1 Chamué 19:5 - Tupanaarü Ore

⁵ ¿Ẽ̱xna marü nüxü̃ curüngü̃ma ga yexguma norü maxü̃ ãũcümaxü̃wa nayexmaxẽẽgu ga Goriáxü̃ yama̱xgu, rü yemaacü ga Cori ya Tupana rü Iraéanecüã̱xgüxü̃ guxchaxü̃wa ínanguxü̃xẽxẽ? Cumax, Pa Ãẽ̱xgacüx, rü nüxü̃ cudau ga yema, rü cutaãxẽ. ¿Rü tü̱xcüü̃, Pa Ãẽ̱xgacüx, i cuyamáxchaü̃xü̃ i wüxi i duü̃xü̃ i taxuxü̃ma i chixexü̃ cumaxã üxü̃? ¿Rü ta̱xacüca̱x tá cuyama̱x ya Dabí? —ñanagürü.

1 Chamué 19:5 Referans Kwoze

1 Chamué 11:13

Natürü nüma ga Chaú rü naétüwa nachogü rü ñanagürü: —Ñoma i ngunexü̃gu rü taxúetama tayu, erü Cori ya Tupana rü Iraéanecüã̱xgüxü̃ narüngü̃xẽxẽ nax norü uanüxü̃ naporamaegüxü̃ca̱x —ñanagürü.

Ore i mexü̃ ga Matéu ümatüxü̃ 27:4

Rü ñanagürü nüxü̃: —Choma rü marü chixexü̃ chaxü, erü naechita íchayaxuaxü̃ i wüxi i yatü i taxuxü̃ma i chixexü̃ üxü̃, rü ñu̱xma rü tá ngẽmagagu nayu —ñanagürü. Natürü nümagü ga ãẽ̱xgacügü rü nanangãxü̃gü, rü ñanagürügü: —Toma rü tama nüxü̃ tacuáxchaü̃ i ngẽma. Cugagutama nixĩ, rü cuma i nüxü̃ cucuáxü̃ nax ñuxãcü cugümaxã cunamexẽxẽxü̃ i ngẽma —ñanagürügü.

1 Chamué 20:32

Natürü nüma ga Yonatáü̃ nanangãxü̃ rü ñanagürü: —¿Ta̱xacüca̱x tá inayuxü̃? ¿Ta̱xacürü chixexü̃ ẽ̱xna naxü? —ñanagürü.

Ãẽ̱xgacügü ga guxchaxü̃güarü mexẽxẽruü̃gü 9:17

Yerü chaunatü ga Yedeóü̃ rü tümaarü maxü̃ itaxã pexca̱x ga yexguma Madiáü̃tanüxü̃maxã tügü tadaixgu nax yemaacü naxme̱xwa ípenguxü̃xü̃ca̱x.

Ngechuchuarü ngúexü̃gü ga yamugüxü̃arü puracüchiga 20:24

Natürü tama ngẽma ãũcümaxü̃gu charüxĩnü erü nüetama nixĩ ega woo chayu̱xgu. Natürü ngẽma chanaxwa̱xexü̃ nixĩ nax taãẽãcüma chapuracüamaxü̃ nax mea chayanguxẽẽxü̃ca̱x i ngẽma puracü ga tórü Cori ya Ngechuchu choxna ãxü̃ rü nüxü̃ chixuxü̃ca̱x i norü ore i Tupanaarü ngechaxü̃chiga.

Wiyaegü 119:109

Rü guxü̃guma ãũcümaxü̃ i yuwa changexma. Natürü taguma nüxü̃ charüngüma i ngẽma curü ucu̱xẽgü.

1 Chamué 28:21

Rü yexguma Chaúxü̃ nada̱u̱xgu ga yema nge ga ñuxãcü nax naxĩ̱xãchiãẽxü̃, rü naxca̱x iyaxũ rü ngĩgürügü nüxü̃: —Choma nax curü duü̃xü̃ chixĩxü̃ rü marü chanaxü i ngẽma naxca̱x ícuca̱xaxü̃. Rü woo ãũcümaxü̃wa chanangexmaxẽxẽ i chorü maxü̃, rü cuga chaxĩnü rü chanaxüama i ngẽma choxü̃ cumuxü̃.

Filipenses 2:30

Yerü nüma ga Epaporudítu rü yema nax poraãcü Cristuarü puracüwa napuracüxü̃ rü wixguxüchi taa̱x nayu. Rü ãũcümaxü̃wa nügü nayexmaxẽxẽ nax pechicüxü choxü̃ nangü̃xẽẽxü̃ca̱x.

Ore i mexü̃ ga Cuáü̃ ümatüxü̃ 15:25

Natürü ngẽma nangupetü nax yanguxü̃ca̱x i ngẽma ore i norü mugüpanegu ümatüxü̃ i ñaxü̃: “Chauxchi naxaie woo taxuxü̃ma i chixexü̃ chaxüxgu”, ñaxü̃.

Ore i mexü̃ ga Matéu ümatüxü̃ 27:24

Rü yexguma Pirátu nüxü̃ da̱u̱xgu ga marü taxucürüwama Ngechuchuxü̃ nax ínanguxuchixẽẽxü̃, yerü ga duü̃xü̃gü rü marü nanaxĩ̱xãchiãẽgüchaü̃, rü yemaca̱x wüxi ga norü duü̃xü̃xü̃ namu ga dexá naxü̃tawa nax tanangexü̃ca̱x. Rü nügü naya̱u̱xme̱x ga Pirátu nape̱xewa ga guxü̃ma ga yema duü̃xü̃gü. Rü ñanagürü: —Tama chaugagu tá nixĩ i nax nayuxü̃ i ñaa yatü i taxuxü̃ma i chixexü̃ üxü̃. Rü pegagu tátama nixĩ —ñanagürü.

Yeremía 26:15

Natürü name nax mea nagu perüxĩnüexü̃, rü ngẽxguma tá choxü̃ pima̱xgügu rü tá nipeguãchi rü tá ninaguãchi i guxü̃ma i duü̃xü̃gü i daa ĩanegu ãchiü̃güxü̃ nagagu nax yama̱xgüãxü̃ i wüxi i duü̃xü̃ i taxuxü̃ma i chixexü̃ üxü̃. Erü aixcüma nixĩ nax Cori ya Tupana yixĩxü̃ i nua choxü̃ muxü̃ nax pemaxã nüxü̃ chixuxü̃ca̱x i guxü̃ma i ngẽma guxchaxü̃gü i tá pexca̱x íngugüxü̃ —ñanagürü.

Wiyaegü 69:4

Rü ngẽma natüca̱xma chauxchi aiexü̃ rü chauyaexü̃ narümumae. Rü nimuetanü i ngẽma chomaxã rüxuanüã̱xgüxü̃ i choxü̃ ima̱xgüchaü̃xü̃. Rü nüma nüxü̃ nixugüe nax changĩ́xü̃ woo taxuca̱xma changi̱xgu. ¿Rü ta̱xacü chi chataeguxẽxẽxü̃ ega tama changi̱xgu?

1 Chamué 14:45

Natürü nüma ga Iraétanüxü̃ ga duü̃xü̃gü rü Chaúxü̃ nangãxü̃gü rü ñanagürügü: —¿Ta̱xacüca̱x chixarü i Yonatáü̃ i nayuxü̃ erü nüma nixĩ i tórü uanüxü̃ tüxü̃ naporamaexẽẽxü̃? ¡Taxũtáma ngẽmaãcü nixĩ! Rü Cori ya Tupanaégagu cumaxã nüxü̃ tixu rü taxuxü̃táma i wüxi i nayae waixü̃mügu nangu, rü bai i wüxi i nayae i naeruwa ngẽxmaxü̃. Rü ngẽma ñu̱xma naxüxü̃, rü Cori ya Tupanaarü ngü̃xẽẽmaxã nixĩ i naxüaxü̃ —ñanagürügü. Rü yemaacü ga duü̃xü̃gü rü yuwa Yonatáü̃xü̃ ínapoxü̃gü.

Ãẽ̱xgacügü ga guxchaxü̃güarü mexẽxẽruü̃gü 12:3

Rü yexguma nüxü̃ chada̱u̱xgu nax marü tama nua pexĩxü̃ nax toxü̃ peyarüngü̃xẽẽgüxü̃ca̱x, rü choma rü wüxicana chorü maxü̃ ichaxã rü naxca̱x ichayagoõchi ga Amóü̃tanüxü̃ rü chanadai. Rü nüma ya Cori ya Tupana rü nüxü̃ choxü̃ narüporamaexẽxẽ. ¿Rü ta̱xacüca̱x i ñu̱xma i nua chomaxã peyanuexü̃? —ñanagürü.

Popera ga Yudíugü ga yaxõgüxü̃ca̱x ümatüxü̃ 2:3

Rü yexguma yemaacü napoxcueãgu ga yema duü̃xü̃gü ga tama naga ĩnüexü̃, ¿rü ñuxũcürüwa i yixema i na̱xcha̱xwa ibuxmüxü̃ nax tama tüxü̃ napoxcuexü̃ca̱x ega nüxü̃ ixoegu i ngẽma maxü̃ i mexẽchixü̃ i ñu̱xma Cristugagu tüxna uaxü̃xü̃? Rü nümatama ya tórü Cori nixĩ ga nüxíra naxunagüãxü̃ ga yema maxü̃, rü ñu̱xũchi yixcama nixĩ ga yema nüxü̃ ĩnüexü̃ ga nüxĩ́ mea tüxü̃ nüxü̃ nacua̱xẽẽxü̃ nax aixcüma yixĩxü̃ i tüxü̃́ nangẽxmaxü̃ i ngẽma maxü̃.

Ínachoxü̃xü̃chiga 14:13

Rü yexguma ga Moiché rü nanangãxü̃ rü ñanagürü nüxü̃: —¡Taxuca̱xma pemuü̃e! ¡Rü mea iperüchomare rü naxca̱x perüdaunü nax ñuxãcü pexü̃ tá nax ínapoxü̃xü̃ ya Cori ya Tupana! Erü ngẽma Equítuanecüã̱xgü i ñu̱xma nüxü̃ pedauxü̃, rü tagutáma wena nüxü̃ pedaugü.

Wiyaegü 25:3

Rü yíxema cuxü̃́ yaxṍxe rü tagutáma ãne tinge. Natürü ngẽma tama cuga ĩnüexü̃ rü natüca̱xma cumaxã nuexü̃, rü ãne tá ningegü.

1 Chamué 19:6

Rü yexguma Chaú nüxü̃ ĩnügu ga yema Yonatáü̃ namaxã nüxü̃ ixuxü̃, rü tagaãcü ñanagürü: —Cori ya Tupanaégagu nüxü̃ chixu rü taxũtáma chayama̱x ya Dabí —ñanagürü.

1 Chamué 22:14

Rü yexguma ga Aimérex rü ãẽ̱xgacüxü̃ nangãxü̃ rü ñanagürü: —¿Texé i guxü̃ma i curü churaragüerutanüwa, Pa Ãẽ̱xgacüx, i aixcüma cuga ĩnüxe Dabírüxü̃? Rü naétü, Pa Ãẽ̱xgacüx, rü cuã̱xte nixĩ rü naeru nixĩ i ngẽma churaragü i cuxna daugüxü̃. Rü ngẽmaca̱x natachiga i cupatawa, Pa Ãẽ̱xgacüx.

2 Chamué 23:10

Natürü nüma ga Ereachá rü tama niña. Rü yema Firitéugüxü̃ nadaiama, rü woo nipa̱xme̱xüchi natürü tama nüxü̃ ninge̱x ga norü tara. Rü yema ngunexü̃gu rü Cori ya Tupana yexeraãcü norü uanügüxü̃ nanaporamaexẽxẽ. Rü yemaxü̃ nax nadaugüxü̃ ga Iraéanearü churaragü, rü Ereacháca̱x nawoegu nax nügüaxü̃́ nadeaxü̃ca̱x ga yema yemaxü̃gü ga norü uanügüna napuxü̃xü̃.

Wiyaegü 94:21

Erü ngẽma duü̃xü̃gü rü nügümaxã nagu narüxĩnüe nax tüxü̃ napoxcuexü̃ ya yíxema taxuxü̃ma i chixexü̃ ügüchiréxe. Rü tümamaxã nanaxuegugü nax tayuxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:18

Rü yexgumatama ga yema tomaepü̱x ga tama muü̃ewa̱xexü̃ rü Firitéugü íyexmagüxü̃wa naxĩ rü gumá puchu ga Beréü̃arü ĩã̱xwa yexmacüwa dexá tanayauxgü. Rü ñu̱xũchi Dabíxü̃tawa nanangegü. Natürü nüma ga Dabí rü tama nayaxaxchaü̃, rü ínanabamare, rü yemaacü Cori ya Tupanana nanaxã.

Wiyaegü 109:5

Rü ngẽma mexü̃ i naxca̱x chaxüxü̃ rü chixexü̃maxã nanatáeguxẽẽgü. Rü choma nüxü̃ changechaü̃yane rü chauxchi naxaie.