1 Chamué 16:5 - Tupanaarü Ore

⁵ Rü nüma ga Chamué rü nanangãxü̃ rü ñanagürü: —Taxuxü̃ma nixĩ i ngupetüxü̃. Rü nua chaxũ nax Tupanaca̱x wüxi i naxü̃na chimáxü̃ca̱x. ¡Rü ngẽmaca̱x Tupanaca̱x pegü pimexẽxẽgü rü choxü̃ ípixümücü nax ngẽma naxü̃naarü ma̱xwa rü Tupanaarü cua̱xüü̃wa ipexãgüxü̃ca̱x! —ñanagürü. Rü yemawena ga Chamué rü Ichaxíxü̃ rü nanegüxü̃ Tupanaca̱x nimexẽẽgü, rü nüxna naxu nax íyaxümücügüãxü̃ca̱x ga Tupanaarü cua̱xüxü̃wa.

1 Chamué 16:5 Referans Kwoze

Yochué 3:5

Rü yexguma ga Yochué rü yema Iraétanüxü̃xü̃ ñanagürü: —¡Tupanape̱xewa pegü pimexẽxẽgü! Erü moxü̃ rü nüma ya Cori ya Tupana rü tá pexü̃ nüxü̃ nadauxẽxẽ i wüxi i mexü̃ i taxü̃ i norü poramaxã naxüxü̃ —ñanagürü.

Ínachoxü̃xü̃chiga 19:10

Rü nüma ga Cori ya Tupana rü ñanagürü Moichéxü̃: —¡Ẽcü, namaxã nüxü̃ yarüxu i ngẽma duü̃xü̃gü nax nügü yamexẽẽgüxü̃ca̱x i ñu̱xmax rü moxü̃ nax ngẽmaãcü choxü̃ yacua̱xüü̃güxü̃ca̱x! Rü name i nügü niyauxgüchirugü rü nügü namexẽẽgü naxca̱x i pa̱xmaacüarü ngunexü̃. Erü ngẽma ngunexü̃gu tá nixĩ i ícharüxĩxü̃ nagu ya yima ma̱xpǘne ya Chinaí nape̱xewa i guxü̃ma i ngẽma duü̃xü̃gü.

1 Corintios 11:28

Rü ngẽmaca̱x naxü̃pa nax tanangṍxü̃ i ngẽma paũ rü nax tayaxaxüxü̃ ya yimá bínu, rü name nixĩ i wüxichigü mea tümaarü maxü̃ tangugü rü nataxu̱xma i ta̱xacürü chixexü̃ i tümaarü maxü̃wa ngẽxmaxü̃.

Yochué 7:13

¡Rü ñu̱xma rü inachi, rü nangutaque̱xexẽxẽ i duü̃xü̃gü! ¡Rü namaxã nüxü̃ ixu nax nügü yamexẽxẽgüxü̃ca̱x nax ngẽmaãcü moxü̃ chope̱xewa nangugüxü̃ca̱x! Erü choma i Cori ya perü Tupana rü pemaxã nüxü̃ chixu rü pemax, Pa Iraétanüxü̃x, rü penayaxu i ngẽma pexna chachu̱xuxü̃. Rü ngẽxguma taxũtáma ípenaguxgu rü pegüwa nüxü̃ pexoo̱xgux i ngẽma chixexü̃, rü taxucürüwatama perü uanügüxü̃ perüporamae.

Joel 2:16

¡Rü penangutaque̱xexẽxẽ i ngẽma Tupanaarü duü̃xü̃gü, Pa Chacherdótegüx, nax Tupanape̱xewa peyamexẽxẽgüxü̃ca̱x i yaxü̃gu, rü buxü̃gü rü woo i ngẽma buxü̃gü i maiexü̃! ¡Rü ngẽxgumarüxü̃ ta i ngẽma ngexwaca ingĩgüxü̃, rü norü ucapuwa ípenachoxü̃xẽxẽ!

Yox 1:5

Rü yexguma marü nawena ga yema nanegüarü peta ga naxügüüxü̃, rü nüma ga Yox rü nanegüca̱x nangemaxü̃. Rü pa̱xmamaxü̃chima ínarüdaüxü̃ rü wüxichigü ga nanegüégagu rü naxacügüégagu Tupanaca̱x nayama̱x rü nayagu ga wüxi ga naxü̃na nax yemaacü Tupana nüxü̃́ nüxü̃ rüngü̃maxü̃ca̱x ga yema nanegüarü rü naxacügüarü chixexü̃gü. Rü yemaacü nanaxüüxü̃ ga Yox yerü nagu narüxĩnü rü nanegü rü naxacügü rü ngürüãchi marü Tupanape̱xewa guxchaxü̃ naxügüe ga norü ĩnüwa ga yexguma peta naxügüxü̃gu.

Iraétanüxü̃arü muxchiga 11:8

Rü nüma ga duü̃xü̃gü rü nanade ga yema maná ga dauxü̃wa rüyixixü̃. Rü ñu̱xũchi nayacamügü rü nanamuxragü rü ñu̱xũchi nayaxütachinü. Rü yema maná rü ñoma chíxü̃wa ínaguxü̃rüxü̃ nixĩ ga naaca.

Naanearü ügüchiga 35:2

Rü yexguma ga Acóbu rü naxma̱xgüxü̃ rü guxü̃ma ga norü duü̃xü̃güxü̃ ñanagürü: —¡Ípenanuxü̱̃x i guxü̃ma i perü tupanachicüna̱xãgü i pexü̃́ ngẽxmagüxü̃! ¡Rü ñu̱xũchi pegü pexaiyagü rü to i pexchiru i ngẽmataxü̃gu picu̱xgü!

1 Chamué 20:26

Yema ngunexü̃gu ga Chaú rü taxu ñanagürümare, yerü ñaxü̃gu narüxĩnü: —Ngürüãchi ta̱xacü nüxü̃ nangupetü rü tama Tupanape̱xewa nügü namexẽxẽ rü ngẽmaca̱x tama nua naxũ —ñaxü̃gu narüxĩnü.

Chofonía 1:7

¡Rü Cori ya Tupanape̱xewa perüchianegü! Erü ngẽma norü ngunexü̃ i ãũcümaxü̃ i nagu tá napoxcuexü̃ i ngẽma chixexü̃ ügüxü̃ rü marü ningaica. Rü nüma rü marü nüxna naxu i ngẽma to i nachixü̃anecüã̱x nax nadaiaxü̃ca̱x i ngẽma nüxna ixĩgachitanüxü̃.

Nüxíraxü̃xü̃ ga popera ga ãẽ̱xgacügüchiga 2:13

Rü nüma ga Adonía ga Aguíx ngĩne rü Charomóü̃ naé ga Bechabéxü̃tawa naxũ. Rü ngĩma ga Bechabé rü nüxna ica rü ngĩgürügü: —¿Ngüxmüxẽxẽwa nua cuxũ? —ngĩgürügü. Rü yexguma ga nüma rü ngĩxü̃ nangãxü̃ rü ñanagürü: —Ngẽmáacüx, ngüxmüxẽẽwa nixĩ i nua chaxũxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:18

Rü Tupanaãxẽ nüxna nangu ga Amachái ga namaxã icuácü ga yema 30 ga Dabíarü churaragü ga rüporamaegüxü̃, rü ñanagürü: —Pa Dabíx Pa Ichaxí Nanex, toma rü curü ngü̃xẽẽruü̃gü tixĩgü, rü tanaxwa̱xe nax mea cuxü̃́ ínanguxuchixü̃ i guxü̃ma i nagu curüxĩnüxü̃wa. Rü tanaxwa̱xe i mea nüxü̃ naxüpetüxü̃ i guxü̃ma i ngẽma cuwa ügüxü̃, erü yimá curü Tupana cuxü̃ narüngü̃xẽxẽ —ñanagürü. Rü yexguma nüma ga Dabí rü nanade rü norü churaragüeruxü̃ nayaxĩgüxẽxẽ.