1 Chamué 18:25 - Tupanaarü Ore

²⁵ Natürü ga nüma ga Chaú ga nagu nax naxĩnüechaü̃ ga ñuxãcü Dabíxü̃ Firitéugüme̱xẽgu nax nanguxẽẽchaü̃xü̃, rü yemaca̱x yema norü ngü̃xẽẽruü̃gümaxã ñanagürü: —¡Namaxã nüxü̃ pixu i Dabí rü tama chanaxwa̱xe i diẽru choxna ngĩxü̃ naxã ngĩxca̱x i chauxacü! Natürü ngẽma ngĩtanü i chanaxwa̱xexü̃ nixĩ i 100 i Firitéugücha̱xmüpe̱xechiraü̃gü nax nua nanaxü̃ nax ngẽmaãcü nax chanayauxtanüxü̃ca̱x i ngẽma chorü uanügüarü chixexü̃ i chomaxã naxügüxü̃ —ñanagürü.

1 Chamué 18:25 Referans Kwoze

1 Chamué 18:17

Rü nüma ga Chaú rü wüxi ga ngunexü̃ Dabíxü̃ ñanagürü: —Cuxna tá ngĩxü̃ chamu cuxma̱xü̃ i ngẽma chauxacü irüyamaecü i Meráx ega wüxi ya poracü quixĩxgu rü cunadaixgu i Cori ya Tupanaarü uanügü —ñanagürü. Rü nüma ga Chaú nagu narüxĩnü nax tama nümatama Dabíxü̃ yamáxü̃, natürü norü ĩnü nixĩ nax Firitéugü yamáxü̃ca̱x nagu i dai.

1 Chamué 14:24

Natürü yema ngunexü̃gu ga Iraéanecüã̱xgü rü poraãcüxüchima nipae, yerü taguma nachibüe, yerü nüma ga Chaú rü norü churaragümaxã nanaxuegu rü ñanagürü: —Chixexü̃ tüxü̃ ngupetü ya yíxema õna ngṍxe naxü̃pa nax nayáuanexü̃, rü naxü̃pa nax chanadaixü̃ i chorü uanügü —ñanagürü.

Naanearü ügüchiga 34:12

Rü nüetama ega woo nataxgu i ngẽma diẽru rü ãmaregü i ngĩxca̱x choxna naxca̱x pecaxü̃, rü choma rü tá pexna chanaxã. ¡Natürü choxna ngĩxü̃ pemux i Dína nax ngĩmaxã chaxãmaxü̃ca̱x! —ñanagürü ga Chiquéü̃.

1 Chamué 17:36

Rü choma i curü duü̃xü̃, Pa Ãẽ̱xgacüx, rü woo leóü̃ yixĩxgu rüe̱xna osu i düraxü̃ yixĩxgu rü chayama̱x. Rü ñaa Firitéu i tama Tupanaxü̃ cuáxü̃ rü ngẽmaãcü tá namaxã chanaxü, erü Tupana ya Maxü̃cüarü churaragüxü̃ naxãũxũne.

1 Chamué 17:26

Rü yexguma ga Dabí rü yema naxü̃tawa yexmagüxü̃na naca rü ñanagürü: —¿Ta̱xacümaxã tá nüxü̃́ naxãtanü ya yimá yatü ya ñaa Firitéuxü̃ imácü rü naxoxẽẽcü nax ngẽma Iraéanecüã̱xgümaxã ta̱xacü nax yaxugüxü̃? ¿Erü ta̱xacü nixĩ i ñaa Firitéu i tama Tupanaxü̃ cuáxü̃ rü ngẽmaca̱x Tupana ya Maxü̃cüarü churaragüxü̃ naxãũxũnexü̃? —ñanagürü.

Yochué 5:3

Rü nüma ga Yochué rü ngĩxü̃ naxü ga cüxchigü rü ínanawíü̃cha̱xmüü̃pe̱xechiraü̃gü ga Iraétanüxü̃ nawa ga guma ma̱xpǘne ga Araró.

Naanearü ügüchiga 29:18

Rü nüma ga Acóbu, rü Raqué iyixĩ ga yema ngĩxü̃ nangẽ̱xẽ̱xcü. Rü yemaca̱x Labáü̃xü̃ nangãxü̃ rü ñanagürü: —Ngẽma cuxacü i irübumaecü i Raquéca̱x rü tá 7 ya taunecü cuxü̃tawa chapuracü —ñanagürü.

1 Chamué 18:24

Rü nüma ga yema Chaúarü ngü̃xẽẽruü̃gü rü Chaúmaxã nüxü̃ nayarüxugüe ga yema ore ga Dabí namaxã nangãxü̃xü̃.

2 Chamué 3:14

Rü ñu̱xũchi nüma ga Dabí rü norü duü̃xü̃güxü̃ namu nax Ibóchexmaxã nüxü̃ yanaxugüexü̃ca̱x ga norü dexa ga ñaxü̃: —Choxna ngĩxü̃ namu i Micá i cho̱xma̱x ixĩcü ga ngĩmaxã ichingĩcü natanü ga yema 100 ga Firitéugücha̱xmüpe̱xechiraü̃gü —ñanagürü.

1 Chamué 19:1

Rü nüma ga Chaú rü nane ga Yonatáü̃xü̃ rü guxü̃ma ga norü churaragüxü̃ namu ga Dabíxü̃ nax yama̱xgüxü̃ca̱x. Natürü nüma ga Yonatáü̃ rü poraãcü Dabíxü̃ nangechaü̃.