1 Chamué 19:4 - Tupanaarü Ore

⁴ Rü nüma ga Yonatáü̃ rü nanatü ga Chaúmaxã nidexa rü Dabíétüwa nachogü rü ñanagürü: —Pa Ãẽ̱xgacüx, tama name i chixexü̃ cuxü namaxã i curü duü̃xü̃ i Dabí, erü taxuxü̃ma i chixexü̃ cumaxã naxü. Rü guxü̃ma i ngẽma naxüxü̃wa rü cuxca̱x mexü̃ naxü.

1 Chamué 19:4 Referans Kwoze

Yeremía 18:20

¿Rü cuxca̱x namexü̃ nax chixexü̃maxã naxütanüxü̃ i ngẽma mexü̃ i naxca̱x chaxüxü̃? Nümagü rü marü choxü̃ nicaxmaxü̃gü, erü choxü̃ nima̱xgüchaü̃. ¡Rü nüxna nacua̱xãchi nax marü cuxna naxca̱x chacaxü̃ nax namaxã curüngü̃xmüxü̃ca̱x rü nüxna cuyaxũgachixẽẽgüxü̃ca̱x i ngẽma curü nu!

Naanearü ügüchiga 42:22

Rü nüma ga Rubéü̃ rü naenexẽgüxü̃ ñanagürü: —Choma rü marü pemaxã nüxü̃ chixu nax tama chixexü̃ namaxã pexügüxü̃ca̱x ga gumá bucü, natürü tama chauga pexĩnüechaü̃. Rü ngẽma nixĩ i tórü natanü ga nax nayuxü̃ —ñanagürü.

Ucu̱xẽgüchiga 17:13

Ngẽxguma chi chixexü̃maxã tüxü̃́ cunataeguxẽẽgu i ngẽma mexü̃ i wüxíe cuxca̱x üxü̃, rü guxü̃gutáma nangẽxma i guxchaxü̃ i cupatawa.

1 Chamué 20:32

Natürü nüma ga Yonatáü̃ nanangãxü̃ rü ñanagürü: —¿Ta̱xacüca̱x tá inayuxü̃? ¿Ta̱xacürü chixexü̃ ẽ̱xna naxü? —ñanagürü.

Wiyaegü 35:12

Rü yema mexü̃ ga naxca̱x chaxüxü̃ rü chixexü̃maxã choxü̃́ nanatáeguxẽẽgü. Rü ngẽma rü poraãcü ngechaxü̃ choxna naxã.

1 Chamué 22:14

Rü yexguma ga Aimérex rü ãẽ̱xgacüxü̃ nangãxü̃ rü ñanagürü: —¿Texé i guxü̃ma i curü churaragüerutanüwa, Pa Ãẽ̱xgacüx, i aixcüma cuga ĩnüxe Dabírüxü̃? Rü naétü, Pa Ãẽ̱xgacüx, rü cuã̱xte nixĩ rü naeru nixĩ i ngẽma churaragü i cuxna daugüxü̃. Rü ngẽmaca̱x natachiga i cupatawa, Pa Ãẽ̱xgacüx.

1 Corintios 8:12

Rü ngẽmaca̱x i ngẽxguma chixexü̃gu cunanguxẽẽgu i ngẽma cuenexẽ i tauta poraxü̃ i norü õwa, rü Cristupe̱xewa chixexü̃ cuxü.

Norü taxre ga to ga popera ga ãẽ̱xgacügüchiga ümatüxü̃ 6:22

Rü ngẽxguma texé tümamücümaxã ta̱xacürü guxchaxü̃ üxgu, rü ngẽxguma daa cupata ya taxü̃nearü ãmarearü guruü̃pe̱xewa tüxü̃ nagagügu nax ngéma nüxü̃ tixuxü̃ca̱x i ngẽma tümaarü guxchaxü̃ ¡rü nüxü̃ naxĩnü i daxũguxü̃ i naanewa, rü nüxü̃ rüngü̃xẽxẽ i ngẽma curü duü̃xü̃gü! ¡Rü napoxcu i ngẽma aixcüma chixexü̃ ügǘxü̃, rü tüxü̃ ínanguxuchixẽxẽ ya yíxema taxuxü̃ma i chixexü̃ ǘxe!

1 Chamué 2:25

Rü ngẽxguma wüxi i duü̃xü̃ rü to i duü̃xü̃maxã chixexü̃ uxgux rü nangẽxma i norü mexẽẽruxü̃. Natürü ngẽxguma wüxi i duü̃xü̃ Tupanape̱xewa chixexü̃ uxgux ¿rü texé tá tanamexẽxẽ i ngẽma? —ñanagürü. Natürü ga nümagü ga nanegü rü tama naga naxĩnüechaü̃, yerü ga Tupana rü marü namaxã nanaxuegu ga nax nadaiaxü̃.

Nüxíraxü̃xü̃ ga popera ga Cuáü̃ ümatüxü̃ 3:15

Rü yíxema tümaenexẽchi aixe rü wüxi i máẽtaxü̃ tixĩ. Rü pema nüxü̃ pecua̱x rü wüxi i máẽtaxü̃ rü nüxü̃́ nataxuma i norü maxü̃ i taguma gúxü̃.

Wiyaegü 59:4

Pa Cori Pa Tupanax, ngẽma chorü uanügü rü ínamemaregü nax cha̱u̱xca̱x íyaxüãchixü̃ woo taxuxü̃ma i chixexü̃ chaxü̱xgu. ¡Rü paxa nua naxũ, rü choxü̃ yarüngü̃xẽxẽ! ¡Nüxü̃ nadau i ngẽma chomaxã üpetüxü̃!