1 Chamué 2:10 - Tupanaarü Ore

¹⁰ Rü nüma ya Cori ya Tupana rü tá nanadai i norü uanügü. Rü daxũguxü̃ i naanewa tá naxca̱x ne nanamu ya tagaxü̃ ga duruanexü̃. Rü nüma ya Cori ya Tupana rü tá nüxna naca i norü maxü̃chiga i guxü̃ma i duü̃xü̃gü i ñoma i naanewa maxẽxü̃. Rü tá pora nüxna naxã ya yimá ãẽ̱xgacü ya nüma nüxü̃ naxunetacü, rü tá yexeraãcü nayaporachigüxẽxẽ —ngĩgürügü.

1 Chamué 2:10 Referans Kwoze

Wiyaegü 2:9

Rü fierumena̱xãmaxã tá cunadai i ngẽma nachixü̃anegüarü ãẽ̱xgacügü. Rü tá íxraxü̃gu cunapoü̃gü ñoma buetare ya waixü̃münaxca̱x ipuxẽxẽxü̃rüxü̃ —ñanagürü choxü̃.

Wiyaegü 89:24

Rü choma rü poraãcü tá nüxü̃ changechaü̃, rü namaxã tá chixaixcüma. Rü tá yexeraãcü chayaporaxẽxẽchigü.

Ínachoxü̃xü̃chiga 15:6

Pa Cori ya Tupanax, cuma nixĩ i curü tügünechacüxü ya poranemaxã cunada̱i̱xü̃ i torü uanügü.

Wiyaegü 20:6

Rü yimá ãẽ̱xgacü ya Tupana nüxü̃ unetacü, rü choma nüxü̃ chacua̱x nax norü uanügüxü̃ Tupana tá naporamaexẽẽxü̃. Rü nüma ya Tupana rü tá nüxü̃ naxĩnü i norü yumüxẽ, rü dauxü̃guxü̃ i naanewa tá nüxü̃ nangãxü̃. Rü norü poramaxã tá ngẽma uanügüxü̃ nanaporamaexẽxẽ ya yimá ãẽ̱xgacü.

1 Chamué 7:10

Yexguma Chamué íyaguyane ga yema ãmare rü ningaicagü ga Firitéugü nax Iraétanüxü̃xü̃ yadaixü̃ca̱x. Rü nüma ga Cori ya Tupana rü wüxi ga tacü ga ãẽmacü nayawã̱ĩ̱xẽxẽ. Rü Firitéugüxü̃ namaxã ínabaixgü, rü yemaacü narüporamaegü ga Iraétanüxü̃.

Ore i mexü̃ ga Luca ümatüxü̃ 19:27

Rü yema chorü uanügü ga tama naxwa̱xegüxü̃ nax norü ãẽ̱xgacüxü̃ chixĩxü̃, ¡rü nua penagagü, rü nua chopexegu peyadai!” —ñanagürü.

Ore i mexü̃ ga Matéu ümatüxü̃ 28:18

Rü yexguma ga Ngechuchu rü naxca̱x nixũ, rü ñanagürü nüxü̃: —Tupana rü guxü̃ma i pora choxna naxã nax daxũguxü̃ i naanemaxã rü ñoma i naanemaxã ichacuáxü̃ca̱x.

Ngu̱xẽẽtaeruü̃arü ore 12:14

Erü nüma rü tá tüxna naca naxca̱x i guxü̃ma i ta̱xacü ixüxü̃, woo mexü̃ rüe̱xna chixexü̃, rü woo cúãcü ixüxü̃.

Ngu̱xẽẽtaeruü̃arü ore 11:9

¡Nataãxẽ Pa Ngextü̱xücüx, rü ñoma rü ta cupora! ¡Rü nataãxẽ namaxã i ngẽma cuxü̃́ mexü̃ ñoma rü ta cuxü̃́ natauxcha! ¡Rü naxü i ngẽma nagu curüxĩnüxü̃, natürü nüxna nacua̱xãchi rü guxü̃ma i ngẽma cuxüxü̃ca̱x rü Tupana tá cuxna naca!

Wiyaegü 45:7

Rü cumax, Pa Ãẽ̱xgacüx, namaxã cutaãxẽ i ngẽma mexü̃ ixĩxü̃, natürü naxchi cuxai i ngẽma chixexü̃. Rü yemaca̱x nixĩ ga Tupana chixü̃ ga paacaxü̃maxã cuxü̃ nabaeruxü̃ rü cuxü̃ naxunetaxü̃ nax cumücügüarü yexera taãxẽ cuxü̃́ ngẽxmaxü̃ca̱x.

Wiyaegü 21:1

Pa Cori Pa Tupanax, curü poragagu, rü nataãẽxü̃chi ya yimá ãẽ̱xgacü. Rü aixcüma nataãxẽ erü cuma rü norü uanügüxü̃ cunaporamaexẽxẽ.

Wiyaegü 2:6

—Choma rü marü nüxü̃ chaxuneta ya yimá ãẽ̱xgacü ya choma chanaxwa̱xecü nax yima ma̱xpǘne ya üünene ya Chióü̃wa ãẽ̱xgacü yixĩxü̃ca̱x —ñanagürü.

Wiyaegü 2:2

Rü ñoma i naanecüã̱x i nachixü̃anegüarü ãẽ̱xgacügü rü Tupanamaxã rü yimá ãẽ̱xgacü ya nüma yangucuchixẽẽcümaxã nanue, rü wüxigu nagu narüxĩnüe nax ñuxãcü yimáxü̃ ínata̱xüchigüxü̃.

Ãẽ̱xgacügü ga guxchaxü̃güarü mexẽxẽruü̃gü 5:31

Pa torü Tupanax, tanaxwa̱xe nax ngẽmaãcü nayuexü̃ i guxü̃ma i curü uanügü. Natürü ngẽma cuxü̃ ngechaü̃güxü̃ rü tanaxwa̱xe nax naporaexü̃ ñoma üa̱xcü i poraemaxüchixü̃rüxü̃ —ñanagürügü. Rü yemawena rü 40 ga taunecü nataxuma ga dai ga yema naanewa.

2 Corintios 5:10

Erü guxãtáma i yixema rü Cristupe̱xewa tá tangugü nax wüxichigü nayaxuxü̃ca̱x i ngẽma tüxna üxü̃. Rü ngẽxgumarüxü̃ nax ñuxãcü mea imaxẽxü̃ rüe̱xna chixexü̃gu imaxẽxü̃ ga yexguma ñoma ga taxünewa iyexmagügu, rü ngẽmaãcü tá tüxna nanaxã ya wüxichigü.

Ngechuchuarü ngúexü̃gü ga yamugüxü̃arü puracüchiga 10:38

Rü pema nüxü̃ pecua̱x nax Tupana naporaxẽẽxü̃ ga Ngechuchu ya Nacharétucüã̱x rü nüxna namuaxü̃ ga Naãxẽ ya Üünecü. Rü nüma ga Ngechuchu rü mexü̃ naxü ga yema íyaxũgüxü̃wa, rü nanameexẽxẽ ga guxü̃ma ga yema ngo̱xome̱xẽwa yexmagüxü̃, yerü Tupana nüxü̃ narüngü̃xẽxẽ.

Ngechuchuarü ngúexü̃gü ga yamugüxü̃arü puracüchiga 4:27

Rü aixcüma nixĩ, Pa Tupanax, ga daa ĩanewa ga ãẽ̱xgacügü ga Eróde rü Pirátu nax nügümaxã nangutaque̱xegüxü̃ namaxã ga to ga nachixü̃anegücüã̱x rü totanüxü̃ ga Iraétanüxü̃, nax yama̱xgüãxü̃ca̱x ya curü ngü̃xẽẽruxü̃ ya üünecü ya Ngechuchu ya cuma nüxü̃ cuxunetacü nax Cristu yixĩxü̃ca̱x.

Ore i mexü̃ ga Luca ümatüxü̃ 1:69

Rü ngẽmaca̱x tüxna nanamu ya wüxi ya maxẽxẽẽruxü̃ ya poracü ga nũxcümaü̃cü ga norü duü̃ ga Dabítaxa ixĩcü.

Ore i mexü̃ ga Matéu ümatüxü̃ 25:34

Rü ngẽxguma i nüma ya Ãẽ̱xgacü rü tá ñanarügü nüxü̃ i ngẽma norü tügünecüwawa ngẽxmagüxü̃: “¡Nua pexĩ i pemax ya Chaunatü mexü̃ pemaxã uegugüxe! ¡Rü nüma ãẽ̱xgacü íyixĩxü̃wa pichocu rü penayaxu i pechica ga noxritama naane naxü̱xgu pexca̱x namexẽẽxü̃!

Ichaía 45:24

Rü ngẽxguma rü tá ñanagürügü: “Cori ya Tupanaxicatama nixĩ ya ixaixcümacü ya pora tüxna ãcü”, ñanagürügü tá. Rü guxü̃ma i ngẽma chauxchi aiexü̃ rü tá naxãnee.

Ichaía 32:1

Rü tá nangẽxma ya wüxi ya ãẽ̱xgacü ya we̱xgu duü̃xü̃gümaxã icuácü, rü ãẽ̱xgacügü i mea duü̃xü̃gümaxã icua̱xgüxü̃.

Wiyaegü 148:14

Rü nüma ya Tupana rü nüxü̃ narüngü̃xẽxẽ ga norü duü̃xü̃gü ga Iraétanüxü̃ nax norü uanügüxü̃ naporamaegüxü̃ca̱x. Rü ngẽmaca̱x, Pa Iraétanüxü̃ i Aixcüma Tupanaarü Duü̃xü̃gü Ixĩgüxe, rü name nixĩ i nüxü̃ picua̱xüü̃gü. Erü nümatama nixĩ i pexü̃ naxunetaxü̃ nax norü duü̃xü̃gü pixĩgüxü̃ca̱x. ¡Rü ngĩxã nüxü̃ ticua̱xüxü̃gü ya Cori ya Tupana!

Wiyaegü 89:17

Rü aixcüma nixĩ i curü duü̃xü̃güarü poraxẽẽruxü̃ quixĩxü̃ rü cuma nixĩ i nüxü̃ curüngü̃xẽẽxü̃ nax cucümagu naxĩxü̃ca̱x. Rü ngẽma yexeraãcü nax tiporaetanüxü̃ rü curü ngúchaü̃gagu nixĩ.

Wiyaegü 28:8

Rü nüma ya Cori ya Tupana nixĩ i norü duü̃xü̃güxü̃ naporaexẽẽxü̃. Rü nüma nixĩ i nüxü̃ nangü̃xẽẽxü̃ rü ínapoxü̃ãxü̃ ya yimá ãẽ̱xgacü ya nümatama nüxü̃ naxunetacü.

Yox 40:9

¿Ẽ̱xna cugü cucua̱xgu rü chauxrüxü̃ cuporaxüchi, rü ngẽma cuga rü ñoma chauga i duruanexü̃rüxü̃ nixĩ?

2 Chamué 22:14

Rü yexguma ga nüma ga Cori ya Tupana ya Guxü̃étüwa Ngẽxmacü rü yema daxũwa yexmaxü̃ ga waanexü̃wa tüxü̃ nüxü̃ naxĩnüxẽxẽ ga naga ga ñoma duruanexü̃rüxü̃ ixĩxü̃.

2 Chamué 7:13

Rü nüma tá nixĩ i wüxi ya chopata ya taxü̃ne naxüxü̃. Rü choma rü guxü̃gutáma nüxü̃ charüngü̃xẽẽxü̃ nax duü̃xü̃gümaxã inacuáxü̃ca̱x.

2 Chamué 7:8

Rü ngẽmaca̱x ¡namaxã nüxü̃ ixu ya chorü duü̃ ya Dabí rü choma ya Cori ya Tupana ya Guxãétüwa Ngẽxmaxe, rü ñacharügü nüxü̃! ‘Yexguma carnérugüarü dauruxü̃ quixĩxgu rü yea naanewa nüxna cuda̱u̱xgu, rü choma cuxü̃ chayaxu nax ñaa chorü duü̃xü̃gü i Iraétanüxü̃arü ãẽ̱xgacü nax quixĩxü̃ca̱x.

1 Chamué 16:1

Rü yemawena ga Tupana rü Chamuéxü̃ ñanagürü: —Marütama nax Chaúca̱x nax cungechaü̃echaxü̃, erü marü tama chanaxwa̱xe nax Iraéanecüã̱xgüarü ãẽ̱xgacü nax yixĩxü̃. ¡Rü wüxi i carnéruchatacu̱xre nayaxu rü oribuarü chíxü̃maxã naxüãcu! ¡Rü Beréü̃wa naxũ rü ngẽxma naxca̱x yadau ya wüxi ya yatü ya Ichaxígu ãégacü! Erü wüxi ya nanexü̃ chayaxu nax Iraéanecüã̱xgüarü ãẽ̱xgacü yixĩxü̃ca̱x —ñanagürü.

1 Chamué 15:28

Rü yexguma ga Chamué rü Chaúxü̃ ñanagürü: —Ñu̱xmatatama nixĩ i cuxna naya̱u̱xãxü̃ nax Iraétanüxü̃arü ãẽ̱xgacü quixĩxü̃, rü tá to i Iraétanüxü̃ i cuxü̃ rü yexera rümemaexü̃na nanaxã.

1 Chamué 12:18

Rü yexguma ga nüma ga Chamué rü Tupanana naca. Rü yexgumatama nüma ga Cori ya Tupana rü ãẽmacü inanaxǘxẽxẽ rü nanapuxẽxẽ. Rü yexguma ga guxü̃ma ga yema duü̃xü̃gü rü poraãcü Cori ya Tupanaxü̃ rü Chamuéxü̃ namuü̃e.

1 Chamué 12:13

Rü daa nixĩ ya yimá ãẽ̱xgacü ya pematama naxca̱x ípecacü. Rü nüma ya Cori ya Tupana rü marü pexna nanamu ya yimá ãẽ̱xgacü ya naxca̱x ípecacü.

1 Chamué 12:3

Rü ñu̱xma rü daxe chixĩ. Ega ngẽxguma chi texéarü wocaca̱x rüe̱xna búruca̱x changĩ̱xgux, rüe̱xna texé chi chaxaixgu, rü chixri tümamaxã ichacua̱xgu rüe̱xna chanayauxtanügu ga ta̱xacürü guxchaxü̃ chamexẽẽ̱xgu, rü marü name i Cori ya Tupanape̱xewa rü nape̱xewa ya yimá ãẽ̱xgacü ya Tupana nüxü̃ unetacü, rü choxü̃ ípexuaxü̃. Rü choma rü tá chanaxütanü i ngẽma pexü̃́ changetanüxü̃ —ñanagürü.

Echequié 29:21

Rü ngẽma ngunexü̃gu rü wena tá chanaporaexẽxẽ i Iraétanüxü̃ noxrirüxü̃. Rü ngẽxguma i cumax, Pa Echequiéx, rü tá tauxchaãcü namaxã quidexa. Rü ngẽxguma i nümagü rü tá nüxü̃ nacua̱xgü nax choma yixĩxü̃ i Iraétanüxü̃arü Cori ya Tupana” —ñanagürü choxü̃.

1 Chamué 12:17

Pema rü meama nüxü̃ pecua̱x rü ñu̱xma nax tríguarü buxgüwa nanguxü̃ rü taguma napu. Rü ngẽmaca̱x i ñu̱xma rü tá Tupanana chaca nax ãẽmacü rü pucü nua namuxü̃ca̱x nax ngẽmawa nüxü̃ picua̱xãchitanüxü̃ca̱x i ngẽma chixexü̃ i taxü̃ i pexüxü̃ ga yexguma wüxi ya perü ãẽ̱xgacü i réica̱x ípecaxgu —ñanagürü.

Wiyaegü 20:7

Rü nümaxü̃ i uanügü rü norü carugümaxã nügü ínarüporae. Rü togü rü norü cowarugümaxã nügü ínarüporae. Natürü i yixema rü yimá tórü Cori ya Tupanamaxã yigü ítarüporae.

Wiyaegü 89:25

Rü choma rü tá aixcüma nüxna chanaxã i pora nax namaxã inacuáxü̃ca̱x i ngẽma naane i Már i Mediteráneuwa ixügüxü̃ rü ñu̱xmata natü i Eufrátewa nguxü̃.

Wiyaegü 132:17

Rü marü namaxã ichaxüga ga guma ãẽ̱xgacü ga Dabí ga choma nüxü̃ chaxunetacü. Rü nataagü rü guxü̃gutáma ãẽ̱xgacügü nixĩgü ñoma wüxi i omü i ngéma naiechaxü̃rüxü̃. Rü Dabítaatanüwa tá chanango̱xẽxẽ ya wüxi ya ãẽ̱xgacü ya poraxüchicü.