1 Chamué 19:2 - Tupanaarü Ore

² Rü yemaca̱x ga Yonatáü̃ rü Dabímaxã nüxü̃ nixu ga yema nanatüarü ore, rü ñanagürü: —Chorü papa ya Chaú rü cuxü̃ timáxchaü̃. Rü ngẽmaca̱x i moxü̃ pa̱xmama ¡rü naxuãxẽ rü nawa naxũ i ngẽma naane i taxúema nawa cuxü̃ dauxü̃, rü ngẽxma icu̱x!

1 Chamué 19:2 Referans Kwoze

Ucu̱xẽgüchiga 17:17

Ngẽma aixcüma tamücü ixĩxü̃, rü guxü̃guma tüxü̃ nangechaü̃, rü ngẽxguma guxchaxü̃ taxca̱x ínguxgu, rü ñoma wüxi i taenexẽxüchirüxü̃ nixĩ.

Ngechuchuarü ngúexü̃gü ga yamugüxü̃arü puracüchiga 9:24

Natürü nüma ga Chauru rü nüxü̃ nacuáchiga nax yama̱xgüchaü̃ãxü̃. Rü yema Yudíugü rü ngunecü rü chütacü rü guma ĩanearü poxeguxü̃arü ĩã̱xgügu Chauruxü̃ nana̱ĩ̱xgüxü̃ nax yama̱xgüãxü̃ca̱x.

Ngechuchuarü ngúexü̃gü ga yamugüxü̃arü puracüchiga 23:16

Natürü ngĩne ga Paurueya̱x rü nüxü̃ nacuáchiga ga Pauruxü̃ nax yama̱xgüchaxü̃xü̃, rü yemaca̱x churaragüpatawa naxũ nax Paurumaxã nüxü̃ yanaxuxü̃ca̱x.

Wiyaegü 16:3

Rü ngẽma duü̃xü̃gü i cuxü̃́ yaxõgüxü̃ rü naporae, rü choma rü aixcüma namaxã chataãxẽ.

1 Chamué 20:2

Rü nüma ga Yonatáü̃ nanangãxü̃ rü ñanagürü: —Tupana rü tama nanaxwa̱xe nax cuyuxü̃. ¡Taxũtáma cuxü̃ tima̱x! ¡Nagu rüxĩnü rü chaunatü rü taxuxü̃ma i ta̱xacü taxü ega tama chomaxã nüxü̃ tixuxíragu woo íxraxü̃ rüe̱xna ta̱xacü i taxü̃! ¿Tü̱xcüü̃ ya chorü papa i tama chomaxã nüxü̃ tixuxchaxü̃xü̃ i ngẽma nax cuxü̃ timáxchaü̃xü̃? Rü taxũtáma ngẽmaãcü nixĩ —ñanagürü.

1 Chamué 19:1

Rü nüma ga Chaú rü nane ga Yonatáü̃xü̃ rü guxü̃ma ga norü churaragüxü̃ namu ga Dabíxü̃ nax yama̱xgüxü̃ca̱x. Natürü nüma ga Yonatáü̃ rü poraãcü Dabíxü̃ nangechaü̃.

1 Chamué 19:3

Rü choma rü ngẽma naane i nagu quicúxü̃wa tá chaunatümaxã chaxũ. Rü cuchigaxü̃ tá tümamaxã chixu, rü ñuxũ ñatagü. Rü yixcama tá cuxü̃ nüxü̃ chacua̱x i ngẽma chaunatüarü ore —ñanagürü.

1 Chamué 20:5

Dabí nanangãxü̃ rü ñanagürü: —Dücax, moxü̃ tá nixĩ i ngexwacaxü̃cü ya tauemacüarü petachiga, rü guxü̃guma ngẽma petaca̱x ãẽ̱xgacümaxã ícharüto nax chachibüxü̃. ¡Natürü choxü̃ ínamuxũchi nax naanegu chayarücúxü̃ca̱x ñu̱xmata pa̱xmaacüarü yáuanecü! Rü ngẽxguma tá curü papa cha̱u̱xca̱x ícaxgu, ¡rü tümamaxã nüxü̃ ixu nax marü cuxna chacaxü̃ nax chorü ĩane ya Beréü̃wa chaxũxü̃ erü guxü̃ma i chautanüxü̃ rü ngéma nanaxüchigagü nax yaguãxü̃ i ãmare i taunecüarü gu̱xgu!