1 Chamué 17:1 - Tupanaarü Ore

¹ Rü nüma ga Firitéugü rü nananutaque̱xexẽẽgü ga norü churaragü nax Iraéanecüã̱xgüarü churaragümaxã nügü nada̱i̱xü̃ca̱x. Rü nachica ga Éfe-damíü̃gu nayangutaque̱xegü ga ĩanegü ga Chocó rü Achecáarü ngaxü̃wa ga Yudáanewa.

1 Chamué 17:1 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 28:18

Rü yexgumarüxü̃ ta ga Firitéugü rü tóxnamana ga Yudáanewa nanadeãcu ga guma ĩanegü ga doxonexü̃wa yexmagüne rü guma ĩanegü ga Négueanewa yexmagüne. Rü nanapuxü̃ ga ĩanegü ga Bex-chemé, rü Ayaróü̃, rü Guederóx. Rü ñu̱xũchi nanapuxü̃gü ta ga ĩanegü ga Chocó rü Tiná, rü Guimchó namaxã ga norü ĩanexacüchigü. Rü ñu̱xũchi nawa namaxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:13

Rü nüma ga Ereachá nixĩ ga Dabíxü̃tawa nayexmaxü̃ ga Pax-damíü̃wa ga yexguma Firitéugü daica̱x yexma ngutaque̱xegügu. Yéma nayexma ga wüxi ga chebádanecü. Rü yexguma Firitéugücha̱xwa yabuxmügu ga Iraétanüxü̃, rü nüma ga Ereachá rü Dabímaxã yema chebádanecüarü ngãxü̃wa Firitéugüxü̃ nananguxẽẽgü. Rü ínanapoxü̃ ga yema naane rü Firitéugüxü̃ narüporamaegü. Rü yemaacü nüma ga Cori ya Tupana rü poraãcü nanaporamaexẽẽgü.

1 Chamué 13:5

Rü nüma ga Firitéugü rü nügü nanutaque̱xe nax nügü nada̱i̱xü̃ca̱x namaxã ga Iraéanearü churaragü. Rü nüxü̃́ nayexma ga 30,000 ga daixwexü̃ ga carugü ga cowaru itúgüne, rü 6,000 ga churaragü ga cowarugu ĩxü̃, rü ñu̱xũchi muxũchixü̃ ga churaragü ga nacutügumare ĩxü̃. Rü norü mu ga yema churaragü rü ñoma márpechinüwa ngẽxmacü ya naxnücüte̱xerüxü̃ nixĩ i norü mu. Rü guxü̃ma ga yemagü rü Mixmáwa naxĩ rü yexma napegü ga Bex-abéü̃arü éstewaama.

Ãẽ̱xgacügü ga guxchaxü̃güarü mexẽxẽruü̃gü 3:3

Rü yéma nayaxügü ga 5 ga Firitéugüarü ãẽ̱xgacügü, rü guxü̃ma ga yema Canaáü̃tanüxü̃ ga taxũta napuarü ĩaneã̱xgüxü̃, rü yema Chidóü̃tanüxü̃, rü yema Ebéutanüxü̃ ga máxpü̱xanexü̃ ga Líbanuanewa maxẽxü̃. Rü norü naane ga nawa nayexmagüxü̃ ga yema Ebéutanüxü̃ rü Baá-emóü̃wa inaxügü ñu̱xmata Amáwa nangu.

Yeremía 34:7

Rü yoxni ga Babiróniaanearü ãẽ̱xgacüarü churaragü rü naxca̱x ínayaxüãchi ga Yerucharéü̃, rü Láqui rü Achecá, yerü gumagüxicatama nixĩ ga Yudáanearü ĩanegü ga ípoxegugüne ga tauxta nagu nachocune.

Norü taxre ga to ga popera ga ãẽ̱xgacügüchiga ümatüxü̃ 11:7

rü Bex-chú, rü Chocó, rü Aduráü̃, rü Gáx, rü Marechá, rü Chíx, rü Adoraíü̃, rü Láqui, rü Achecá, rü Chorá, rü Ayaróü̃, rü Ebróü̃. Rü gumagü nixĩ ga Yudátanüxü̃ rü Bẽyamíü̃tanüxü̃arü ĩanegü ga íyapoxegugüne.

1 Chamué 14:52

Rü guxü̃ma ga Chaúarü maxü̃gu rü wüxi ga taxü̃ ga guxchaxü̃ nixĩ nax Firitéugümaxã nügü nada̱i̱xü̃. Rü yemaca̱x ga Chaú rü nanade ga guxü̃ma ga yatügü ga iporaexü̃ rü tama muü̃exü̃ nax norü churaragü yixĩgüxü̃ca̱x.

1 Chamué 14:46

Rü yexguma ga Chaú rü yexma nüxü̃ narüchau nax Firitéugüwe yangẽchigüxü̃. Rü nümagü ga Firitéugü rü wenaxarü norü naaneca̱x nawoegu.

1 Chamué 7:7

Yexguma yema Firitéugü nüxü̃ cua̱xgügu nax Mispágu nangutaque̱xegüxü̃ ga Iraétanüxü̃, rü nüma ga yema Firitéugüarü ãẽ̱xgacügü rü naxca̱x inaxĩãchi. Rü yemaxü̃ nacua̱xgügu ga Iraétanüxü̃ rü namuü̃e.