürügü: “¿Rü ta̱xacüca̱x ga Equítuanewa íchoxü̃xü̃?” ñanagürügü —ñanagürü ga Cori ya Tupana.

1 Corintios 4:5

Rü ngẽmaca̱x tama name nax yaxtacüma texéxü̃ pengugüarü maxü̃ã́xü̃. Natürü name nixĩ i ípenangu̱xẽxẽ nax núma naxũxü̃ ya tórü Cori. Rü nüma tá nixĩ i nango̱xẽẽãxü̃ i guxü̃ma i ngẽma ñu̱xma icúxü̃ rü guxü̃ma i ngẽma duü̃xü̃gü naãẽwa nagu rüxĩnüexü̃. Rü ngẽxguma tá nixĩ ya Tupana i tüxü̃ yacua̱xüxü̃ ya wüxichigü ya yíxema aixcüma mexü̃ ügüxe.

Ore i mexü̃ ga Cuáü̃ ümatüxü̃ 5:44

¿Rü ñuxãcü chi choxü̃́ peyaxõgü ega naxca̱x pedaugügu nax duü̃xü̃gü pemaxã taãxẽxü̃ rü tama naxca̱x pedaugügu nax Tupana ya nügümaxã wüxicacü pemaxã taãxẽxü̃?

Iraétanüxü̃arü muxchiga 35:34

¡Rü taxũtáma chixexü̃maxã peyapaxẽẽxü̃ i ngẽma naane i nawa tá pemaxẽxü̃ rü nawa choma rü tá ta chamaxü̃! Erü choma ya Cori ya Tupana rü natanüwa chamaxü̃ i ngẽma Iraétanüxü̃” —ñanagürü ga Tupana.

Ãẽ̱xgacügü ga guxchaxü̃güarü mexẽxẽruü̃gü 9:10

Rü yexguma rü igunecüna nacagü nax norü ãẽ̱xgacü yixĩxü̃ca̱x.

Ínachoxü̃xü̃chiga 28:43

Rü ngẽxguma chopatagu nachocuxgu rüe̱xna chorü ãmarearü guruü̃na nangaicamagügu nax naxügüã̱xü̃ca̱x i chorü puracü, rü ngẽma natüü̃chiruparagu tá nixĩ i yacu̱xgüxü̃ i nüma i Aróü̃ rü nanegü. Rü ngẽxguma chi tama ngẽma natüü̃chiruparagu yacu̱xgüãcü chopatagu nachocugu, rü tá nayue. Rü ngẽma tá nixĩ i wüxi i mu i guxü̃gutáma yanguxẽẽgüxü̃ i Aróü̃ rü nanegü rü nataagü —ñanagürü ga Tupana.

Nüxíraxü̃xü̃ ga popera ga ãẽ̱xgacügüchiga 11:11

Rü yemaca̱x ga Cori ya Tupana rü Charomóü̃xü̃ ñanagürü: —Ñu̱xma nax ngẽmaãcü tama chauga cuxĩnüxü̃ rü tama cuyanguxẽẽxü̃ i ngẽma yigümaxã ixunetaxü̃, rü ngẽmaca̱x marü tauxü̃táma cunegüwa nangu nax nüxí guxü̃ma i Iraéanecüã̱xgüarü ãẽ̱xgacügü yixĩgüxü̃ca̱x. Rü wüxi i curü ngü̃xẽẽruü̃na tá chanaxã i ñaa Iraéane.

Wiyaegü 91:15

Rü ngẽxguma choxna tacaxgu rü choma rü tá tüxü̃ changãxü̃ rü tá tümaxü̃tawa changexma. Rü ngẽxguma guxchaxü̃ tüxü̃ üpetügu rü tá nawa tüxü̃ íchanguxuchixẽxẽ rü poraãcü tá tümamaxã chataãxẽ.

Ucu̱xẽgüchiga 4:8

¡Naga naxĩnü i ngẽma cua̱x rü duü̃xü̃gü tá cuxü̃ nicua̱xüü̃gü, rü cugüãẽgu namaxã nanguxü̃ rü duü̃xü̃gü tá cumaxã nataãxẽ! Ngẽmaãcü i ngẽma cua̱x rü curü meruxü̃ tá nixĩ ñoma wüxi i curü nga̱xcuerurüxü̃ —ñanagürü ga chaunatü.

Ucu̱xẽgüchiga 8:17

Choma i cua̱x rü tüxü̃ changechaü̃ ya yíxema choxü̃ ngechaü̃güxe, rü yíxema cha̱u̱xca̱x daugüxe, rü choxü̃ itayangaugü.

Echequié 34:10

Rü choma ya Cori ya Tupana rü ñachagürü pexü̃, Pa Chorü Carnérugüarü Dauruü̃güx: Choma rü pemaxã ícharüxuanü. Rü tá pexna chaca i chorü carnérugüchiga, rü tá pexna chanayaxu i ngẽma puracü nax chorü carnérugüarü dauruü̃gü pixĩgüxü̃. Rü ngẽmaãcü taxũtáma nüxna pedaugü rü taxũtáma namachimaxã pexãwemügü” —ñanagürü.

Nüxíraxü̃xü̃ ga popera ga ãẽ̱xgacügüchiga 2:27

Rü yemaacü ga Charomóü̃ rü Abiatáxü̃ ínamuxũchi ga chacherdótewa. Rü yemaacü ningu ga yema Chilówa nüxü̃ yaxuxü̃ ya Tupana nax yema Erítanüxü̃ rü taxũtáma guxü̃gu chacherdóte yaxĩgüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:18

¿Rü ta̱xacü chi i to i cumaxã nüxü̃ chixuxü̃ naxca̱x nax choxü̃ curüngü̃xẽxẽxü̃ nax ãẽ̱xgacüwa cunanguxẽxẽxü̃ ya daa curü duü̃? Erü cuma rü meama nüxü̃ cucua̱x i chorü maxü̃.

Norü taxre ga to ga popera ga ãẽ̱xgacügüchiga ümatüxü̃ 26:18

Rü ãẽ̱xgacü ga Uchíaxü̃ ñanagürügü: —Pa Ãẽ̱xgacüx, ¡ínaxũxũ i nua! Erü cuma nax woo ãẽ̱xgacü quixĩxü̃ rü taxuacüma pumarate̱xe nua quigu erü chacherdótegüxicatama nixĩ i mexü̃ nax nua pumarate̱xe yagugüxü̃. Erü nümagü nixĩ i Aróü̃taagü yixĩgüxü̃ rü Tupana yadexechixü̃ nax naxügüã̱xü̃ca̱x i ngẽma puracü. ¡Rü ngẽmaca̱x paxa ínaxũxũ i nua! Erü tama naga cuxĩnü ya Tupana. Rü nüma ya Tupana rü ngẽmaca̱x taxũtáma cumaxã nataãxẽ —ñanagürügü.

Wiyaegü 18:26

Rü cuma rü aixcüma tüxü̃ curüngü̃xẽxẽ ya yíxema cuga ĩnüxe, natürü ngẽma tama cuga ĩnüxü̃ rü cuma nüxü̃ cucua̱x nax ñuxãcü tá cunapoxcuxü̃.

Ucu̱xẽgüchiga 12:8

Yimá yatü ya mea naãẽxü̃ cuácü, rü duü̃xü̃gü nüxü̃ nicua̱xüü̃gü naxca̱x i norü cua̱x. Natürü ngẽma yatü i tama naãẽxü̃ cuáxü̃, rü duü̃xü̃gü nüxü̃ naxoe.

Yeremía 49:15

Pa Edóü̃x, cuma tá nixĩ i guxü̃ i nachixü̃anegütanüwa cuturaxü̃. Rü tá cuxü̃ nacugüe rü tá cuxchi naxaie i duü̃xü̃gü.

Maraquía 2:3

Rü ñanagürüama: —Choma rü tá pexna chanayaxu i ngẽma puracü ga pexna chaxãxü̃. Rü pechiwegu tá chanawogü ya yima naü̃ i ngẽma naxü̃nagü i cha̱u̱xca̱x pedaixü̃. Rü wüxigu yima naü̃maxã tá pexü̃ íchawoxü̃ i pemax.