1 Chamué 16:4 - Tupanaarü Ore

⁴ Rü nüma ga Chamué rü nanaxü ga yema Tupana namaxã nüxü̃ ixuxü̃. Rü yexguma Beréü̃wa nanguxgu, rü guma ĩanearü ãẽ̱xgacügü rü namuü̃eãcüma nanayauxgü. Rü nüxna nacagüe rü ñanagürügü: —¿Ta̱xacüwa nua cuxũ? ¿Ẽ̱xna ngüxmüxẽxẽwa nua cuxũ? —ñanagürügü.

1 Chamué 16:4 Referans Kwoze

Nüxíraxü̃xü̃ ga popera ga ãẽ̱xgacügüchiga 2:13

Rü nüma ga Adonía ga Aguíx ngĩne rü Charomóü̃ naé ga Bechabéxü̃tawa naxũ. Rü ngĩma ga Bechabé rü nüxna ica rü ngĩgürügü: —¿Ngüxmüxẽxẽwa nua cuxũ? —ngĩgürügü. Rü yexguma ga nüma rü ngĩxü̃ nangãxü̃ rü ñanagürü: —Ngẽmáacüx, ngüxmüxẽẽwa nixĩ i nua chaxũxü̃.

Ore i mexü̃ ga Luca ümatüxü̃ 5:8

Rü yexguma yemaxü̃ nada̱u̱xgu ga Chimóü̃ ga Pedru, rü Ngechuchupe̱xegu nayacaxã́pü̱xü, rü ñanagürü nüxü̃: —¡Choxna ixũgachi! Pa Corix. Erü choma rü wüxi i duü̃xü̃ i pecaduã́xü̃ chixĩ —ñanagürü.

Norü taxre ga popera ga ãẽ̱xgacügüchiga 9:22

Rü yexguma Yeúxü̃ nada̱u̱xgu ga Yoráü̃ rü nüxna naca rü ñanagürü nüxü̃: —¿Pa Yeúx, tama i nuwa nua cuxũxü̃? —ñanagürü. Rü nüma ga Yeú rü nanangãxü̃ rü ñanagürü: —¿Ta̱xacürü ngechaü̃ i naxca̱x ícuca̱xaxü̃ ega ngẽma cué i Yechabé rü nagu ínamaxü̃xgu i ngẽma nax naxchicüna̱xãgüxü̃ yacua̱xüü̃xü̃ rü naguxü̃raü̃xü̃ i to i chixexü̃ nax naxüxü̃? —ñanagürü.

1 Chamué 21:1

Rü nüma ga Dabí rü ĩane ya Nóxwa naxũ nax chacherdóte ya Aimérexü̃ íyadauxü̃ca̱x. Rü yexguma Dabíxü̃ nada̱u̱xgu ga Aimérex rü naba̱i̱xãchiãxẽ rü Dabína naca rü ñanagürü: —¿Tü̱xcüü̃ cuxicatama nua cuxũ rü taxuxü̃ma cuxü̃ ínixümücü? —ñanagürü.

Nüxíraxü̃xü̃ ga popera ga ãẽ̱xgacügüchiga 17:18

Rü yexguma ga ngĩma ga yema yutecü rü Eríaxü̃ ngĩgürügü: —¿Ta̱xacü chomaxã cuxü, Pa Tupanaarü Orearü Ngeruxü̃x? ¿Rü nua cuxũ nax choxna nüxü̃ cucua̱xãchixẽẽxü̃ i chorü chixexü̃gü rü ngẽmagagu cunayuxẽẽxü̃ ya chaunex? —ngĩgürügü.

Ore i mexü̃ ga Luca ümatüxü̃ 8:37

Rü yexguma yemaxü̃ naxĩnüegu, rü guxü̃ma ga yema Gadáraanecüã̱x ga duü̃xü̃gü, rü Ngechuchuxü̃ naca̱a̱xü̃gü nax ínaxũxũxü̃ca̱x ga yema naanewa, yerü poraãcü namuü̃e. Rü yemaca̱x ga Ngechuchu rü nguegu nixüe, rü inaxũãchi.

Ore i mexü̃ ga Luca ümatüxü̃ 2:4

Rü yemaca̱x ga Yúche rü Gariréaanewa yexmane ga ĩane ga Nacharétuwa inaxũãchi, rü Yudéaanewa yexmane ga ĩane ga Beréü̃wa naxũ. Rü gumá nixĩ ga ĩane ga nũxcümaü̃cü ga ãẽ̱xgacü ga Dabí nagu buxü̃ne. Rü nüma ga Yúche rü Dabítanüxü̃ nixĩ rü yemaca̱x Beréü̃wa naxũ nax yaxugüxü̃ca̱x wüxigu ngĩmaxã ga María ga ngĩmaxã naxãxma̱xchaü̃cü. Natürü ga María rü itacharaü̃ nax naxãxacüxü̃.

Ochéa 11:10

Rü choma rü ñoma wüxi i leóü̃rüxü̃ tá chataga rü chorü duü̃xü̃gü rü tá chauga naxĩnüe. Rü ngẽxguma tagaãcü naxca̱x chacaxgu rü nümagü rü nidu̱xruãcüma tá oéstewaama ne naxĩ.

Ochéa 6:5

Rü yema chorü orearü uruü̃gü ga petanüwa chamugüxü̃wa pemaxã nüxü̃ chixu nax pexü̃ tá chapoxcuxü̃, natürü ga pema rü tama iperüxĩnüe rü yemaca̱x pexü̃ chadai. Rü yemaacü chorü poxcu rü aixcüma pewa nangu ñoma ngóonexü̃ irügoxü̃rüxü̃.

2 Chamué 6:9

Natürü yematama ngunexü̃gu ga Dabí rü poraãcüma Tupanaxü̃ namuü̃, rü tagaãcü ñanagürü: —Marü tama nagu charüxĩnü nax chopatawa chanangexü̃ i ngẽma baú i Tupanaarü mugüchixü̃ —ñanagürü ga Dabí.

Naanearü ügüchiga 48:7

Rü guxema cué ga Raqué rü namagu choxna tayayu ga yexguma Padáü̃-aráü̃wa chataegugu. Rü ĩane ga Efrátaarü ngaicamagu nixĩ ga choxna tayuxü̃ ga Canaáü̃anewa. Rü yexma namagu nixĩ ga ngĩxü̃ chatáxü̃. Rü yima ĩane ya Efrátatama nixĩ i ñu̱xmax i Beréü̃gu ãégane —ñanagürü.

Naanearü ügüchiga 35:19

Rü yemaacü nixĩ ga nayuxü̃ ga Raqué. Rü yema nama ga Efrátawa nadaxü̃gu ngĩxü̃ nata̱xgü. Rü guma ĩane ga Efráta rü ñu̱xma rü Beréü̃gu naxãéga.