1 Chamué 2:15 - Tupanaarü Ore

¹⁵ Rü ñu̱xũchi naxü̃pa ga nax tayagugüxü̃ ga chíxü̃ ga ãmarearü guruü̃wa rü yéma nangu ga chacherdótearü ngü̃xẽẽruxü̃ rü ñanagürü tüxü̃ ga guxema tümaarü ãmare íguxchaxü̃xe: —¡Choxna tanaxã i namachi nax chacherdóteaxü̃́ chayaguxü̃ca̱x! Erü taxũtáma cuxü̃́ nanayaxu i ngẽma namachi i marü muxraxü̃, rü ngẽma ngãxü̃ nixĩ i nanaxwa̱xexü̃ —ñanagürü.

1 Chamué 2:15 Referans Kwoze

Lebítanüxü̃arü puracüchiga 3:16

Rü ñu̱xũchi ngẽma chacherdóte rü ãmarearü guruü̃étüwa tá ínanagu i guxü̃ma i ngẽma ãmare. Rü ngẽma ãmare rü õna i Cori ya Tupanaca̱x íguxü̃ nixĩ. Rü ngẽma naema i ngẽma õna rü Cori ya Tupana rü tá namaxã nataãxẽ. Rü guxü̃ma i ngẽma chíxü̃ rü Cori ya Tupanaarü nixĩ.

Filipenses 3:19

Natürü ngẽma duü̃xü̃gü rü tá napoxcue. Rü ngẽma naxü̃nearü ngúchaü̃ nixĩ i namaxã natupanaã̱xgüxü̃. Rü woo nüxü̃ nacua̱xchire̱x nax wüxi i ãne nax yixĩxü̃ i ngẽma chixexü̃ i naxügüxü̃, natürü nügü namaxã nicua̱xüü̃gü. Rü ñoma i naanearü ngẽmaxü̃guxicatama narüxĩnüe.

Romanos 16:18

Erü ngẽma duü̃xü̃gü rü tama tórü Cori ya Ngechuchu ya Cristuarü ngúchaü̃ naxügü, natürü noxrütama ngúchaü̃ nixĩ i naxügüxü̃. Norü dexa ga maixcuraxü̃maxã nayaxucu̱xẽgü i duü̃xü̃gü, rü ngẽmaãcü nanawomüxẽẽgü i ngẽma duü̃xü̃gü i tama mea nüxü̃ cua̱xgüxü̃.

Popera ga Yúda ümatüxü̃ 1:12

Rü ngẽxguma pema i yaxõgüxü̃ õnaca̱x pengutaque̱xegügu, rü ngẽma duü̃xü̃gü rü wüxi i ãnexüchi nixĩgü. Erü nataãẽgü, rü poraãcü nachibüe rü naxaxegü. Rü nügüguxicatama narüxĩnüe. Rü ngẽma duü̃xü̃gü rü taxuwama nime, rü ñoma caixanexü̃ i ngearü pucüã́xü̃ i buanecü ingexü̃rüxü̃ nixĩgü. Rü ñoma nanetügü i tama ixoxü̃ i ngẽxguma norü owa nanguxgurüxü̃ nixĩgü. Rü ñoma naigü i guxü̃ma i naxchúma̱xãmaxã nabe̱xgüxü̃ rü yuexüchixü̃rüxü̃ nixĩgü i ngẽma duü̃xü̃gü.

Ínachoxü̃xü̃chiga 12:9

Rü bai i íxraxü̃ i ngẽma namachi i pengṍxü̃ rü tá nangáxüra rüe̱xna namuxra. Rü guxü̃ma i namachi rü naeru rü naparagü rü naü̃nütagü, rü tá penanagü.

1 Chamué 2:16

Rü ngẽxguma tanangãxü̃gügu ya duü̃xẽgü nax chíxü̃íra tigugüxü̃ rü ñu̱xũchi ngẽmawena rü name nax nüma i chacherdótearü ngü̃xẽẽruxü̃ naya̱u̱xãxü̃ i ngẽma nanaxwa̱xexü̃ i namachi, rü nüma ga chacherdótearü ngü̃xẽẽruxü̃ rü tüxü̃ nangãxü̃ rü ñanagürü: —Tama nixĩ. Rü chanaxwa̱xe nax ñu̱xmatama choxna cunaxãxü̃, rü ngẽxguma taxũtáma choxna cunaxãxgu rü tá cuxna chanapuama —ñanagürü.