1 Chamué 2:26 - Tupanaarü Ore

²⁶ Rü yoxni ga nüma ga gumá ngextü̱xücü ga Chamué rü niyachigü. Rü Cori ya Tupana rü poraãcü namaxã nataãxẽ, rü duü̃xü̃gü rü ta namaxã nataãẽgü.

1 Chamué 2:26 Referans Kwoze

Ore i mexü̃ ga Luca ümatüxü̃ 2:52

Rü niyachigü ga Ngechuchu, rü yexeraãcü nüxü̃ nicuáchigü. Rü Tupana rü namaxã nataãxẽ, rü guxü̃ma ga duü̃xü̃gü rü ta namaxã nataãẽgü.

Ore i mexü̃ ga Luca ümatüxü̃ 2:40

Rü gumá bucü rü niyachigü, rü yexeraãcü niporachigü, rü yexeraãcü nüxü̃ nicuáchigü. Rü Tupana rü namaxã nataãxẽ rü nüxü̃ narüngü̃xẽxẽ.

Romanos 14:18

Rü yíxema ngẽmaãcü Cristuca̱x maxü̃́xẽ, rü Tupana rü tümamaxã nataãxẽ, rü duü̃xü̃gü rü ta tümamaxã nataãẽgü.

Ngechuchuarü ngúexü̃gü ga yamugüxü̃arü puracüchiga 2:47

Rü guxü̃guma Tupanaxü̃ nicua̱xüü̃güxü̃. Rü guxü̃ma ga yema ĩanecüã̱x rü nüxü̃ nangechaü̃gü ga yema yaxõgüxü̃. Rü wüxichigü ga ngunexü̃gu rü nimuetanü ga yaxõgüxü̃, yerü nüma ga Cori rü nüxü̃ narüngü̃xẽxẽ nax yaxõgüãxü̃ca̱x rü nayauxgüãxü̃ca̱x ga maxü̃ i taguma gúxü̃.

1 Chamué 2:21

Rü nüma ga Cori ya Tupana rü Ánaxü̃ narüngü̃xẽxẽ rü yemaca̱x iyaxãxacüchigü. Rü yemaacü tomaepü̱xwa nangu ga ngĩne rü taxre ga ngĩxacü. Rü yoxni ga gumá ngĩne ga Chamué rü Tupanape̱xewa niyachigü.

Ore i mexü̃ ga Luca ümatüxü̃ 1:80

Rü gumá bucü rü niyachigü rü wüxichigü ga ngunexü̃gu yexeraãcü Tupanagu narüxĩnü rü naxca̱x namaxü̃. Rü chianexü̃ ga taxúema íxãpataxü̃wa nayexma ñu̱xmata nawa nangu ga yema ngunexü̃ ga Iraétanüxü̃ca̱x nügü nango̱xẽẽxü̃.

Ucu̱xẽgüchiga 3:3

¡Taxṹ i nüxü̃ curüxoxü̃ nax Tupanaxü̃ cungechaxü̃xü̃ rü quixaixcümaxü̃! ¡Rü nagu namaxü̃ i ngẽma nacümagü, rü guxü̃guma cugüãẽwa nagu rüxĩnü ñoma wüxi i nachagü i yigünaawa inga̱xcuchixü̃rüxü̃!

Ucu̱xẽgüchiga 3:4

Rü ngẽxguma ya Tupana rü tá cuxü̃ narüngü̃xẽxẽ rü cumaxã nataãxẽ, rü ngẽxgumarüxü̃ ta i duü̃xü̃gü rü tá cumaxã nataãẽgü.

Naanearü ügüchiga 39:4

Rü yemaca̱x ga norü cori rü poraãcü namaxã nataãxẽ. Rü düxwa norü ngü̃xẽẽruxü̃ nayaxĩxẽxẽ, rü naxme̱xgu nanaxǘ ga guxü̃ma ga napatawa yexmaxü̃ nax namaxã inacuáxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 13:24

Rü yexguma nabuxgu ga yema buxü̃ rü Chanchóü̃gu nanaxüéga. Rü yexguma yayaxchigügu, rü Tupana rü poraãcü nüxü̃ narüngü̃xẽxẽ.

1 Chamué 3:19

Rü nüma ga Chamué rü niyachigü. Rü Cori ya Tupana rü nüxü̃ narüngü̃xẽxẽ. Rü guxü̃ma ga norü uneta ga Chamuémaxã nüxü̃ yaxuxü̃ rü nayanguxẽxẽ.