1 Chamué 19:12 - Tupanaarü Ore

¹² Rü yexgumatama ga Micá rü Dabíxü̃ írüchü̱xüe nawa ga wüxi ga beü̃tána ga dauxü̃wa yexmaxü̃, rü yemaacü niña ga Dabí.

1 Chamué 19:12 Referans Kwoze

Yochué 2:15

Rü ngĩma ga Raá rü wüxi ga ĩ ga ĩanearü poxeguxü̃wa yaxũxü̃negu ipe. Rü yema poxeguxü̃arü beü̃tánawa wüxi ga napana̱xãmaxã íinachü̱xüxüegü ga yema taxre ga ngugütaeruü̃gü.

Wiyaegü 34:19

Rü yimá yatü ya ixaixcümacü rü namu i norü guxchaxü̃gü. Natürü nüma ya Cori ya Tupana rü ínananguxuchixẽxẽ nawa i guxü̃ma i ngẽma.

1 Chamué 14:49

Rü Chaú nanegü rü ñaagü nixĩ: Yonatáü̃, rü Ichuí, rü Maquichúa. Rü taxre iyixĩ ga naxacügü. Rü yema rüyamaecü rü Meráx iyixĩ. Rü yema rübumaecü rü Micá iyixĩ.

2 Chamué 17:20

Rü yexguma yéma nangugügu ga Acharóü̃arü duü̃xü̃gü, rü yema ngecüna nacagü rü ñanagürügü: —¿Ngextá i nangẽxmagüxü̃ i Aimaá rü Yonatáü̃? —ñanagürügü. Rü ngĩma rü inangãxü̃ rü ngĩgürügü: —Nua nixĩ i nachopetüxü̃, rü natüwaama nixĩ i naxĩxü̃ —ngĩgürügü. Rü yexguma ga Acharóü̃arü duü̃xü̃gü rü naxca̱x nadaugü, natürü tama nüxü̃ inayangau. Rü yemaca̱x Yerucharéü̃ca̱x nawoegu.