1 Chamué 2:12 - Tupanaarü Ore

¹² Rü yema Erí nanegü rü poraãcüma chixexü̃gu namaxẽ rü tama Cori ya Tupanaxü̃ nacua̱xgüchaü̃.

1 Chamué 2:12 Referans Kwoze

Yeremía 2:8

Rü ngẽma perü chacherdótegü rü tama chaugu narüxĩnüe rü tama cha̱u̱xca̱x nadaugü. Rü ngẽma perü ucu̱xẽruü̃gü rü tama choxü̃ nacua̱xgü. Rü ngẽma perü ãẽ̱xgacügü rü chomaxã nanue, rü ngẽma perü orearü uruü̃gü rü Baáchigaxü̃ãma nixugüe rü ngẽma ngearü maxü̃ã́xü̃ i naxchicüna̱xãgüwe narüxĩ.

2 Corintios 6:15

¿Rü ñuxãcü nawüxiguxü̃ ya Cristu namaxã i Chataná? ¿Rü ñuxãcü nawüxiguxü̃ i wüxi i duü̃xü̃ i yaxõxü̃ namaxã i wüxi i duü̃xü̃ i tama yaxõxü̃?

Ãẽ̱xgacügü ga guxchaxü̃güarü mexẽxẽruü̃gü 2:10

Rü yexgumarüxü̃ ta nayue ga yema Iraétanüxü̃ ga Yochué maxü̱̃xgu maxẽxü̃. Rü yemaacü ga yema wixweama buexü̃ rü tama Cori ya Tupanaxü̃ nacua̱xgü rü tama nüxü̃ nacua̱xgü ga yema mexü̃gü ga Iraétanüxü̃ca̱x naxüxü̃.

Romanos 1:21

Yerü woo nüxü̃ nacua̱xgüchire̱x nax ñuxãcü yixĩxü̃ ga Tupana, natürü tama nanayauxgüchaü̃ nax norü Tupana yixĩxü̃ca̱x, rü bai nax moxẽ nüxna naxãgüxü̃. Natürü yema taxuwama mexü̃guama narüxĩnüe, rü yemaacü naechitamare namaxẽ rü yexeraãcü chixexü̃gu narüxĩnüe.

Ore i mexü̃ ga Cuáü̃ ümatüxü̃ 17:3

Rü ngẽma duü̃xü̃gü tá nüxü̃́ nangẽxma i maxü̃ i taguma gúxü̃ ega cuxü̃́ yaxõgüãgu nax cuxicatama Tupana nax quixĩxü̃, rü choxü̃́ yaxõgüãgu nax choma rü Cristu ga núma choxü̃ cumucü nax chixĩxü̃.

Ore i mexü̃ ga Cuáü̃ ümatüxü̃ 16:3

Rü ngẽmaãcü tá pemaxã namaxẽ i duü̃xü̃gü, erü taguma nüxü̃ nacua̱xgü ya Chaunatü, rü taguma choxü̃ nacua̱xgü.

Ore i mexü̃ ga Cuáü̃ ümatüxü̃ 8:55

Natürü i pema rü tama nüxü̃ pecua̱x ya Chaunatü ya Tupana. Natürü i choma rü ngẽmáacü nüxü̃ chacua̱x. Rü ngẽxguma chi: “Tama nüxü̃ chacua̱x”, ñachagu, rü pexrüxü̃ chi wüxi i dorata̱xáxü̃ chixĩ. Natürü i choma rü aixcüma nüxü̃ chacua̱x ya Chaunatü ya Tupana, rü naga chaxĩnü i norü ore.

Yeremía 22:16

Rü tüxü̃ ínapoxü̃ ga guxema ingearü diẽruã̱xgüxe rü guxema guxchaxü̃wa yexmagüxe. Rü yemaca̱x nixĩ ga mea nüxü̃ nangupetüxü̃ ga gumá cunatü. Rü yema naxüxü̃wa inanawe̱x nax aixcüma choxü̃ nacuáxü̃. Rü choma ya Cori ya Tupana nixĩ i nüxü̃ chixuxü̃ i ngẽma ore.

Yeremía 9:6

Rü Cori ya Tupana rü ñanagürü —Cumax, Pa Yeremíax, rü duü̃xü̃gü i womüxẽẽgüwa̱xexü̃tanüwa cungexma. Rü ngẽma doragu nax namaxẽxü̃gagu tama choxü̃ nacua̱xgüchaü̃.

Nüxíraxü̃xü̃ ga popera ga ãẽ̱xgacügüchiga 21:13

Rü nüma ga yema taxre ga yatügü rü guxü̃ma ga duü̃xü̃güpe̱xewa doraxü̃mare nixugüe Nabúchiga. Rü ñanagürügü: —Ñaa Nabú rü Tupanamaxã naguxchiga rü ãẽ̱xgacü ya Acáxmaxã rü ta naguxchiga —ñanagürügü. Rü yexguma nüxü̃ naxĩnüegu ga duü̃xü̃gü, rü Nabúxü̃ niyauxgü rü ĩanepemawa nanagáuchigügü. Rü yexma nutamaxã ínanamuxũchigü rü yemaacü nayama̱xgü.

1 Chamué 25:17

Natürü yimá cute rü nachixecümaxü̃chi rü ngẽmaca̱x taxuacüma texé mea namaxã tidexa. ¡Rü nagu rüxĩnü nax ta̱xacü tá cuxüxü̃! Erü aixcüma tá cuteca̱x rü guxü̃ma i natanüxü̃ca̱x ínayagoõchi i Dabí —ñanagürü ngĩxü̃.

1 Chamué 10:27

Natürü nayexmagü ta ga duü̃xü̃gü ga Chaúmaxã chixexü̃gu rüxĩnüexü̃ rü ñagüxü̃: —¿Ñuxãcü tá i ñaa yatü i tamaxã inacuáxü̃? —ñagüxü̃. Rü yemaacü nüxü̃ naxõõ̱xgü rü tama namaxã nataãẽgü. Natürü nüma ga Chaú rü tama yemagu narüxĩnü.

1 Chamué 3:7

Rü nüma ga Chamué rü tauxta Cori ya Tupanaxü̃ nacua̱x yerü taguma namaxã nidexa.

Ãẽ̱xgacügü ga guxchaxü̃güarü mexẽxẽruü̃gü 19:22

Rü yexguma ínataãẽgüyane, rü ñuxre ga yatügü ga chixexü̃gu maxẽxü̃ ga guma ĩanewa rü o̱xipataxü̃ ínachomaeguãchi rü norü ĩã̱xwa nanacua̱i̱xcagü, rü ñanagürügü o̱xixü̃: —¡Ínamuxũchi i ngẽma yatü i cuxü̃tawa nguxü̃! Erü tanaxwa̱xe nax namaxã ngúchaü̃ taxüexü̃ —ñanagürügü.

1 Chamué 3:13

Yerü marü namaxã nüxü̃ chixuchire̱x rü poxcu i taguma guxü̃gu tá chanapoxcue i ngẽma nanegü naxca̱x i ngẽma chixexü̃ i nüma marü nüxü̃ nacuáxü̃. Yerü ga nanegü rü chixexü̃ chomaxã nixugüxe rü nüma rü tama nüxna nachogü naxca̱x ga yema chixexü̃ ga naxügüxü̃.

Yeremía 9:3

Rü guxü̃guma ínamegümare nax doraxü̃ yaxugüxü̃ca̱x ñoma wüxi ya würamaxã chuxchigü inamaxgüxü̃rüxü̃. Ngẽma nachixü̃anewa rü nataxüchi i dora rü bai i mexü̃. Rü yexeraãcü chixexü̃wa naxĩ. Rü nümatama ya Cori ya Tupana rü ñanagürü: —Chorü duü̃xü̃gü rü marü tama choxü̃ nacua̱xgüchaü̃ —ñanagürü ya Cori ya Tupana.

Echequié 22:26

Rü ngẽma curü chacherdótegü rü ínayatoxẽẽgü i ngẽma chorü ngu̱xẽẽtaegü rü nanaxãũãchigü i ngẽma chorü ngẽmaxü̃gü i üünegüxü̃. Rü naxca̱x nawüxigu i ngẽma tama mexü̃ rü ngẽma üünexü̃. Rü tama toguxexü̃ nangúexẽxẽ i ta̱xacü nixĩ i chope̱xewa mexü̃ rü ta̱xacü nixĩ i chope̱xewa ãũãchixü̃. Rü tama nanaxaure i chorü ngü̃chigarü ngunexü̃gü. Rü tama choxü̃ nicua̱xüü̃gü.