1 Chamué 18:18 - Tupanaarü Ore

¹⁸ Natürü ga Dabí rü nanangãxü̃ rü ñanagürü: —Taxuxü̃ma chixĩ i cupe̱xewa, rü chautanüxü̃ rü taxuxü̃ma nixĩgü i Iraéanegütanüwa nax cuxã̱xte nax chixĩxü̃ca̱x —ñanagürü.

1 Chamué 18:18 Referans Kwoze

2 Chamué 7:18

Yexguma ga ãẽ̱xgacü ga Dabí rü yema baú ga Tupanaarü mugüchixü̃ íyexmaxü̃gu naxücu rü Cori ya Tupanape̱xegu nacaxã́pü̱xü rü ñanagürü: —¿Texé chixĩ i chomax, Pa Corix, rü ta̱xacüwa name i chautanüxü̃ rü ngẽmaca̱x i ñu̱xmax, rü ãẽ̱xgacüwa choxü̃ cunguxẽxẽxü̃?

1 Chamué 18:23

Rü nüma ga yema Chaúarü ngü̃xẽẽruü̃gü rü yéma Dabíxü̃tawa naxĩ rü namaxã nüxü̃ nixugü ga yema ore ga Chaú namaxã nüxü̃ ixuxü̃. Natürü nüma ga Dabí rü nanangãxü̃ rü ñanagürü: —¿Ẽ̱xna pema nagu perüxĩnüegu i natauxchaxü̃ nax wüxíe ya chauxrüxü̃ ngearü diẽruã́xẽ rü taxuxü̃ma ixĩxẽ nax ãẽ̱xgacüxã̱xte tixĩxü̃? —ñanagürü.

1 Chamué 9:21

Rü nüma ga Chaú rü nanangãxü̃ rü ñanagürü: —Natürü i choma rü Bẽyamíü̃tanüxü̃ chixĩ, rü ngẽma totücumü rü guxü̃ma i togü i Iraéanecüã̱xgütücumüxü̃ narüxíxramae. Rü ñu̱xũchi ngẽma nügütanüxü̃chigü i Bẽyamíü̃tücumüwa ügüxü̃, rü chautanüxü̃ nixĩ i guxü̃arü yexera rüxíxramaexü̃. Rü ngẽmaca̱x ¿tü̱xcüü̃ chomaxã nüxü̃ quixu nax guxü̃ma i Iraéanearü mexü̃gü rü cho̱xme̱xwa tá nangẽxmaxü̃? —ñanagürü.

Rux 2:10

Rü ngĩma ga Rux rü Boópe̱xegu inangücuchi rü nüxna ica, rü ngĩgürügü: —¿Ta̱xacü chowa cudau eca̱x chomaxã cumecümaxü̃ i choma nax to i nachixü̃anecüã̱xmare nax chixĩxü̃? —ngĩgürügü.

Ínachoxü̃xü̃chiga 3:11

Rü yexguma ga Moiché rü Tupanaxü̃ nangãxü̃ rü ñanagürü: —¿Ẽ̱xna ta̱xacüwa chame i chomax i Faraóü̃pe̱xewa chaxũxü̃ nax Equítuanewa íchanguxü̃xẽẽxü̃ca̱x i ngẽma Iraétanüxü̃? —ñanagürü.

Yeremía 1:6

Rü yexguma ga chomax rü chanangãxü̃ rü ñachagürü: —Acha̱xa, Pa Corix, Pa Tupanax, choma rü changextüxüxüchi rü tama nüxü̃ chacua̱x nax mea chidexaxü̃ —ñachagürü.

Ucu̱xẽgüchiga 18:12

Ngẽma yigü nax icua̱xüü̃xü̃ rü guxchaxü̃ taxca̱x ínanguxẽxẽ, natürü ngẽma tama nügü icua̱xüü̃xü̃, rü duü̃xü̃gü rü tá namaxã nataãxẽ.

Ucu̱xẽgüchiga 15:33

Ngẽma nax Cori ya Tupanaga ixĩnüexü̃, rü cua̱x tüxna naxã. Rü ngẽxguma cunaxwa̱xegu nax duü̃xü̃gü cuxü̃ icua̱xüü̃güxü̃, name nixĩ i cugüna cudau nax tama cugütama quicua̱xüü̃xü̃ca̱x.

Nüxíraxü̃xü̃ ga popera ga ãẽ̱xgacügüchiga 4:15

Rü Aimaá ga Charomóü̃xacü ga Bachemáxmaxã ãmaxü̃ rü ãẽ̱xgacü nixĩ ga Netaríanewa.