1 Chamué 17:52 - Tupanaarü Ore

⁵² Rü yexguma ga Iraéanecüã̱xgüarü churaragü rü Yudátanüxü̃ ga churaragü rü aita naxüe yerü marü Firitéugüxü̃ narüporamaegü. Rü nawe nangẽgü ñu̱xmata ĩanegü ga Gáx rü Ecróü̃arü ũũchiwa. Rü yema Firitéugüarü churaragü ga yuexü̃ rü nanuquegü nawa ga yema nama ga Chaaraíü̃wa ne daxü̃ rü ñu̱xmata ĩanegü ga Gáx rü Ecróü̃wa nguxü̃.

1 Chamué 17:52 Referans Kwoze

Yochué 15:11

Rü yéma rü inida rü ma̱xpǘne ga Ecróü̃arü tuãchi ga nórtewa yexmaxü̃wa nadapetü. Rü yéma rü ĩane ga Chicróü̃wa nada rü ma̱xpǘne ga Baaráwa nadapetü ñu̱xmata Yaxnéewa inarügo. Rü Már Mediteráneugu nayacua̱x ga norü üyeane.

2 Chamué 23:10

Natürü nüma ga Ereachá rü tama niña. Rü yema Firitéugüxü̃ nadaiama, rü woo nipa̱xme̱xüchi natürü tama nüxü̃ ninge̱x ga norü tara. Rü yema ngunexü̃gu rü Cori ya Tupana yexeraãcü norü uanügüxü̃ nanaporamaexẽxẽ. Rü yemaxü̃ nax nadaugüxü̃ ga Iraéanearü churaragü, rü Ereacháca̱x nawoegu nax nügüaxü̃́ nadeaxü̃ca̱x ga yema yemaxü̃gü ga norü uanügüna napuxü̃xü̃.

Ãẽ̱xgacügü ga guxchaxü̃güarü mexẽxẽruü̃gü 7:23

Rü yexguma nüma ga Yedeóü̃ rü naxca̱x nangema ga yema Netarítanüxü̃, rü Achétanüxü̃, rü Manachétanüxü̃ nax yemamaxã Madiáü̃tanüxü̃we nangegüxü̃ca̱x.

1 Chamué 17:53

Rü nüma ga Iraéanecüã̱xgü rü yema Firitéugüwe nangẽgüguwena, rü yema ínapegüxü̃wa naxĩ rü nanade ga guxü̃ma ga norü yemaxü̃gü ga yéma nüxna yabuxmüxü̃.

1 Chamué 5:8

Rü yemaca̱x ga yema Asdóxcüã̱x rü guxü̃ma ga Firitéugüarü ãẽ̱xgacügüca̱x nangema nax namaxã nangutaque̱xegüxü̃ca̱x. Rü nüxna nacagüe rü ñanagürügü: —¿Ta̱xacü tá namaxã ixügüxü̃ i ngẽma baú i ngẽma Iraéanecüã̱xgüarü Tupanaarü mugüchixü̃? —ñanagürügü. Rü yema ãẽ̱xgacügü rü nanangãxü̃ rü ñanagürügü: —¡Ẽcü ĩane ya Gáxwa penangegü! —ñaxü̃maxã nanangãxü̃gü. Rü nüma ga yema Firitéugü rü guma ĩanewa nanangegü.

1 Chamué 5:10

Rü yexguma ga nüma ga Firitéugü rü ĩane ga Ecróü̃waama nanangegü ga yema baú ga Tupanaarü mugüchixü̃. Natürü yexguma Ecróü̃wa nanguxgu ga yema baú, rü yema duü̃xü̃gü ga Ecróü̃cüã̱xgü rü nixaixcha rü ñanagürügü: —¿Tü̱xcüü̃ nua penange i ngẽma Iraéanecüã̱xgüarü Tupanaarü mugüchixü̃ nax toxü̃ nada̱i̱xü̃ca̱x ya guxãma? —ñanagürügü.

Nüxíraxü̃xü̃ ga popera ga ãẽ̱xgacügüchiga 20:21

Rü nüma ga Iraéanearü ãẽ̱xgacü rü ínanayauxü̃ ga Chíriaanearü cowarugü, rü nanade ga norü carugü ga daixweü̃. Rü yemaacü poraãcü Chíriaanearü churaragüxü̃ narüporamaegü.