1 Chamué 17:53 - Tupanaarü Ore

⁵³ Rü nüma ga Iraéanecüã̱xgü rü yema Firitéugüwe nangẽgüguwena, rü yema ínapegüxü̃wa naxĩ rü nanade ga guxü̃ma ga norü yemaxü̃gü ga yéma nüxna yabuxmüxü̃.

1 Chamué 17:53 Referans Kwoze

Yeremía 30:16

Rü Tupana rü norü duü̃xü̃güxü̃ ñanagürü: —Guxü̃ma i ngẽma nachixü̃anegü i pexü̃ rüporamaegüxü̃ rü tá togü nüxü̃ narüporamaegü. Rü guxü̃ma i perü uanügü rü nüxí tá to i nachixü̃anewa nagagü. Rü ngẽma nachixü̃anegü ga perü yemaxü̃gü inaxü̃ rü tá nüxí to i nachixü̃ane nayana i norü ngẽmaxü̃gü. Rü ngẽma nachixü̃anegü ga naxca̱x ngĩ́xü̃ ga perü yemaxü̃gü rü tá nüxí to i nachixü̃ane naxca̱x nüxü̃́ nangĩ̱xgü i norü ngẽmaxü̃gü.

Yeremía 4:20

Rü nüxü̃ taxĩnüchiga nax ngẽma uanügü rü guxü̃wama naporamaegüxü̃ i tachixü̃anewa. Rü yima tórü ĩanegü rü nachitaxü̃xica íyaxügüxü̃. Rü ngürüãchi changepata erü marü nagu napogüe ya yima chopatagü ya naxchirunaxca̱x.

1 Chamué 17:52

Rü yexguma ga Iraéanecüã̱xgüarü churaragü rü Yudátanüxü̃ ga churaragü rü aita naxüe yerü marü Firitéugüxü̃ narüporamaegü. Rü nawe nangẽgü ñu̱xmata ĩanegü ga Gáx rü Ecróü̃arü ũũchiwa. Rü yema Firitéugüarü churaragü ga yuexü̃ rü nanuquegü nawa ga yema nama ga Chaaraíü̃wa ne daxü̃ rü ñu̱xmata ĩanegü ga Gáx rü Ecróü̃wa nguxü̃.

1 Chamué 17:54

Rü yexguma ga nüma ga Dabí rü nanayaxu ga Goriáxeru rü Yerucharéü̃wa nanange. Natürü ga gumá naxnegü rü napatagu nayanu.

1 Chamué 19:5

¿Ẽ̱xna marü nüxü̃ curüngü̃ma ga yexguma norü maxü̃ ãũcümaxü̃wa nayexmaxẽẽgu ga Goriáxü̃ yama̱xgu, rü yemaacü ga Cori ya Tupana rü Iraéanecüã̱xgüxü̃ guxchaxü̃wa ínanguxü̃xẽxẽ? Cumax, Pa Ãẽ̱xgacüx, rü nüxü̃ cudau ga yema, rü cutaãxẽ. ¿Rü tü̱xcüü̃, Pa Ãẽ̱xgacüx, i cuyamáxchaü̃xü̃ i wüxi i duü̃xü̃ i taxuxü̃ma i chixexü̃ cumaxã üxü̃? ¿Rü ta̱xacüca̱x tá cuyama̱x ya Dabí? —ñanagürü.

2 Chamué 23:10

Natürü nüma ga Ereachá rü tama niña. Rü yema Firitéugüxü̃ nadaiama, rü woo nipa̱xme̱xüchi natürü tama nüxü̃ ninge̱x ga norü tara. Rü yema ngunexü̃gu rü Cori ya Tupana yexeraãcü norü uanügüxü̃ nanaporamaexẽxẽ. Rü yemaxü̃ nax nadaugüxü̃ ga Iraéanearü churaragü, rü Ereacháca̱x nawoegu nax nügüaxü̃́ nadeaxü̃ca̱x ga yema yemaxü̃gü ga norü uanügüna napuxü̃xü̃.