1 Chamué 17:12 - Tupanaarü Ore

¹² Rü nayexma ga wüxi ga yatü ga Beréü̃cüã̱x ixĩcü rü Ichaxí nixĩ ga naéga. Rü nüma rü marü naya ga yexguma Chaú ãẽ̱xgacü ixĩxgu. Rü nüma ga Ichaxí rü nüxü̃́ nayexma ga 8 ga nanegü, rü wüxi ga nane rü Dabí nixĩ.

1 Chamué 17:12 Referans Kwoze

Naanearü ügüchiga 35:19

Rü yemaacü nixĩ ga nayuxü̃ ga Raqué. Rü yema nama ga Efrátawa nadaxü̃gu ngĩxü̃ nata̱xgü. Rü guma ĩane ga Efráta rü ñu̱xma rü Beréü̃gu naxãéga.

1 Chamué 16:18

Rü yexguma ga wüxi ga norü duü̃xü̃ rü ñanagürü: —Choma nüxü̃ chadau i wüxi i Ichaxí nane i Beréü̃wa ngẽxmaxü̃, rü meama paxetaxü̃ nacua̱x. Rü ñu̱xmachi wüxi i poracü nixĩ i daiwa rü nüxü̃ cuácü nixĩ ega yadexaxgu. Rü nüma rü mecü nixĩ rü Cori ya Tupana nüxü̃ rüngü̃xẽẽcü nixĩ —ñanagürü.

1 Chamué 17:58

Rü nüma ga Chaú rü nüxna naca rü ñanagürü: —Pa Ngextü̱xücüx ¡chomaxã nüxü̃ ixu rü texé nane quixĩxü̃! —ñanagürü. Rü nüma ga Dabí nanangãxü̃ rü ñanagürü: —Choma rü yimá curü duü̃ ya Ichaxí ya Beréü̃cüã̱x nane chixĩ —ñanagürü.

Ore i mexü̃ ga Matéu ümatüxü̃ 2:6

Rü nüma rü ñanagürü: “Cumax, Pa Ĩane Pa Beréü̃ ya Yudáanewa Ngẽxmanex, rü cuma rü tama wüxi ya ngexnerüxünemare ya ĩane quixĩ natanüwa ya yima ĩanegü ya itaxü̃ne ya Yudáanewa ngẽxmagüne. Erü cugu tá nabu ya wüxi ya ãẽ̱xgacü i tá chorü duü̃xü̃gü i Iraétanüxü̃maxã icuácü”, —ñanagürü.

Ore i mexü̃ ga Matéu ümatüxü̃ 1:6

Rü Ichaxí rü ãẽ̱xgacü ga Dabínatü nixĩ. Rü ãẽ̱xgacü ga Dabí rü Charomóü̃natü nixĩ. Rü Bechabé ga Uría nama̱xchire̱x ixĩcü iyixĩ ga naé ga Charomóü̃.

1 Chamué 16:1

Rü yemawena ga Tupana rü Chamuéxü̃ ñanagürü: —Marütama nax Chaúca̱x nax cungechaü̃echaxü̃, erü marü tama chanaxwa̱xe nax Iraéanecüã̱xgüarü ãẽ̱xgacü nax yixĩxü̃. ¡Rü wüxi i carnéruchatacu̱xre nayaxu rü oribuarü chíxü̃maxã naxüãcu! ¡Rü Beréü̃wa naxũ rü ngẽxma naxca̱x yadau ya wüxi ya yatü ya Ichaxígu ãégacü! Erü wüxi ya nanexü̃ chayaxu nax Iraéanecüã̱xgüarü ãẽ̱xgacü yixĩxü̃ca̱x —ñanagürü.

Ore i mexü̃ ga Matéu ümatüxü̃ 2:1

Rü Ngechuchu rü Yudéaanewa yexmane ga ĩane ga Beréü̃gu nabu ga yexguma Eróde ãẽ̱xgacü ixĩxgu ga yema nachixü̃anewa. Rü yexguma nixĩ ga ĩane ga Yerucharéü̃wa nangugüxü̃ ga ñuxre ga yatügü ga nüxü̃ cua̱xüchigüxü̃ ga woramacuriwa ngúexü̃ ga éstewa ne ĩxü̃.

Miquéa 5:2

Rü cumax, Pa Beréü̃ i Efráta, rü woo wüxi ya ĩane ya íxrane quixĩ natanüwa ya guxü̃nema ya Yudáanecüã̱x ya ĩanegü, natürü cugu tá nixĩ i nabuxü̃ ya yimá Iraéanecüã̱xgüarü ãẽ̱xgacü ya woetama marü ngẽxmaechacü.

Wiyaegü 132:6

Rü noxri rü nüxü̃ taxĩnüechiga nax Efrátawa nayexmaxü̃ ga yema baú ga Tupanaarü mugüchixü̃. Rü yixcüra rü Yáaarü ĩanepemagu nüxü̃ itayangau.

1 Chamué 17:11

Rü yexguma yema Firitéuarü dexaxü̃ naxĩnüegu ga Chaú rü guxü̃ma ga yema namücügü ga Iraéanecüã̱xgü, rü narümaachitanü rü namuü̃e.

Rux 4:17

Rü yemaxü̃ nadaugügu ga yema togü ga ngexü̃gü ga ngĩrü ngaicamagu ãchiü̃güxü̃ rü ngĩgürügü: —Wüxi ya ngĩtaxa ngĩxü̃́ nabu i Noemí —ngĩgürügügü. Rü Obéxgu inaxüégagü. Rü gumá Obéx nixĩ ga Ichaxí nanatü rü ãẽ̱xgacü ga Dabíarü o̱xi ixĩcü.

1 Chamué 1:1

Efraíü̃arü ma̱xpǘneanewa nayexma ga wüxi ga nachica ga Ramágu ãégaxü̃. Rü yexma naxãpata ga wüxi ga yatü ga Chúxtanüxü̃ ixĩcü ga Ercanágu ãégacü. Rü nüma ga Ercaná rü Yeruáü̃ nane nixĩ, rü Eriútaxa nixĩ. Rü norü o̱xinatü nixĩ ga Tóu. Rü nüma ga Tóu rü Chúx ga Efraíü̃tanüxü̃ ixĩcü nane nixĩ.

2 Chamué 23:1

Ñaa nixĩ ga nawa iyacuáxü̃ ga Dabíarü dexa. Rü nüma ya Dabí ya Ichaxí nane nixĩ ga gumá yatü ga Tupana natachigaxẽẽcü. Rü nüma nixĩ ga Acóbuarü Tupana nüxü̃ unetaxü̃ nax Iraéanearü ãẽ̱xgacü yixĩxü̃ca̱x. Rü nüma ya Dabí nixĩ ya Iraétanüwa meama wiyaexü̃ nacuáxü̃. Rü nüma rü ñanagürü: