1 Chamué 16:7 - Tupanaarü Ore

⁷ Natürü ga Tupana rü Chamuéxü̃ ñanagürü: —Tama name i norü düxétümarewa rü norü máchanemarewa nax cungugüxü̃ ya wüxi ya yatü. Tama daa nixĩ. Choma rü tama duü̃xü̃gü nangugüxü̃ãcüma chanayaxu ya wüxi ya yatü. Duü̃xü̃gü rü ngẽma düxétüxü̃nemare nixĩ i nangugügüxü̃, natürü i choma rü ngẽma norü maxü̃ rü norü ĩnü nixĩ i ngẽma changugüxü̃ —ñanagürü.

1 Chamué 16:7 Referans Kwoze

Ore i mexü̃ ga Cuáü̃ ümatüxü̃ 7:24

Rü ngẽmaca̱x tama name i tama nüxü̃ pecua̱xãcüma penangugümare i ngẽma chaxüxü̃. Rü penaxwa̱xe i mea nagu perüxĩnüeãcü aixcüma mea penangugü —ñanagürü ga Ngechuchu.

Yeremía 17:10

Rü choma ya Tupanaxicatama nixĩ i aixcüma chanangugüxü̃ i norü ĩnü i wüxichigü i duü̃xü̃, rü chaxicatama nixĩ i nüxü̃ chacuáxü̃ nax ta̱xacügu naxĩnüxü̃. Rü ngẽma tamaxü̃xü̃ãcütama tá tüxü̃́ chanaxütanü ya wüxíechigü —ñanagürü.

Ore i mexü̃ ga Luca ümatüxü̃ 16:15

Rü yexguma ga Ngechuchu rü ñanagürü nüxü̃: —Pema rü duü̃xü̃güpe̱xewa mea pemaxẽneta, natürü Tupana pexü̃ nacua̱x nax ta̱xacügu perüxĩnüexü̃. Rü woo duü̃xü̃gü pexü̃ nicua̱xüü̃gü naxca̱x i ngẽma pexüxü̃, natürü Tupana rü naãxẽwa nangu̱x i ngẽma —ñanagürü ga Ngechuchu.

Nüxíraxü̃xü̃ ga popera ga Pedru ümatüxü̃ 3:4

Natürü name nixĩ i perü maxü̃wa pegü pimexẽxẽgü rü guxü̃ma i duü̃xü̃gümaxã pimecümagü rü taguma texémaxã penuãẽgü, erü ngẽma nixĩ i perü mexü̃ i taguma iyarüxoxü̃ i aixcüma mexü̃ i Tupanape̱xewa.

Ucu̱xẽgüchiga 16:2

Nüma ya yatü rü naxca̱x name i guxü̃ma i ngẽma naxüxü̃, natürü Cori ya Tupana nixĩ ya nangugücü i ngẽma norü ĩnü ya yimá yatü.

Ucu̱xẽgüchiga 31:30

Ngẽxguma napaxgu i wüxi i nge rü imechametü, rü ngẽmaca̱x yatügüaxü̃́ ingúchaü̃, natürü ngẽma ngĩrü pa rü paxaãchimare nixĩ. Natürü ngẽma nge i Tupanaga ĩnücü nixĩ i namexü̃ nax yexera ngĩxü̃ icua̱xüxü̃güxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9

Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.

Ngechuchuarü ngúexü̃gü ga yamugüxü̃arü puracüchiga 1:24

Rü ñaãcü nayumüxẽgü: —Pa Corix, cuma nüxü̃ cucua̱x i guxü̃ma i duü̃xü̃güarü maxü̃. ¡Rü ñu̱xma rü toxü̃ nawe̱x i ngexü̃rüüxü̃ i ñaa taxrewa nixĩ i cunaxwa̱xexü̃ nax cunamuxü̃ca̱x nax naxüaxü̃ca̱x i ñaa puracü ga Yúda ítáxü̃ ga yexguma norü poxcuwa naxũxgu! —ñanagürügü.

Norü taxre ga to ga popera ga ãẽ̱xgacügüchiga ümatüxü̃ 16:9

Erü nüma ya Cori ya Tupana rü nüxü̃ nadau i guxü̃ma i ñoma i naanewa ngupetüxü̃, nax ngẽmaãcü pora tüxna naxãxü̃ca̱x ya yíxema aixcüma nüxü̃́ yaxõxe. Natürü i cumax rü ñoma wüxi i duü̃xü̃ i tama naãẽxü̃ cuáxü̃rüxü̃ quixĩ erü Chíriaanearü ãẽ̱xgacüaxü̃́ cuyaxõ. Rü ngẽmaca̱x i ñu̱xma rü daiwa tá cungexmaecha —ñanagürü.

Popera ga Yudíugü ga yaxõgüxü̃ca̱x ümatüxü̃ 4:13

Rü nataxutama i ta̱xacü ya Tupana üxü̃ i tá na̱xcha̱xwa nügü icúxü̃, erü nape̱xewa rü guxü̃ma nango̱x. Rü guxü̃xü̃ma nadau rü guxü̃xü̃ma nacua̱x ya yimá tá namaxã nüxü̃ ixucü i tórü maxü̃chiga.

Yeremía 20:12

Pa Corix, Pa Tupana ya Guxãétüwa Ngẽxmacüx, cuma rü aixcüma nüxü̃ cucua̱x nax mea cunangugüxü̃ i norü maxü̃ i wüxichigü i duü̃xü̃. Rü cuma rü mea nüxü̃ cucua̱x i ngẽma nüxicatama nagu naxĩnüxü̃ i wüxichigü. ¡Rü choxü̃ nüxü̃ nadauxẽxẽ nax ñuxãcü tá cunapoxcuxü̃ i ngẽma duü̃xü̃gü! Erü cuxme̱xgu nixĩ i chanaxüxü̃ i ngẽma chorü guxchaxü̃gü.

Wiyaegü 139:2

Rü cuma nüxü̃ cucua̱x i guxü̃ma i ngẽma chaxüxü̃. Rü woo curü yáxü̃wa changexmagu rü nüxü̃ cucua̱xama i ngẽma nagu charüxĩnüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:23

Rü ngẽmawa guxü̃ma i ngẽma yaxõgüxü̃ tá nüxü̃ nacua̱xgü nax aixcüma nüxü̃ chacuáxü̃ i norü maxü̃ rü ngẽma naãxẽwa nagu naxĩnüexü̃. Rü wüxichigü i pemax rü tá pexü̃́ chanaxütanü ngẽxgumarüxü̃ nax ñuxãcü cha̱u̱xca̱x pemaxẽxü̃.

2 Corintios 10:10

Rü nangẽxma i duü̃xü̃gü i nüxü̃ nixugüxü̃ nax chorü poperawaxicatama pexü̃ íchabaixgüxü̃, natürü ngẽxguma pexü̃tawa changexmagu rü taxúexü̃ma ichabáixgü nax chauga taxĩnüxü̃ca̱x, ñaxü̃maxã choxü̃ nixugüe.

Nüxíraxü̃xü̃ ga popera ga Pedru ümatüxü̃ 2:4

Rü ñu̱xma rü name nixĩ i nüxna pengaicamagü ya Cristu ya nuta ya maxü̃cü. Rü duü̃xü̃gü nüxü̃ oecü, natürü Tupanaca̱x rü namexẽchi rü natatanü. Rü yimá nixĩ ya Tupana nayaxucü nax namaxã inaxügüãxü̃ca̱x ya napata.

Yox 10:4

¿Ẽ̱xna ñoma yatügümare nüxü̃ daugüxü̃ãcüma nüxü̃ cudau i duü̃xü̃gü?

2 Chamué 14:25

Rü guxü̃ma ga Iraéanecüã̱xgütanüwa rü nataxuma ga wüxi ga yatü ga Acharóü̃rüxü̃ norü meca̱x duü̃xü̃gü nüxü̃ yacua̱xüü̃güxü̃. Rü nacutügüwa inaxügü rü ñu̱xmata naeruwa nangu nax taxuwama ngextá nachixexü̃.

1 Chamué 9:2

Rü nüma rü nüxü̃́ nayexma ga wüxi ga nane ga ngextü̱xücü ga guxü̃wama mexẽchicü ga Chaúgu ãégacü. Rü guxü̃ma ga yatüxü̃ ga Iraéanecüã̱xgüarü yexera namexẽchi, rü norü máchanewa rü taxúema nüxü̃ tangupetü ga naãtüwa.

Yeremía 11:20

Natürü i cumax Pa Corix, Pa Tupana ya Guxãétüwa Ngẽxmacüx, rü wüxi ya ãẽ̱xgacü ya mecü quixĩ. Cuma rü aixcüma nüxü̃ cucua̱x nax mea cunangugüxü̃ i wüxichigüarü maxü̃. ¡Rü choxü̃ nüxü̃ nadauxẽxẽ nax ñuxãcü tá cunapoxcuexü̃ i ngẽma duü̃xü̃gü! Erü marü cumaxã nüxü̃ chixu i chorü guxchaxü̃ rü cuxme̱xwa chanangexmaxẽxẽ i ngẽma.

Ucu̱xẽgüchiga 15:11

Tama Tupanaca̱x nicu̱x i ngẽma yu rü ngẽma naxmaxü̃wa ngẽxmagüxü̃. Rü yexera nüxü̃ nacua̱x i ngẽma nagu naxĩnüexü̃ i duü̃xü̃gü.

Wiyaegü 7:9

Pa Cori Pa Tupana ya Ixaixcümacüx, cuma rü cunangugü i wüxichigü i duü̃xü̃güarü ĩnügü rü norü ngúchaü̃gü i naãẽwa nagu naxĩnüexü̃. ¡Rü iyanaxoxẽxẽ i norü chixexü̃ i ngẽma chixexü̃gu maxẽxü̃! ¡Natürü yíxema mexü̃gu maxü̃́xẽ rü tüxna nadau nax tama chixexü̃gu tanguxü̃ca̱x!

2 Corintios 10:7

¡Mea penangugü i ngẽma nüxü̃ pedauxü̃! Rü ngẽxguma texé tügü cua̱xgu nax Cristuarü duü̃xü̃ tixĩxü̃, rü name nixĩ i nüxü̃ tacua̱x nax toma rü ta Cristuarü duü̃xü̃gü tixĩgüxü̃.

Ore i mexü̃ ga Cuáü̃ ümatüxü̃ 8:15

Pema rü ñoma i naanecüã̱x i duü̃xü̃gü nagu rüxĩnüexü̃ãcüma choxü̃ pengugü. Natürü i choma rü taxúexü̃ma changugü.

Naanearü ügüchiga 4:5

Natürü ga Tupana rü tama Caíü̃maxã rü woo norü ãmaremaxã nataãxẽ. Rü yemaca̱x ga Caíü̃ rü poraãcüxüchima nanu rü nanuchametü.

1 Chamué 2:3

Rü tama name i texé tügü ticua̱xüxü̃ i ngẽxguma tidexagu rü tama name i tügü ítarüta, erü Cori ya Tupana ya Guxü̃xü̃ma Cuáxcü rü nanangugü i guxü̃ma i ngẽma naxüxü̃ i wüxichigü i duü̃xü̃.

2 Chamué 7:20

¿Ta̱xacü chi i to i cumaxã nüxü̃ chixuxü̃, Pa Corix, erü cuma rü meama choxü̃ cucua̱x i choma nax curü puracütanüxü̃ chixĩxü̃?

Ucu̱xẽgüchiga 24:12

Erü nüma ya Tupana ya guxü̃xü̃ma cuácü, rü woo cuma nüxü̃ quixuxgu nax tama nüxü̃ cucuáxü̃ nax togü guxchaxü̃ nüxü̃́ ngẽxmaxü̃, natürü nüma ya Tupana nüxü̃ nacua̱x i ngẽxguma tama nüxü̃ curüngü̃xẽẽgu. Rü nüma ya Tupana rü tüxü̃́ nanaxütanü ya wüxíechigü naxca̱x i ngẽma taxüxü̃. -26-

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:18

¿Rü ta̱xacü chi i to i cumaxã nüxü̃ chixuxü̃ naxca̱x nax choxü̃ curüngü̃xẽxẽxü̃ nax ãẽ̱xgacüwa cunanguxẽxẽxü̃ ya daa curü duü̃? Erü cuma rü meama nüxü̃ cucua̱x i chorü maxü̃.

Yox 35:5

Rü dücax, ¡daxũgu nadawenü rü nüxü̃ nadau i ngẽma caixanexü̃ i cuétüwa ngẽxmagüxü̃!