1 Chamué 18:23 - Tupanaarü Ore

²³ Rü nüma ga yema Chaúarü ngü̃xẽẽruü̃gü rü yéma Dabíxü̃tawa naxĩ rü namaxã nüxü̃ nixugü ga yema ore ga Chaú namaxã nüxü̃ ixuxü̃. Natürü nüma ga Dabí rü nanangãxü̃ rü ñanagürü: —¿Ẽ̱xna pema nagu perüxĩnüegu i natauxchaxü̃ nax wüxíe ya chauxrüxü̃ ngearü diẽruã́xẽ rü taxuxü̃ma ixĩxẽ nax ãẽ̱xgacüxã̱xte tixĩxü̃? —ñanagürü.

1 Chamué 18:23 Referans Kwoze

Nüxíraxü̃xü̃ ga popera ga Cuáü̃ ümatüxü̃ 3:1

¡Dücax, Pa Chauenexẽgüx, ñuxãcü poraãcü tüxü̃ nangechaü̃ ya Tanatü ya Tupana! Rü ngẽmaca̱x nixĩ i naxacügümaxã tüxü̃ naxuxü̃ i nümax. Rü aixcüma naxacügü tixĩgü. Rü ngẽmaca̱x ñoma i naanecüã̱x i duü̃xü̃gü rü tama tüxü̃ nacua̱xgüchaü̃ erü Tupanaxü̃ rü ta tama nacua̱xgüchaü̃.

Ucu̱xẽgüchiga 14:20

Yíxema ngearü diẽruã́xe rü woo tümamücügü, rü tümachi naxaie. Natürü ngẽma diẽruã́xü̃, rü namu i namücügü.

Wiyaegü 119:141

Pa Tupanax, choma i cupe̱xewa rü taxuxü̃ma chixĩ rü duü̃xü̃gü rü choxü̃ naxoe. Natürü tama nüxü̃ charüngüma i curü mugü.

1 Chamué 9:21

Rü nüma ga Chaú rü nanangãxü̃ rü ñanagürü: —Natürü i choma rü Bẽyamíü̃tanüxü̃ chixĩ, rü ngẽma totücumü rü guxü̃ma i togü i Iraéanecüã̱xgütücumüxü̃ narüxíxramae. Rü ñu̱xũchi ngẽma nügütanüxü̃chigü i Bẽyamíü̃tücumüwa ügüxü̃, rü chautanüxü̃ nixĩ i guxü̃arü yexera rüxíxramaexü̃. Rü ngẽmaca̱x ¿tü̱xcüü̃ chomaxã nüxü̃ quixu nax guxü̃ma i Iraéanearü mexü̃gü rü cho̱xme̱xwa tá nangẽxmaxü̃? —ñanagürü.

Naanearü ügüchiga 29:20

Rü yemaacü ga Acóbu rü 7 ga taunecü ngĩxca̱x napuracü ga Raqué. Natürü Acóbuca̱x rü gumá 7 ga taunecü rü tama nũxcücüraxü̃ nixĩ yerü poraãcü nüxü̃́ ingúchaü̃xü̃chi.

Naanearü ügüchiga 34:12

Rü nüetama ega woo nataxgu i ngẽma diẽru rü ãmaregü i ngĩxca̱x choxna naxca̱x pecaxü̃, rü choma rü tá pexna chanaxã. ¡Natürü choxna ngĩxü̃ pemux i Dína nax ngĩmaxã chaxãmaxü̃ca̱x! —ñanagürü ga Chiquéü̃.

1 Chamué 18:18

Natürü ga Dabí rü nanangãxü̃ rü ñanagürü: —Taxuxü̃ma chixĩ i cupe̱xewa, rü chautanüxü̃ rü taxuxü̃ma nixĩgü i Iraéanegütanüwa nax cuxã̱xte nax chixĩxü̃ca̱x —ñanagürü.

1 Chamué 18:22

Rü yemawena rü nüma ga Chaú rü norü ngü̃xẽẽruü̃güxü̃ namu rü ñanagürü: —¡Pema rü pexicatama namaxã pidexagü i Dabí, rü namaxã nüxü̃ pixu rü choma i ãẽ̱xgacü nax chixĩxü̃ rü poraãcü nüxü̃ changechaü̃ rü guxãma i pema i chorü ngü̃xẽẽruü̃gü rü ta rü nüxü̃ nax pengechaü̃güxü̃ rü penaxwa̱xexü̃ nax nüma rü chauã̱xte yixĩxü̃, ñapegürü tá nüxü̃! —ñanagürü.

1 Chamué 18:24

Rü nüma ga yema Chaúarü ngü̃xẽẽruü̃gü rü Chaúmaxã nüxü̃ nayarüxugüe ga yema ore ga Dabí namaxã nangãxü̃xü̃.

Ucu̱xẽgüchiga 29:5

Yíxema guxü̃guma tümamücüxü̃ icua̱xüxü̃netaxe rü ngẽmaãcü tümamücüxü̃ titoxyepe̱xe, rü guxchaxü̃ naxca̱x taxü.