1 Chamué 2:22 - Tupanaarü Ore

²² Rü nüma ga gumá chacherdóte ga Erí rü marü poraãcü nayaxüchi. Natürü nüxü̃ nacua̱xama ga yema chixexü̃ ga nanegü Iraétanüxü̃tanüwa ixügüxü̃, rü ñuxãcü yema ngexü̃gü ga Tupanapataarü ücuchicawa puracüexü̃maxã nax namaxẽxü̃.

1 Chamué 2:22 Referans Kwoze

Ínachoxü̃xü̃chiga 38:8

Rü yema ngexü̃gü ga Tupanapataã̱xwa puracüexü̃arü woruagü ga bróũchenaxca̱xwa Becharé nanaxü ga gumá bachía ga ya̱u̱xme̱xü̃páxü̃ rü yema norü ünagüchicaxü̃. Rü yema rü ta rü bróũchenaxca̱x nixĩ.

Echequié 22:26

Rü ngẽma curü chacherdótegü rü ínayatoxẽẽgü i ngẽma chorü ngu̱xẽẽtaegü rü nanaxãũãchigü i ngẽma chorü ngẽmaxü̃gü i üünegüxü̃. Rü naxca̱x nawüxigu i ngẽma tama mexü̃ rü ngẽma üünexü̃. Rü tama toguxexü̃ nangúexẽxẽ i ta̱xacü nixĩ i chope̱xewa mexü̃ rü ta̱xacü nixĩ i chope̱xewa ãũãchixü̃. Rü tama nanaxaure i chorü ngü̃chigarü ngunexü̃gü. Rü tama choxü̃ nicua̱xüü̃gü.

1 Chamué 8:1

Rü yexguma marü naya̱xgu ga Chamué, rü nanegüxü̃ naxuneta nax Iraéanecüã̱xgümaxã inacua̱xgüxü̃ca̱x.

Naanearü ügüchiga 37:2

Rü ñaa nixĩ i nachiga i natanüxü̃ ga Acóbu ga Iraégu ãégacü. Rü yexguma nane ga Yúche rü 17 ga taunecü nüxü̃́ yexmagu, rü nüxna nadau ga nanatüarü carnérugü wüxigu namaxã ga yema naenexẽgü ga nanatüxü̃taxü̃ ga Biráwaü̃güxü̃ rü Chipáwáü̃güxü̃. Rü nüma ga Yúche rü nanatümaxã nüxü̃ nayarüxugüxü̃ ga naenexẽgüchiga nax chixexü̃ naxügüxü̃.

1 Chamué 2:23

Rü yemaca̱x nanegüxü̃ ñanagürü: —Guxü̃ma i duü̃xü̃gü rü chomaxã nüxü̃ nixugügü nax ñuxãcü chixexü̃ pexügüxü̃ rü chixri pemaxẽxü̃. ¿Rü tü̱xcüü̃ ngẽmaãcü pemaxẽ?

1 Chamué 3:13

Yerü marü namaxã nüxü̃ chixuchire̱x rü poxcu i taguma guxü̃gu tá chanapoxcue i ngẽma nanegü naxca̱x i ngẽma chixexü̃ i nüma marü nüxü̃ nacuáxü̃. Yerü ga nanegü rü chixexü̃ chomaxã nixugüxe rü nüma rü tama nüxna nachogü naxca̱x ga yema chixexü̃ ga naxügüxü̃.

Naanearü ügüchiga 35:22

Rü yexguma marü yéma nayexmagu ga Iraé, rü nane ga Rubéü̃ rü nanatüma̱x ga Birámaxã ínape. Rü yexguma yemaxü̃ nacua̱xgu ga Iraé rü nanu.