1 Chamué 16:18 - Tupanaarü Ore

¹⁸ Rü yexguma ga wüxi ga norü duü̃xü̃ rü ñanagürü: —Choma nüxü̃ chadau i wüxi i Ichaxí nane i Beréü̃wa ngẽxmaxü̃, rü meama paxetaxü̃ nacua̱x. Rü ñu̱xmachi wüxi i poracü nixĩ i daiwa rü nüxü̃ cuácü nixĩ ega yadexaxgu. Rü nüma rü mecü nixĩ rü Cori ya Tupana nüxü̃ rüngü̃xẽẽcü nixĩ —ñanagürü.

1 Chamué 16:18 Referans Kwoze

1 Chamué 3:19

Rü nüma ga Chamué rü niyachigü. Rü Cori ya Tupana rü nüxü̃ narüngü̃xẽxẽ. Rü guxü̃ma ga norü uneta ga Chamuémaxã nüxü̃ yaxuxü̃ rü nayanguxẽxẽ.

Naanearü ügüchiga 39:23

Rü nüma ga yema poxcupataü̃arü ãẽ̱xgacü rü taxuca̱xma tü̱xcüü̃ ínayadauuxü̃ ga yema Yúcheme̱xẽwa yexmaxü̃, yerü ga Tupana rü Yúchexü̃ narüngü̃xẽxẽ nax guxü̃ma mea iyaxũxü̃ca̱x ga yema poxcupataü̃wa.

Naanearü ügüchiga 39:2

Natürü ga Cori ya Tupana rü Yúchemaxã nayexma. Rü yemaca̱x meama nüxü̃ nangupetü ga norü cori ga Potifáchiü̃wa.

1 Chamué 10:7

Rü ngẽxguma ngẽma cuxna nguxgu ¡rü naxü i ngẽma cuxca̱x mexü̃! Erü Tupana tá cuxü̃ narüngü̃xẽxẽ.

Ore i mexü̃ ga Matéu ümatüxü̃ 28:20

¡Rü penangúexẽxẽ nax naga naxĩnüexü̃ca̱x i guxü̃ma i ngẽma pexü̃ chamuxü̃! Rü dücax, guxü̃gutáma pexü̃tawa changexmaecha ñu̱xmatáta nagú i naane —ñanagürü ga Ngechuchu.

Ore i mexü̃ ga Matéu ümatüxü̃ 1:23

“Rü tá tauemacü ngĩxü̃ inayarütaxu i ngẽma nge i taguma yatüxü̃ cua̱xcü. Rü tá nayatü. Rü Emanué tá nixĩ i naéga. Rü ngẽma naéga rü ‘Tupana rü tatanüwa nangẽxma’, ñaxü̃chiga nixĩ”, ñanagürü.

2 Chamué 17:10

Rü woo ngẽma curü churaragü i nügü írüporaexü̃ rü ñoma leóü̃ idüxraxü̃rüxü̃ ixĩgüxü̃ rü tá poraãcü nüxü̃ ínayamuü̃ãchitanü, erü guxü̃ma i Iraéanecüã̱xgü rü nüxü̃ nacua̱xgü rü cunatü rü norü churaragü rü nax naporaexüchixü̃.

2 Chamué 17:8

Cuma rü nüxü̃ cucua̱x ya cunatü rü ngẽma norü duü̃xü̃gü rü nax naporaexü̃. Rü ñu̱xma rü ñoma wüxi i osu i naixnecücüã̱x i düraxü̃ naxacü nüxna tüxü̃ ipuxü̃xü̃rüxü̃ nanue. Rü ñu̱xũchi cunatü rü wüxi i yatü i marü daixü̃ cuáxü̃ nixĩ rü ñaa chütaxü̃ rü taxũtáma norü duü̃xü̃gütanüwa nangẽxma.

2 Chamué 14:20

Natürü ngẽma naxü erü nanaxwa̱xe nax iyanawe̱xãchixü̃ i guxchaxü̃gü. Rü cumax, Pa Ãẽ̱xgacüx, rü cua̱x cuxü̃́ nangẽxma, rü ñoma wüxi i Tupanaarü orearü ngeruxü̃ i daxũcüã̱xrüxü̃ nüxü̃ cucua̱x i ngẽma ñaa nachixü̃anewa ngupetüxü̃ —ngĩgürügü.

1 Chamué 16:17

Rü nüma ga Chaú rü ñanagürü: —Marü name ¡Naxca̱x choxü̃́ peda̱u̱x i wüxi i paxetatanüxü̃ i árpaarü paxüxü̃ mea cuáxü̃, rü nua penaga! —ñanagürü.

1 Chamué 16:19

Rü yexguma ga Chaú rü Ichaxíxü̃tawa nanamugü ga norü duü̃xü̃gü nax nüxü̃ ñagüxü̃ca̱x: —¡Nua namu ya cune ya Dabí ya yimá carnérugüarü daruxü̃ ixĩcü! —nüxü̃ ñagüxü̃ca̱x.

1 Chamué 17:12

Rü nayexma ga wüxi ga yatü ga Beréü̃cüã̱x ixĩcü rü Ichaxí nixĩ ga naéga. Rü nüma rü marü naya ga yexguma Chaú ãẽ̱xgacü ixĩxgu. Rü nüma ga Ichaxí rü nüxü̃́ nayexma ga 8 ga nanegü, rü wüxi ga nane rü Dabí nixĩ.

1 Chamué 16:12

Rü yexguma ga nüma ga Ichaxí rü wüxi ga duü̃xü̃xü̃ yéma namu nax naxca̱x yacaxü̃ca̱x. Rü nüma ga gumá ngextü̱xücü rü nadáuxcha̱xmüxü̃ rü namecüma rü namechametü. Rü nüma ga Tupana rü Chamuéxü̃ ñanagürü: —Daa nixĩ. ¡Rü ẽcü nabaeru! —ñanagürü.

Ucu̱xẽgüchiga 12:8

Yimá yatü ya mea naãẽxü̃ cuácü, rü duü̃xü̃gü nüxü̃ nicua̱xüü̃gü naxca̱x i norü cua̱x. Natürü ngẽma yatü i tama naãẽxü̃ cuáxü̃, rü duü̃xü̃gü nüxü̃ naxoe.