1 Chamué 2:20 - Tupanaarü Ore

²⁰ Rü nüma ga gumá chacherdóte ga Erí rü Ercanámaxã rü naxma̱xmaxã mexü̃ naxuegu rü ñanagürü: —Nüma ya Cori ya Tupana rü tá cuxü̃́ nanaxütanü namaxã nax cuxü̃́ nax yaxãxacüchigüxü̃ca̱x i ñaa nge natanü ya yimá ngĩne ya Corina namuãcü —ñanagürü. Rü yemawena ga Ercaná rü Ána rü napataca̱x nawoegu.

1 Chamué 2:20 Referans Kwoze

Ore i mexü̃ ga Luca ümatüxü̃ 2:34

Rü yexguma ga Chimeóü̃ rü Tupanana naca nax nüxü̃ nangü̃xẽẽxü̃ca̱x ga Yúche rü María rü gumá bucü. Rü ñanagürü ngĩxü̃ ga María ga Ngechuchu naé: “Dücax, daa bucü rü tá nanamaxẽxẽxẽ i muxü̃ma i Iraétanüxü̃, natürü ngẽma nüxü̃ oexü̃ rü tá inayarütauxe. Rü nüma rü wüxi i cua̱xruxü̃ tá nixĩ, rü muxü̃ma i duü̃xü̃gü rü tá nüxü̃ naxoe.

1 Chamué 1:11

Rü ngĩrü yumüxẽwa rü Tupanamaxã ixuneta rü ngĩgürügü: —Pa Cori ya Tupana ya Daxũwa Ngẽxmacüx, rü ngẽxguma chi nüxü̃ cucua̱xgu nax ñuxãcü ngúxü̃ nax chingexü̃ naxca̱x i ngẽma nax changexacüxü̃ ¡rü choxü̃́ nüxü̃ naxĩnü i ñaa chorü yumüxẽ, rü choxna namu ya wüxi ya chaune! Rü yimá rü tá cuxna chanamu nax cuxrüxü̃ yixĩxü̃ca̱x. Rü ngẽma norü cua̱xruxü̃ nax aixcüma cuxna chanamuxü̃ rü tagutáma niyoeru —ngĩgürügü.

Rux 4:11

Rü nüma ga yema ãẽ̱xgacügü rü guxü̃ma ga yema duü̃xü̃gü ga yéma irüdaunüxü̃ rü nanangãxü̃ga rü ñanagürügü: —Aixcüma toma nixĩ i nua itarüdaunüxü̃ rü itarüxĩnüexü̃. Rü nüma ya Tupana i ñu̱xma cuxna imucü i ñaa nge, rü tanaxwa̱xe i ngĩxü̃ narüngü̃xẽxẽ nax naxãxacüxü̃ca̱x ngĩxrüxü̃ ga Raqué rü Léa ga ngĩwa ne ixĩcü i guxãma i yixema i Iraétanüxü̃. Rü cumax, Pa Boóx ¡rü Tupana cuxü̃ rüngü̃xẽxẽ nax wüxi ya yatü ya duü̃xü̃güpe̱xewa mecü quixĩxü̃ i nua Beréü̃wa i Efrátawa!

Rux 2:12

¡Rü Tupana cuxü̃́ naxütanü i ngẽma! ¡Rü nüma ya Cori ya Iraéanecüã̱xgüarü Tupana ga norü ngü̃xẽẽca̱x cudaucü cuxü̃́ naxütanü naxca̱x ga guxü̃ma ga yema mexü̃ ga cuxüxü̃! —ñanagürü.

Naanearü ügüchiga 14:19

Rü ñaa oremaxã mexü̃ Abráü̃maxã naxuegu rü ñanagürü: —¡Tupana ya Guxü̃étüwa Ngẽxmacü i daxũguxü̃ i naanearü üruxü̃ rü ñoma i naanearü üruxü̃ rü poraãcü mexü̃ cuwa naxü̱x! ¡Rü namecümaxüchi ya Tupana ya Guxü̃étüwa Ngẽxmacü ya curü uanügüxü̃ cuxü̃ rüporamaexẽẽcü! —ñanagürü. Rü yexguma ga Abráü̃ rü Melquichedéxna nanaxã ga norü diésmu natanüwa ga yema yemaxü̃gü ga napuxü̃xü̃.

Maraquía 2:15

¿Rü tama ẽ̱xna yimátama Tupana yixĩxü̃ ya naxücü i taxü̃ne rü taãxẽ? ¿Rü ta̱xacü nixĩ i pexü̃́ nanaxwa̱xexü̃ ya Tupana? Rü ngẽma pexü̃́ nanaxwa̱xexü̃ nixĩ nax noxrü yixĩgüxü̃ i ngẽma pexacügü. ¡Rü mea nüxna peda̱u̱x i perü maxü̃! Rü tama name i nüxü̃ icuyarüngüma ga yema uneta ga cuxma̱xmaxã nüxü̃ quixuxü̃ ga yexguma cungextü̱xügu ngĩmaxã cuxãxma̱xgu.