1 Chamué 17:4 - Tupanaarü Ore

⁴ Rü yema Firitéugütanüwa nixũxũ ga wüxi ga churara ga 3 metrugu ixüchanexü̃, rü yema doxonexü̃wa naxũ. Rü Goriáx nixĩ ga naéga, rü ĩane ga Gáxcüã̱x nixĩ.

1 Chamué 17:4 Referans Kwoze

Yochué 11:22

Rü yemaacü bai ga wüxi ga Anátanüxü̃ ga íyaxüxü̃ ga Iraétanüxü̃arü naanewa. Rü Gáchaarü naanewa, rü Gáxarü naanewa rü Adúxarü naanewaxicatama nixĩ ga íyaxüxü̃ ga Anátanüxü̃.

1 Chamué 17:23

Rü yexguma naenexẽgümaxã idexayane, rü nüma ga yema Firitéu ga Goriáx ga Gáxcüã̱x, rü Firitéugüarü churaragütanüwa nichixichi. Rü wenaxarü Iraéanecüã̱xgüca̱x naca rü tüxü̃ naxãũxũne rü aixrügumaãcü nidexa. Rü nüma ga Dabí rü nüxü̃ naxĩnü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:23

Rü yexgumarüxü̃ ta nayama̱x ga wüxi ga Equítuanecüã̱x ga máxchanexü̃chixü̃ ga wixgutaa̱x taxre ga metruarü ngãxü̃gu ixüchanexü̃. Rü yema Equítuanecüã̱x rü wüxi ga wocae ga tamena̱xãcümaxã naxãxne. Rü nüma ga Benaía rü wüxi ga naimaxã naxãxne. Natürü yema Equítuanecüã̱xna nanapu ga norü wocae rü gumamaxãtama nayama̱x.

1 Chamué 27:4

Rü yexguma Chaú nüxü̃ cua̱xgu ga Dabí rü Gáxwa nax naxũxü̃, rü marü tama nawe ningechigü.

Wenaxarü naxümatü ga Tupanaarü mugü 3:11

(Rü gumá ãẽ̱xgacü ga Óxicatama nixĩ ga íyaxücü ga Refátanüxü̃tanüwa. Rü yema norü pechicaxü̃ rü fierumünaxca̱x nixĩ, rü 4 metruarü ngãxü̃ nixĩ ga norü ma̱x rü wixgutaa̱x taxre ga metru nixĩ ga norü tatachinü. Rü ñu̱xma rü ta rü Amóü̃tanüxü̃arü ĩane ya Rabáwa nangẽxma.)

Amúx 2:9

Natürü ga choma rü chanadaixichi ga yema Amoréutanüxü̃ ga ñoma ocayiwagürüxü̃ imáchanexü̃ rü ñoma castañagürüxü̃ iporaexü̃. Rü yemaacü chanaxü nax pexü̃́ chanatauchaxẽẽxü̃ca̱x nax nagu pechocuxü̃ca̱x i ñaa naane.

1 Chamué 17:3

Rü nümagü ga Firitéugü rü wüxi ga ma̱xpǘnegu nügü ninu, rü yexgumarüxü̃ ta ga Iraéanecüã̱xgü, rü nai ga ma̱xpǘnegu nügü ninu. Rü yema norü doxonexü̃ nixĩ ga guma taxre ga ma̱xpǘne ga nügüna nayaxü̃guxẽẽxü̃.

1 Chamué 17:5

Rü napate̱xe rü bróũchenaxca̱x nixĩ. Rü naxü̃newa rü yexgumarüxü̃ ta bróũchemaxã natüxü̃ne. Rü yema norü tüxünexü̃ rü 55 quíru nixĩ ga nayaxü̃.