1 Chamué 17:2 - Tupanaarü Ore

² Rü nüma ga Chaú rü Iraéanecüã̱xgümaxã nügü nanutaque̱xegü ga Eláarü doxonexü̃gu. Rü yéma nügü namexẽẽgü ga Firitéugümaxã nügü nax nada̱i̱xü̃ca̱x.

1 Chamué 17:2 Referans Kwoze

1 Chamué 21:9

Rü nüma ga gumá chacherdóte rü nanangãxü̃ rü ñanagürü: —Choxü̃́ nangẽxma i ngẽma norü tara ga yema Firitéu ga Goriáx ga Eráarü doxonexü̃gu quimáxü̃. Rü ngẽma Tupanaarü efóx íxüxü̃ca̱xwe̱xgu naxǘ. Rü wüxi i naxchirumaxã nanuque. ¡Rü ẽcü nayaxu rü yange ega cunaxwa̱xegu! Erü to i naxne rü choxü̃́ nataxuma —ñanagürü. Rü yexguma nüma ga Dabí rü nanangãxü̃ rü ñanagürü: —¡Ẽcü nua naxã! Erü nataxuma i tara i ngẽmaxü̃ rümemaexü̃ —ñanagürü.

1 Chamué 17:19

Rü nüma ga Chaú rü Dabíenexẽgü namaxã ga guxü̃ma ga yema Iraéanecüã̱xgüarü churaragü rü yema ma̱xpǘnearü tuãchixü̃ ga Elágu ãégaxü̃wa nayexmagü nax Firitéugümaxã nügü nada̱i̱xü̃ca̱x.

1 Chamué 17:3

Rü nümagü ga Firitéugü rü wüxi ga ma̱xpǘnegu nügü ninu, rü yexgumarüxü̃ ta ga Iraéanecüã̱xgü, rü nai ga ma̱xpǘnegu nügü ninu. Rü yema norü doxonexü̃ nixĩ ga guma taxre ga ma̱xpǘne ga nügüna nayaxü̃guxẽẽxü̃.

1 Chamué 21:10

Rü yematama ngunexü̃gu nixũchigü ga Dabí nax Chaúcha̱xwa yaxũxü̃. Rü Firitéugüarü ĩane ga Gáxwa naxũ. Rü yexguma yéma nanguxgu rü guma ĩanearü ãẽ̱xgacü ga Aquíxü̃tawa naxũ.