1 Chamué 17:11 - Tupanaarü Ore

¹¹ Rü yexguma yema Firitéuarü dexaxü̃ naxĩnüegu ga Chaú rü guxü̃ma ga yema namücügü ga Iraéanecüã̱xgü, rü narümaachitanü rü namuü̃e.

1 Chamué 17:11 Referans Kwoze

Yochué 1:9

Rü choma nixĩ i cuxü̃ chamuxü̃ nax cugü cuporaxẽẽxü̃ca̱x Rü tama name i cumuü̃xü̃ rü icuyarümaãchi, erü choma ya curü Cori ya Tupana rü tá cuxü̃tawa changexma i ngextá cuma ícuxũxü̃wa —ñanagürü ga Tupana.

Wenaxarü naxümatü ga Tupanaarü mugü 31:8

Rü nümatama ya Cori ya Tupana rü cupe̱xegu tá nixũ, rü guxü̃gutáma nacuxü̃tagu. Rü tagutáma cuxna nixũgachi rü tagutáma cuxü̃ nangemücü. Rü ngẽmaca̱x tama name nax cumuü̃xü̃ rü naxcha̱xwa quiñaxü̃ —ñanagürü ga Moiché.

Ichaía 57:11

¿Rü ta̱xacügü nixĩ i ngẽma perü tupananetagü i nüxü̃ pemuü̃exü̃ rü nüxü̃ picua̱xüü̃güxü̃, rü ngẽmaca̱x choxü̃ iperüngümaexü̃chixü̃ rü tama chauga pexĩnüexü̃? ¿Ẽ̱xna pema rü tama choxü̃ pemuü̃e erü muxü̃ i ngunexü̃ chachianemare rü taxu ñachagürü?

Ucu̱xẽgüchiga 28:1

Ngẽma chixexü̃ üxü̃, rü niña ega woo taxúema nawe ingẽchigügu. Natürü ngẽma aixcüma mexü̃gu maxü̃xü̃ rü ñoma wüxi ya leóü̃rüxü̃ taxuca̱xma namuü̃.

Wiyaegü 27:1

Nüma ya Cori ya Tupana rü chorü omü rü chorü maxẽxẽruxü̃ nixĩ. ¿Rü texéxü̃ tá nixĩ i chamuü̃xü̃? Rü nüma ya Cori nixĩ i ínapoxü̃ãxü̃ i chorü maxü̃. ¿Rü texéxü̃ tá nixĩ i chamuü̃xü̃?

1 Chamué 7:7

Yexguma yema Firitéugü nüxü̃ cua̱xgügu nax Mispágu nangutaque̱xegüxü̃ ga Iraétanüxü̃, rü nüma ga yema Firitéugüarü ãẽ̱xgacügü rü naxca̱x inaxĩãchi. Rü yemaxü̃ nacua̱xgügu ga Iraétanüxü̃ rü namuü̃e.

1 Chamué 17:10

Rü ñoma i ngunexü̃gu, Pa Iraéanecüã̱xgüarü Churaragüx, rü pexca̱x chaca rü ¡ẽcü nua penamu̱x i wüxi i perü churara nax togü namaxã tadaixü̃ca̱x! —ñanagürü.

1 Chamué 17:12

Rü nayexma ga wüxi ga yatü ga Beréü̃cüã̱x ixĩcü rü Ichaxí nixĩ ga naéga. Rü nüma rü marü naya ga yexguma Chaú ãẽ̱xgacü ixĩxgu. Rü nüma ga Ichaxí rü nüxü̃́ nayexma ga 8 ga nanegü, rü wüxi ga nane rü Dabí nixĩ.

1 Chamué 13:7

Rü muxü̃ma rü nichoü̃ ga natü ga Yudáü̃. Rü Gáxanewaama rü Garaáxanewaama nabuxmü. Natürü nüma ga Chaú rü ĩane ga Guirigáwatama nayexma, rü guxü̃ma ga norü churaragü rü poraãcü namuü̃eãcüma nawe narüxĩ.

1 Chamué 21:13

Rü yemaca̱x yema yéma yexmagüxü̃pe̱xewa nügü naxãũãẽxẽẽneta. Rü ĩã̱x nawütü rü nügüchinaguwa nichurua̱xẽẽneta.

Wiyaegü 118:6

Rü nüma ya Cori ya Tupana rü nachauxü̃tagu rü ngẽmaca̱x tama chamuü̃. ¿Rü ñu̱xma rü texé tapora nax ta̱xacürü chixexü̃gu choxü̃ tangu̱xẽẽxü̃?