1 Chamué 16:8 - Tupanaarü Ore

⁸ Rü yexguma ga Ichaxí rü nane ga Abinadáca̱x naca, rü Chamuéxü̃tawa nanaga. Natürü nüma ga Chamué rü nüxü̃ nixu ga tama gumá nax yixĩxü̃ ga Tupana nayaxucü.

1 Chamué 16:8 Referans Kwoze

1 Chamué 17:13

Rü gumá tomaepü̱x ga nane ga rüyamaegücü ga Eriá rü Abinadá rü Chamá rü marü Chaúwe narüxĩ ga daiwa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:13

Rü Ichaxí nüxü̃́ nayexma ga 7 ga nanegü. Rü ñaa nixĩ ga naégagü: Eriá nixĩ ga nüxíraü̃cü. Rü Abinadá nixĩ ga nawe ücü. Rü Chimá nixĩ ga norü tomaepü̱x. Rü Natanaé nixĩ ga norü ãgümücü. Rü Radái nixĩ ga norü wüxime̱e̱xpü̱x. Rü Ócheü̃ nixĩ ga norü 6. Rü Dabí nixĩ ga norü 7.

1 Chamué 7:1

Rü nüma ga Quiriáx-yearíü̃cüã̱xgü rü ĩane ga Bex-cheméwa nayayauxgü ga yema baú ga Cori ya Tupanaarü mugüchixü̃. Rü norü ĩanewa nanangegü rü nayaxǘcuchigü napatagu ga Abinadá ga wüxi ga ma̱xpǘnegu ãchiü̃cü. Rü Tupanana nanaxuaxü̃gü ga Abinadá nane ga Ereachá nax nüxna nadauxü̃ca̱x.

Nüxíraxü̃xü̃ ga popera ga ãẽ̱xgacügüchiga 4:11

Rü Ben-abinadá rü ãẽ̱xgacü nixĩ ga guxü̃ma ga Dóxanewa. Rü naxma̱x rü Táfa ga Charomóü̃acü iyixĩ.