3 Rü choma rü ngẽma naane i nagu quicúxü̃wa tá chaunatümaxã chaxũ. Rü cuchigaxü̃ tá tümamaxã chixu, rü ñuxũ ñatagü. Rü yixcama tá cuxü̃ nüxü̃ chacua̱x i ngẽma chaunatüarü ore —ñanagürü.
Natürü ngẽxguma chaunatü cuxü̃ imáxchaü̃gu, ¡rü Tupana poraãcü choxü̃ poxcu ega tama cumaxã nüxü̃ chixuxgu rü tama cuxü̃ charüngü̃xẽẽgu nax quiñaxü̃ca̱x! ¡Rü Cori ya Tupana cuxü̃ rüngü̃xẽxẽ yema chaunatüxü̃ nangü̃xẽẽxü̃rüxü̃!
Natürü ga Yonatáü̃ rü nanangãxü̃ rü ñanagürü: —Choma rü tagutáma ngẽma chaxü. Natürü ngẽxguma nüxü̃ chacuáxchigagu nax cuxü̃ timáxchaü̃xü̃ ya chaunatü rü tá cumaxã nüxü̃ chixu —ñanagürü.
Rü yemaca̱x ga Yonatáü̃ rü Dabímaxã nüxü̃ nixu ga yema nanatüarü ore, rü ñanagürü: —Chorü papa ya Chaú rü cuxü̃ timáxchaü̃. Rü ngẽmaca̱x i moxü̃ pa̱xmama ¡rü naxuãxẽ rü nawa naxũ i ngẽma naane i taxúema nawa cuxü̃ dauxü̃, rü ngẽxma icu̱x!
Ngẽma aixcüma tamücü ixĩxü̃, rü guxü̃guma tüxü̃ nangechaü̃, rü ngẽxguma guxchaxü̃ taxca̱x ínguxgu, rü ñoma wüxi i taenexẽxüchirüxü̃ nixĩ.