1 Chamué 18:8 - Tupanaarü Ore

⁸ Rü yema wiyae nixĩ ga Chaúãẽwa ngúxü̃, rü poraãcü nanuãcüma ñanagürü: —Dabína nanaxugüe nax 10,000 i churaragü nada̱i̱xü̃, natürü choxna i 1,000 icatama. Rü ñu̱xma ngẽma taxuxü̃ nixĩ nax chauchicüxü ãẽ̱xgacüxü̃ yangucuchigüxẽẽãxü̃ —ñanagürü.

1 Chamué 18:8 Referans Kwoze

1 Chamué 15:28

Rü yexguma ga Chamué rü Chaúxü̃ ñanagürü: —Ñu̱xmatatama nixĩ i cuxna naya̱u̱xãxü̃ nax Iraétanüxü̃arü ãẽ̱xgacü quixĩxü̃, rü tá to i Iraétanüxü̃ i cuxü̃ rü yexera rümemaexü̃na nanaxã.

Ucu̱xẽgüchiga 13:10

Ngẽma nügü icua̱xüxü̃xü̃ rü daica̱x nadau. Natürü ngẽma tama nügü icua̱xüü̃güxü̃, rü cua̱x nüxü̃́ nangẽxmagü.

Popera ga Chantiágu ümatüxü̃ 4:5

Rü tama natüca̱xma nixĩ i ngẽma Tupanaarü ore i ñaxü̃: “Tupanaaxü̃́ nachu̱xu i ngẽma taãxẽ i tüxna namuxü̃”, ñaxü̃.

Ester 3:5

Rü yexguma Amáü̃ Maduquéuxü̃ da̱u̱xgu nax tama inacaxã́pü̱xüxü̃ rüe̱xna yanamaxãchixü̃ ga yexguma yéma naxüpetüxgu, rü nüma ga Amáü̃ rü poraãcü nanu.

1 Chamué 20:31

Rü ñu̱xma nax ñoma i naanewa namaxü̃xü̃ i ngẽma Dabí rü cuma rü ãũcümaxü̃wa cungexma rü tagutáma Iraétanüxü̃arü ãẽ̱xgacüwa cungu. Rü ngẽmaca̱x chanaxwa̱xe i duü̃xü̃güxü̃ naxca̱x cuyadauxẽxẽ nax nua nagagüãxü̃ca̱x, erü tanaxwa̱xe nax nayuxü̃ —ñanagürü.

Ucu̱xẽgüchiga 27:4

Ngẽma yigüchi nax ixaixü̃, rü ngúxü̃ tüxü̃ ningexẽxẽ, rü ngẽma nu rü tüxü̃ nachixexẽxẽ. Natürü ngẽma nax ta̱xacü inuxuxü̃ rü taxúema namaxã tapora.

Ngu̱xẽẽtaeruü̃arü ore 4:4

Rü nüxü̃ chadau rü ngẽxguma wüxi i duü̃xü̃ aixcüma napuracügu rü namuarü diẽruã̱xgu rü ngẽma togü rü naxchi naxaie rü nixãũxãchie. Rü guxü̃ma i ngẽma rü wüxi i natüca̱xmamare nixĩ, rü ñoma buanecü ya iyauxemachaü̃cürüxü̃mare nixĩ.

Nüxíraxü̃xü̃ ga popera ga ãẽ̱xgacügüchiga 2:22

Rü yexguma nüma ga ãẽ̱xgacü rü naéxü̃ nangãxü̃ rü ñanagürü: —¿Tü̱xcüü̃ Adoníaaxü̃́ ngĩxca̱x ícuca i Abiachá i Chunatanüxü̃? Rü nüma rü chauenexẽ rüyamaecü nixĩ rü ñu̱xũchi ya chacherdóte i Abiatá rü Yoá i Cheruiá nane rü naétüwa naxügü. Rü ngẽxguma chi Abiachá nüxna ngĩxü̃ chamuxgu rü choxna chi nayapugü i ñaa ãẽ̱xgacüarü tochicaxü̃ —ñanagürü.

1 Chamué 16:13

Rü nüma ga Chamué rü nanayaxu ga yema carnéruchatacu̱xre ga chíxü̃maxã ããcuxü̃, rü Dabíerugu nanaba ga naenexẽgüpe̱xewa. Rü yexgumatama ga Tupanaãxẽ rü Dabína nangu rü namaxã inacua̱x. Rü yemawena ga nüma ga Chamué rü narümoxẽ rü norü ĩane ga Ramáca̱x nataegu.

1 Chamué 13:14

Natürü i ñu̱xma rü taxũtáma guxü̃gu Iraétanüxü̃maxã icucua̱x. Rü nüma ya Cori ya Tupana rü tá naxca̱x nadau i wüxi i yatü i nüma namaxã nataãẽxü̃. Rü tá nüxü̃ naxuneta nax norü duü̃xü̃güarü ãẽ̱xgacü yixĩxü̃ca̱x, erü cuma rü tama naga cuxĩnü i ngẽma cumaxã nüxü̃ yaxuxü̃ —ñanagürü.

Iraétanüxü̃arü muxchiga 22:34

Rü nüma ga Balaáü̃ rü Tupanaarü orearü ngeruü̃xü̃ nangãxü̃ rü ñanagürü: —Chixexü̃ chaxü erü tama nüxü̃ chacua̱x nax cuma yixĩxü̃ i choxü̃ quichiyepe̱e̱xü̃. Rü ngẽxguma cuxca̱x nachixegu nax ngéma chaxũxü̃ rü tá chataegu —ñanagürü.

Iraétanüxü̃arü muxchiga 11:1

Wüxi ga ngunexü̃gu ga Iraétanüxü̃ rü Cori ya Tupanamaxã nanue rü narüxutagagü naxca̱x ga yema ngúxü̃ ga yangegüxü̃. Rü yemaxü̃ nax naxĩnüxü̃ ga Cori ya Tupana rü nanu. Rü Iraétanüxü̃ ípegüxü̃pechinügu nananguxẽxẽ ga üxüema. Rü ñuxre ga ĩpatagü ga napechinüwa ügüne rü nixae.

1 Chamué 18:9

Rü yexgumacürüwa ga Chaú rü tama Dabímaxã nataãxẽ.

1 Chamué 19:1

Rü nüma ga Chaú rü nane ga Yonatáü̃xü̃ rü guxü̃ma ga norü churaragüxü̃ namu ga Dabíxü̃ nax yama̱xgüxü̃ca̱x. Natürü nüma ga Yonatáü̃ rü poraãcü Dabíxü̃ nangechaü̃.

Naanearü ügüchiga 37:8

Rü yexguma ga naenexẽgü rü nanangãxü̃gagü rü ñanagürügü: —¿Ẽ̱xna cuma nagu curüxĩnügu rü cuma tá nixĩ i torü ãẽ̱xgacü quixĩxü̃ rü tomaxã tá icucuáxü̃? —ñanagürügü. Rü yemaacü yexeraãcü naxchi naxaie naxca̱x ga yema nanegü ga nüxü̃ yaxuxü̃.

Naanearü ügüchiga 37:11

Rü yemaca̱x ga naenexẽgü rü yexeraãcü nixãũãchie. Natürü ga nanatü rü bexma tüxica nagu tarüxĩnü ga yema nanegü.