1 Chamué 18:1 - Tupanaarü Ore

¹ Rü yexguma Dabí Chaúmaxã igúegagu ga nügümaxã nax yadexagüxü̃, rü nüma ga Chaú nane ga Yonatáü̃ rü Dabímücüxü̃ nügü nixĩxẽxẽ, rü nüxü̃ nangechaü̃xü̃chi ñoma nügütama nangechaü̃xü̃rüxü̃.

1 Chamué 18:1 Referans Kwoze

Ucu̱xẽgüchiga 18:24

Nangexma i tamücügü i tama aixcüma tüxü̃ ngechaü̃güxü̃ i chixexü̃wa tüxü̃ gagüxü̃. Natürü nangẽxma i tamücügü i aixcüma tüxü̃ ngechaü̃güxü̃ taenexẽarü yexera.

1 Chamué 20:17

Rü ñu̱xũchi nüma ga Yonatáü̃ rü Dabímaxã nüxü̃ nixu nax nüma rü ta wenaxarü Yonatáü̃maxã inaxunetaxü̃ yerü poraãcü nüxü̃ nangechaü̃ yema nügütama nangechaü̃xü̃rüxü̃.

2 Chamué 1:26

Pa Chauenexẽ, Pa Yonatáü̃x, poraãcü cuxca̱x changechaü̃. Cuma rü chomaxã cumecümaxü̃chi. Ngẽma choxü̃ nax cungechaü̃xü̃ rü ngexü̃gü tüxü̃ ngechaü̃xü̃arü yexera nixĩ.

1 Chamué 18:3

Rü Yonatáü̃ rü Dabí rü Tupanaégagu nügümaxã nanaxuegugü nax nügümücügü nax yixĩgüxü̃ca̱x yerü ga Yonatáü̃ rü Dabíxü̃ nangechaü̃ ñoma nügütama nangechaü̃xü̃rüxü̃.

Colosenses 2:2

Rü ngẽmaãcü poraãcü chapuracü nax ngẽma duü̃xü̃güaxü̃́ chanangúchaü̃xẽẽxü̃ca̱x. Erü chanaxwa̱xe i guxü̃guma nügü nangechaü̃gü rü nüxü̃́ nangẽxma i ngẽma cua̱x i aixcüma ixĩxü̃ nax ngẽmaãcü meama nüxü̃ nacua̱xgüxü̃ca̱x i ngẽma ẽxü̃guxü̃ ga noxri Tupanaxicatama nüxü̃ cuáxü̃. Rü yimá rü Cristutama nixĩ.

Naanearü ügüchiga 44:30

Rü ngẽmaca̱x cumaxã nüxü̃ chixu ya torü papa rü poraãcüxüchima nüxü̃ tangechaü̃ ya yimá tümane ya bucü. Rü ngẽmaca̱x i ñu̱xma ega tama tomaxã nataegu̱xgu, rü tüma ya tonatü rü tá tayu ega tama tomaxã ínanguxgu. Rü ngẽmaãcü togagu tá nixĩ i ngechaü̃maxã nayuxü̃ ya yimá yacü ya tonatü.

Wenaxarü naxümatü ga Tupanaarü mugü 13:6

Rü ngẽxguma cuenexẽxü̃chi rüe̱xna cune rüe̱xna cuxacü rüe̱xna cuxma̱x i ngĩxü̃ cungechaxü̃cü rüe̱xna wüxi i cumücüxüchi cúãcü cuxü̃ naxucu̱xẽgu nax nüxü̃ quicua̱xüü̃xü̃ca̱x i togü i tupanagü i cuma tama nüxü̃ cucuáxü̃ rü cunatü tama nüxü̃ cuáxü̃ rü taxũtáma naga cuxĩnü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:17

Rü yexguma yema duü̃xü̃güxü̃ nada̱u̱xgu rü nüma ga Dabí rü naxca̱x nixũ rü ñanagürü: —Ngẽxguma chorü ngü̃xẽẽwa nua pexĩxgu rü guxü̃ne ya chorü maxü̃nemaxã pexü̃ chade nax chorü churaragütanüwa pichoü̃xü̃ca̱x. Natürü ngẽxguma chixexü̃ i ĩnümaxã nua pexĩxgu nax chauechita chorü uanügüna choxü̃ ípexuaxü̃xü̃ca̱x yixĩxgu, rü ẽcü pexü̃ napoxcu ya yima tórü o̱xigüarü Tupana, erü choma rü taxúemaama guxchaxü̃ chaxü rü tama wüxi i máetaxü̃ chixĩ —ñanagürü ga Dabí.

1 Chamué 19:2

Rü yemaca̱x ga Yonatáü̃ rü Dabímaxã nüxü̃ nixu ga yema nanatüarü ore, rü ñanagürü: —Chorü papa ya Chaú rü cuxü̃ timáxchaü̃. Rü ngẽmaca̱x i moxü̃ pa̱xmama ¡rü naxuãxẽ rü nawa naxũ i ngẽma naane i taxúema nawa cuxü̃ dauxü̃, rü ngẽxma icu̱x!

Ãẽ̱xgacügü ga guxchaxü̃güarü mexẽxẽruü̃gü 20:11

Rü guxü̃ma ga yema Iraétanüxü̃ rü wüxigu inaxĩãchi nax guma ĩane ga Guibeáca̱x íyaxüãchixü̃.

Wiyaegü 86:11

Pa Corix ¡choxü̃ nawe̱x i ngẽma cumaxü̃ nax aixcüma nagu chixũxü̃ca̱x! Rü chanaxwa̱xe i choxü̃́ cunangúchaü̃xẽxẽ nax cuxü̃ chicua̱xüü̃xü̃ca̱x.

1 Chamué 14:45

Natürü nüma ga Iraétanüxü̃ ga duü̃xü̃gü rü Chaúxü̃ nangãxü̃gü rü ñanagürügü: —¿Ta̱xacüca̱x chixarü i Yonatáü̃ i nayuxü̃ erü nüma nixĩ i tórü uanüxü̃ tüxü̃ naporamaexẽẽxü̃? ¡Taxũtáma ngẽmaãcü nixĩ! Rü Cori ya Tupanaégagu cumaxã nüxü̃ tixu rü taxuxü̃táma i wüxi i nayae waixü̃mügu nangu, rü bai i wüxi i nayae i naeruwa ngẽxmaxü̃. Rü ngẽma ñu̱xma naxüxü̃, rü Cori ya Tupanaarü ngü̃xẽẽmaxã nixĩ i naxüaxü̃ —ñanagürügü. Rü yemaacü ga duü̃xü̃gü rü yuwa Yonatáü̃xü̃ ínapoxü̃gü.

1 Chamué 19:1

Rü nüma ga Chaú rü nane ga Yonatáü̃xü̃ rü guxü̃ma ga norü churaragüxü̃ namu ga Dabíxü̃ nax yama̱xgüxü̃ca̱x. Natürü nüma ga Yonatáü̃ rü poraãcü Dabíxü̃ nangechaü̃.

1 Chamué 20:8

Rü choma nax curü duü̃xü̃ chixĩxü̃ rü chanaxwa̱xe i choxü̃ curüngü̃xẽxẽ erü cuma rü ñu̱xũchi choma rü marü Tupanape̱xewa wüxi i uneta yigümaxã taxü nax yigü ingechaü̃güxü̃. Rü ngẽmaca̱x rü ngẽxguma chi ta̱xacürü chixexü̃ chaxüxgu rü chanaxwa̱xe i cumatama choxü̃ quima̱x rü taxuca̱xma cunatüxü̃tawa choxü̃ cuga nax choxü̃ timáxü̃ca̱x —ñanagürü.

1 Chamué 22:8

Rü ñu̱xma nüxü̃ chacua̱x i ta̱xacüca̱x guxãma i pema rü chomaxã penuexü̃. Rü taxúema chomaxã nüxü̃ tixu rü ngẽma chaune i Yonatáü̃ rü Ichaxí nane i Dabímaxã inaxügaxü̃. Rü taxúema i pema rü cha̱u̱xca̱x pixoegaãxẽ. Rü taxúema chomaxã nüxü̃ tixu nax chaune rü chomaxã naxuanüxü̃, rü nüxü̃ nangü̃xẽẽxü̃ i Dabí nax choxü̃ íyacu̱xeü̃xü̃ca̱x nax ngẽmaãcü choxü̃ yamáxü̃ca̱x. Rü ngẽma nixĩ i ñu̱xma chomaxã naxüxü̃ —ñanagürü.

1 Chamué 23:18

Rü yexguma ga nüma ga Dabí rü Yonatáü̃ rü Cori ya Tupanape̱xewa nügümaxã inaxügagü. Rü yemawena ga Yonatáü̃ rü nataegu, rü nüma ga Dabí rü yexmatama Óregu narüxã̱ũ̱x.