1 Chamué 2:2 - Tupanaarü Ore

² Rü tataxuma ya texé ya cuxrüxü̃ üünexe, Pa Corix. Rü tataxuma ya texé cuxrüxü̃ duü̃xü̃güna dauxe, Pa Torü Tupanax. Rü nataxuma i ta̱xacü i cuxü̃ rüporamaexü̃.

1 Chamué 2:2 Referans Kwoze

2 Chamué 22:32

¿Rü texé tixĩ ya Coriétüwa Tupana ixĩxẽ? ¿Rü nangemaxü̃ i ta̱xacü i to i Tupanarüxü̃ nüxü̃́ tauxchaxü̃ nax tüxü̃ ínapoxü̃xü̃?

Ichaía 44:6

Rü choma ya Cori ya Tupana rü perü ãẽ̱xgacü chixĩ rü perü ngü̃xẽẽruxü̃ chixĩ, Pa Iraétanüxü̃x. Rü choma ya guxü̃étüwa ngẽxmaxe rü ñachagürü: “Choma rü woetama changexmaecha rü taguma icharüxo. Rü nataxuma i to ya Tupana.

Wiyaegü 86:8

Rü nataxuma i to i tupana i cumaxã wüxiguxü̃, Pa Corix. Rü taxúema tanaxü i ngẽma taxü̃ i mexü̃gü i cuma cuxüxü̃.

Wiyaegü 89:8

Pa Cori Pa Tupana ya Guxãétüwa Ngẽxmacüx, rü guxü̃ma i pora rü guxü̃ma i ore i aixcüma ixĩxü̃ rü cuwa ne naxũ. Rü nataxuma i ta̱xacü i cumaxã wüxiguxü̃.

Ínachoxü̃xü̃chiga 15:11

Pa Chorü Cori ya Tupanax, rü ngẽma duü̃xü̃gü namaxã tupanaã́xü̃tanüwa rü nataxuma i ta̱xacü i cumaxã wüxiguxü̃. Rü nataxuma i ta̱xacü i cuxrüxü̃ üünexü̃ rü nüxü̃ cua̱xüchixü̃. Rü cuma cunaxü i ngẽma mexü̃gü i duü̃xü̃gü poraãcü namaxã baixãchiexü̃.

Nüxíraxü̃xü̃ ga popera ga Pedru ümatüxü̃ 1:16

Rü norü ore i ümatüxü̃wa rü ñanagürü: “Chanaxwa̱xe i pixüüne, erü choma rü chaxüüne”, ñanagürü.

Yeremía 10:6

Rü nüma ga Yeremía rü ñanagürü: —Pa Corix, nataxuma i to i cumaxã wüxiguxü̃. Cuma rü cupora rü ngẽma cuéga rü natachiga rü napora.

Ichaía 57:15

Erü choma ya Tupana ya Guxü̃étüwa Ngẽxmacü rü guxü̃guma chamaxü̃ rü chauéga rü Üünecü nixĩ. Rü ñachagürü: “Choma rü daxũwa chamaxü̃ i ngextá ínaxüünexü̃wa. Natürü tüxü̃ charüngü̃xẽẽxü̃ rü tüxü̃ chaporaxẽxẽ ya yíxema ngearü diẽruã̱xgüxe rü yíxema naxĩ̱xãchiãẽgüxe”.

Lebítanüxü̃arü puracüchiga 19:2

—¡Rü Iraétanüxü̃ i duü̃xü̃gümaxã nüxü̃ ixu i ñaa ore!: “Rü name nax pixüünegüxü̃ i pemax, erü choma ya perü Cori ya Tupana rü chaxüüne.

Romanos 15:4

Rü guxü̃ma ga yema nũxcüma ümatüxü̃ ga Tupanaarü orewa, rü naxümatü nax tüxü̃ nangu̱xẽẽxü̃ca̱x nax taguma nüxü̃ rüxoexü̃ ega woo ta̱xacürü guxchaxü̃ taxca̱x ínguxgu. Rü yema Tupanaarü ore rü naxümatü nax tüxü̃ nataãẽxẽẽxü̃ca̱x rü tüxü̃ nüxü̃ nacua̱xẽẽxü̃ca̱x nax aixcüma Tupanaarü ixĩgüxü̃.

Ichaía 44:8

Natürü, ¡Taxṹ i perümaãchitanüxü̃, rü taxṹ i pemuü̃exü̃! Choma rü ü̃pacürüwa marü pemaxã nüxü̃ chixu i ngẽma tá ngupetüxü̃, rü pema rü meama nüxü̃ pecua̱x i ngẽma. Rü chaxicatama nixĩ ya Tupana chixĩxü̃, rü nataxuma i to i pexü̃ ípoxü̃xü̃. Rü tama toxü̃ chacua̱x”, ñanagürü.

Ichaía 40:18

¿Rü ta̱xacügu tá penangu ya Tupana? ¿Rü ñuxãcü tá penaxüxchicüna̱xã?

Ichaía 6:3

Rü guxü̃ma ga yema daxũcüã̱x rü nügü ñanagürügü: —Naxüüne, naxüüne, naxüüne ya Cori ya Tupana ya Guxãétüwa Ngẽxmacü. Rü ngẽma norü üüne rü ñoma i naane namaxã nanapá —ñanagürügü.

Wiyaegü 111:9

Rü nüma rü ínananguxü̃xẽxẽ ga norü duü̃xü̃gü naxme̱xwa ga norü uanügü. Rü yema norü uneta rü namaxã nüxü̃ nixu nax tagutáma iyanaxoxü̃. Erü nüma ya Tupana rü naxüüne rü naxãũcümaxü̃chi.

Wiyaegü 99:5

¡Rü nüxü̃ picua̱xüü̃gü ya yimá Cori ya tórü Tupana ixĩcü! ¡Rü nape̱xegu pecaxã́pü̱xügü! Erü nüma rü naxüüne.

Wiyaegü 89:6

Rü nataxuma i ta̱xacü i woo i daxũguxü̃ i naanewa i cumaxã wüxiguxü̃, Pa Cori Pa Tupanax.

Wenaxarü naxümatü ga Tupanaarü mugü 32:39

Rü chaxicatama nixĩ ya Tupana chixĩxü̃, rü nataxuma i to i tupanagü i chauétüwa ngẽxmaxü̃. Rü choma nixĩ i pexna chanaxãxü̃ i maxü̃ rü ñu̱xũchi pexna chanayaxuxü̃. Rü choma nixĩ i ngúxü̃ pexca̱x íchanguxẽẽxü̃, rü ñu̱xũchi pexca̱x chayataanexẽẽxü̃. Rü tataxuma ya texé ya tama chorü poratüxü̃wa ngẽxmagüxe.

Wenaxarü naxümatü ga Tupanaarü mugü 32:4

Rü nüma nixĩ i torü dauruxü̃ nax yixĩxü̃. Rü guxü̃ma i ta̱xacü i naxüxü̃ rü meama nawe̱xgu. Rü guxü̃ma i nüxü̃ yaxuxü̃ rü aixcüma nixĩ. Rü nüma rü Tupana ya ixaixcümacü nixĩ. Rü nawa rü nataxuma i ta̱xacü i dora ixĩxü̃, erü nüma rü ixaixcümacü nixĩ!

Wiyaegü 99:9

¡Rü nüxü̃ picua̱xüü̃gü ya yimá Cori ya tórü Tupana ixĩcü! ¡Rü yima napata ya norü ma̱xpǘne ya üünenewa ngẽxmanepe̱xegu pecaxã́pü̱xügü! Erü nüma ya Cori ya tórü Tupana rü naxüüne.

Wiyaegü 73:25

¿Rü texé tixĩ ya chomücü i daxũguxü̃ i naanewa? Rü cuma nixĩ, Pa Tupanax. Rü cuxicatama nixĩ i chacuxwa̱xexü̃ i ñoma i naanewa rü nataxuma i to.

Wiyaegü 71:19

Pa Tupanax, ngẽma curü porachiga rü curü mecümachiga rü guxü̃wama nangu ñu̱xmata daxũguxü̃ i naanewa. Rü cuma rü cunaxü i taxü̃gü i mexü̃gü. Rü tataxuma ya texé ya cumaxã wüxiguxe.

Wiyaegü 71:3

Rü cuma nixĩ i nuta ya tacü ya chorü cu̱xchicaxü̃ quixĩxü̃. Rü guxü̃gutáma cuxü̃tagu charücúxü̃. Rü cuma nixĩ i nüxü̃ quixuxü̃ nax choxü̃ tá ícupoxü̃xü̃. Erü cuma nixĩ i nuta ya tacü ya chorü cu̱xchicaxü̃ quixĩxü̃.

Wiyaegü 18:2

Rü cuma nixĩ ya nuta ya taxüchicü ya chorü poxü̃ruxü̃ quixĩxü̃. Rü cuma nixĩ i chorü dauruxü̃ quixĩxü̃. Rü cuma nixĩ i choxü̃ cunapuxü̃ nüxna i chorü uanügü. Rü cuma nixĩ i chorü tüpe̱xeruxü̃ quixĩxü̃. Rü cuma nixĩ i curü poramaxã choxü̃ cumaxẽẽxü̃. Rü cuma nixĩ i chorü cu̱xchicaxü̃ i ma̱xpǘnewa nagu changaxixü̃ quixĩxü̃.

Wenaxarü naxümatü ga Tupanaarü mugü 32:20

Rü ñanagürü: “Rü ñu̱xma rü tá pexna chixũgachi, rü ngẽxguma tá nixĩ i nüxü̃ pecuáxü̃ nax ta̱xacü tá pexü̃ ngupetüxü̃. Rü aixcüma i pema rü duü̃xü̃gü i chixexü̃gu maxẽxe pixĩgü, rü chauxacügü i tama aixcümagüxe pixĩgü.

Wenaxarü naxümatü ga Tupanaarü mugü 4:35

Rü nüma rü pexca̱x nanaxü ga guxü̃ma ga yema nax yemaacü nüxü̃ pecuáxü̃ca̱x nax nüma yixĩxü̃ ya Cori ya aixcüma Tupana ixĩcü, rü naweama rü nataxuma i to i tupana.

Romanos 4:8

Rü aixcüma tataãxẽ ya yíxema duü̃xẽ ya Tupana tama tüxü̃́ nagu naxĩnüxẽ i tümaarü pecadu”, ñanagürü ga Dabí.

2 Chamué 7:22

Rü ngẽmaãcü, Pa Chorü Cori ya Tupanax, rü nataxuma i ta̱xacü i curüxü̃ ixĩxü̃. Erü nataxuma i to ya Tupana i curüxü̃ ixĩxü̃, rü cuxicatama nixĩ i aixcüma Tupana quixĩxü̃ yema tochixẽmaxãtama nüxü̃ taxĩnüexü̃rüxü̃.

Nüxíraxü̃xü̃ ga popera ga ãẽ̱xgacügüchiga 8:23

Rü ñanagürü: —Pa Cori ya Iraétanüxü̃arü Tupanax, rü dauxü̃guxü̃ i naanewa rü woo ñoma i naanewa rü nataxuma i ta̱xacü i cuxrüxü̃ Tupana ixĩxü̃. Erü cumax rü cuyanguxẽxẽ i curü uneta rü tüxü̃ cungechaü̃ ya guxãma ya yíxema aixcüma cuga ĩnüexe.

Wiyaegü 18:31

¿Rü texé tixĩ ya Cori ya Tupanaétüwa ixĩxẽ? ¿Rü ta̱xacürü to napora nax tüxü̃ ínapoxü̃xü̃ca̱x? Rü Tupanaxicatama nixĩ.

Wiyaegü 99:3

Rü name nixĩ i nüxü̃ ticua̱xüü̃güxü̃ ya yimá Cori ya guxãmaxã icuácü rü ãũcümacü, erü nüma rü naxüüne.

Lebítanüxü̃arü puracüchiga 11:44

Erü choma nixĩ i Cori ya perü Tupana chixĩxü̃. Rü pema rü name nax pengearü ãũãchiã́xü̃ rü pexüünegüxü̃ erü choma rü chaxüüne. Rü ngẽmaca̱x nixĩ i tama namexü̃ nax pegü namaxã pexãũãchixü̃ i ngẽma naeü̃gü i waixü̃müanegu naxtanecamaxã nügü itúchigüãcüma ixĩxü̃.

Lebítanüxü̃arü puracüchiga 11:45

Rü choma nixĩ i perü Cori chixĩxü̃ i Equítuanewa pexü̃ íchagaxü̃xü̃ nax perü Tupana nax chixĩxü̃ca̱x. Rü ngẽmaca̱x i pema rü name nax pixüünexü̃ erü choma rü chaxüüne.

Wenaxarü naxümatü ga Tupanaarü mugü 4:39

Rü ngẽmaca̱x mea pegüãẽgu namaxã penguxü̃ nax daxũguxü̃ i naanewa rü ñoma i naanewa rü nüma i Cori rü Tupana yixĩxü̃, rü nataxuxü̃ma i to i naxrüxü̃ ixĩxü̃.