1 Chamué 2:18 - Tupanaarü Ore

¹⁸ Rü nüma ga gumá bucü ga Chamué rü niyachigü rü Cori ya Tupanaaxü̃́ napuracü. Rü naxchiru rü chacherdótegüchirurüxü̃ nixĩ nax línuchinaxca̱x yixĩxü̃.

1 Chamué 2:18 Referans Kwoze

1 Chamué 3:1

Rü nüma ga ngextü̱xücü ga Chamué rü Cori ya Tupanaaxü̃́ napuracü yema Erí namuxü̃ãcüma. Rü yexguma ga Tupana rü ñuxguacürica texémaxã nidexa. Rü ñuxguacürica texéca̱x nanango̱xẽxẽ ga ẽxü̃guxü̃.

Ínachoxü̃xü̃chiga 28:4

Rü ngẽma naxchirugü i Aróü̃axü̃́ tá naxügüxü̃ rü ñaagü tá nixĩ: Norü türemüxü̃, rü norü efóx, rü naxchiru i mámüxü̃ i ãmatüxü̃, rü naxchiru i rüma̱xmaexü̃, rü napate̱xe i ipuxü̃ i línuarü tüwa üxü̃, rü norü goyexü̃. Rü ngẽmaãcü tá nanaxügü i naxchirugü i taxuechirumaxã wüxiguxü̃ naxca̱x ya cuenexẽ ya Aróü̃ rü nanegü nax ngẽmaãcü chorü chacherdótegü yaxĩgüxü̃ca̱x.

1 Chamué 2:11

Rü ñu̱xũchi nüma ga Ercaná rü naxacüã̱xgü rü naxma̱xgümaxã napataca̱x nawoegu ga ĩane ga Ramáwa. Natürü nüma ga gumá nane ga bucü rü yexma chacherdóte ga Eríxü̃tagu narüxã̱ũ̱x nax yéma Cori ya Tupanaaxü̃́ napuracüxü̃ca̱x.

2 Chamué 6:14

Dabí rü wüxi ga naxchiru ga línunaxca̱xmaxã naxãxchiru. Rü nüma rü guxü̃ma ga Iraétanüxü̃maxã norü taãẽmaxã íniyüxü nape̱xewa ga yema yangegüxü̃ ga yema baú ga Cori ya Tupanaarü mugü nawa yexmaxü̃. Rü norü taãẽmaxã nicaetanü rü cornétagu nicuegü.

1 Chamué 22:18

Rü yemaca̱x nüma ga ãẽ̱xgacü rü Doéx ga Edóü̃tanüxü̃xü̃ namu rü ñanagürü: —¡Cumax nadai! —ñanagürü nüxü̃. Rü yexguma ga Doéx rü yema chacherdótegüca̱x niña. Rü yema ngunexü̃gu rü nanadai ga 85 ga chacherdótegü ga naxchiru ga línunaxca̱xgu icu̱xgüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:27

Rü nüma ga Dabí rü guxü̃ma ga yema Lebítanüxü̃ ga yema baú ingetaü̃güxü̃ rü yema wiyaeruü̃gü rü ñu̱xũchi nüma ga wiyaegümaxã icuácü ga Quenanía rü naxchiru ga imáxü̃ ga línunaxca̱x ixĩgüxü̃gu nicu̱xgü. Rü nüma ga Dabí rü yema naxchiruétüwa nicuxcuchi ga wüxi ga norü daxũ ga bochacüüxü̃.

1 Chamué 2:28

Ñu̱xũchi natanüwa ga guxü̃ma ga Iraétanüxü̃ rü chanade ga curü o̱xigü nax chorü chacherdótegü yixĩgüxü̃ca̱x rü chorü ãmarearü guruü̃wa yagugüãxü̃ca̱x i ãmaregü rü cha̱u̱xca̱x yagugüãxü̃ca̱x ga pumarate̱xe rü chope̱xewa nagu yacu̱xgüxü̃ca̱x i chacherdótechiru. Rü yexgumarüxü̃ ta rü guxü̃ma ga ãmaregü ga Iraétanüxü̃ cha̱u̱xca̱x ígugüxü̃wa rü curü o̱xigüna chanaxã ga yema nüxna üxü̃.

Lebítanüxü̃arü puracüchiga 8:7

Rü yemawena rü yema mámüxü̃ ga naxchirugu Aróü̃xü̃ nicu̱xcuchi, rü mea nayachota ga norü goyexü̃. Rü nayacu̱xcuchi ga yema düxétüwa üxü̃ ga naxchiru. Rü yemaétüwa nayacu̱xcuchi ga yema efóx. Rü yema rü meama nayagota norü goyexü̃maxãtama.

1 Chamué 14:3

Rü yema chacherdóte ga Tupanaarü Efóxarü ngeruxü̃ nixĩ ga Aíax ga Aitúx nane. Rü nüma ga Aitúx rü Icabú naenexẽ nixĩ. Rü Icabú rü Fineéx nane nixĩ. Rü Fineéarü papa ga Erí nixĩ ga Tupanaarü chacherdóte ga ĩane ga Chilówa. Natürü ga duü̃xü̃gü rü tama nüxü̃ nacua̱xgü nax Yonatáü̃ rü marü inaxũãchixü̃.