1 Chamué 16:13 - Tupanaarü Ore

¹³ Rü nüma ga Chamué rü nanayaxu ga yema carnéruchatacu̱xre ga chíxü̃maxã ããcuxü̃, rü Dabíerugu nanaba ga naenexẽgüpe̱xewa. Rü yexgumatama ga Tupanaãxẽ rü Dabína nangu rü namaxã inacua̱x. Rü yemawena ga nüma ga Chamué rü narümoxẽ rü norü ĩane ga Ramáca̱x nataegu.

1 Chamué 16:13 Referans Kwoze

1 Chamué 10:6

Rü ngẽxguma tátama cuxna nangu i Tupanaãxẽ ya Üünecü, rü tá cumaxã inacua̱x naxrüxü̃ i ngẽma togü i Tupanaarü orearü uruü̃gü. Rü tá Tupanaarü oremaxã quidexa rü to i ĩnü tá cuxü̃́ nangẽxma.

Popera ga Yudíugü ga yaxõgüxü̃ca̱x ümatüxü̃ 1:9

Rü cuma rü nüxü̃ cungechaü̃ i ngẽma mexü̃, rü naxchi cuxai i ngẽma chixexü̃. Rü ngẽmaca̱x i choma nax Cunatü ya Tupana chixĩxü̃ rü guxãétüwa cuxü̃ changexmaxẽxẽ rü guxü̃ i cumücügüarü yexera cuxü̃ chataãẽxẽxẽ”, ñanagürü.

Ore i mexü̃ ga Cuáü̃ ümatüxü̃ 3:34

Rü yimá Tupana núma namucü, rü Tupanaarü orexü̃ nixu. Erü Tupana rü nüxna nanamu i Naãxẽ ya Üünexü̃ nax guxü̃guma naxü̃tawa nangẽxmaxü̃ca̱x.

1 Chamué 10:1

Rü yexguma ga nüma ga Chamué rü wüxiwexü̃ ga chíxü̃ nayaxu, rü Chaúxü̃ namaxã nabaeru. Rü ñu̱xũchi nüxü̃ nachúxu rü ñanagürü nüxü̃: —Cori ya Tupana cuxü̃ nayaxu i ñu̱xma nax norü duü̃xü̃gü i Iraéanecüã̱xgüarü ãẽ̱xgacü quixĩxü̃ca̱x. Rü cuma tá namaxã icucua̱x rü norü uanügü i nüxü̃ íchomaeguãchixü̃me̱xẽwa tá ícunanguxü̃xẽxẽ. Rü ngẽma cua̱xruü̃gü i nawa tá nüxü̃ cucuáxü̃ nax aixcüma Cori ya Tupana cuxü̃ unetaxü̃ nax norü duü̃xü̃gü i Iraéanecüã̱xgüarü ãẽ̱xgacü nax quixĩxü̃, rü ñaagü tá nixĩ.

Ãẽ̱xgacügü ga guxchaxü̃güarü mexẽxẽruü̃gü 11:29

Rü Yeténa nangu ga Tupanaãxẽ. Rü nüma ga Yeté rü Garaáxanegu rü Manachétanüxü̃anegu ínayaxüegu, rü Garaáxarü ĩane ga Mispáwa naxüpetü nax Amóü̃tanüxü̃arü naanegu naxücuxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 3:10

Rü Cori ya Tupanaãxẽ rü Otoniéwa nangu. Rü nüma ga Otonié rü Iraétanüxü̃maxã inacua̱x. Rü inaxũãchi nax Cucháü̃-richataíü̃maxã nügü yadaixü̃. Rü Cori ya Tupana rü pora nüxna naxã rü Cucháü̃-richataíü̃ narüporamae.

Iraétanüxü̃arü muxchiga 27:18

Rü nüma ga Cori ya Tupana rü Moichéxü̃ nangãxü̃ rü ñanagürü: —Yochué i Núü̃ nane rü wüxi i yatü i chauãxẽ nawa ngẽxmaxü̃. ¡Rü naerugu naxǘxme̱x!

1 Chamué 16:18

Rü yexguma ga wüxi ga norü duü̃xü̃ rü ñanagürü: —Choma nüxü̃ chadau i wüxi i Ichaxí nane i Beréü̃wa ngẽxmaxü̃, rü meama paxetaxü̃ nacua̱x. Rü ñu̱xmachi wüxi i poracü nixĩ i daiwa rü nüxü̃ cuácü nixĩ ega yadexaxgu. Rü nüma rü mecü nixĩ rü Cori ya Tupana nüxü̃ rüngü̃xẽẽcü nixĩ —ñanagürü.

Norü taxre ga popera ga ãẽ̱xgacügüchiga 9:6

Rü yexgumatama inachi ga nüma ga Yeú, rü yema orearü uruü̃maxã to ga ucapugu naxücu. Rü nüma ga orearü uruxü̃ rü chíxü̃maxã nanabaeru rü ñanagürü nüxü̃: —Cori ya Iraéanecüã̱xarü Tupana rü ñanagürü cuxü̃: “Ñu̱xma i choma rü cuxü̃ chaxuneta nax ngẽma chorü duü̃xü̃gü i Iraéanecüã̱xgüarü ãẽ̱xgacü quixĩxü̃ca̱x i nua Iraéanewa.

1 Chamué 11:6

Rü yexguma yema orexü̃ naxĩnügu ga Chaú, rü Tupanaãxẽ nüxna nangu rü poraãcü nanu ga Chaú.

Ãẽ̱xgacügü ga guxchaxü̃güarü mexẽxẽruü̃gü 14:6

Rü yexgumatama ga Cori ya Tupanaãxẽ rü Chanchóü̃xü̃ naporaxẽxẽ. Rü ñoma wüxi ga chíbuxacüxü̃ yamáxü̃rüxü̃ rü ngexneãcüma yema aixü̃ nima̱x. Natürü ga yema nüxü̃ ngupetüxü̃ rü tama nanatümaxã rü naémaxã nüxü̃ nixu.

Ãẽ̱xgacügü ga guxchaxü̃güarü mexẽxẽruü̃gü 13:25

Rü wüxi ga ngunexü̃gu ga Chanchóü̃ ga yexguma Dáü̃tanüxü̃arü churaragüarü pegüchicawa naxũxgu ga ĩanegü ga Chorá rü Etaóü̃arü ngãxü̃wa, rü Tupanaãxẽ ya Üünecü inanaxügü nax Chanchóü̃maxã inacuáxü̃.

Iraétanüxü̃arü muxchiga 11:17

Rü choma rü tá ngẽxma ícharüxĩ, rü ngéma tá cumaxã chidexa. Rü tá ngẽma ãẽ̱xgacügüna chanaxã i ngẽma Chauãxẽ i cuwa ngẽxmaxü̃ nax nümagü cuxü̃ nangü̃xẽẽgüxü̃ca̱x nax namaxã inacua̱xgüxü̃ i ñaa duü̃xü̃gü. Rü ngẽxguma rü marü taxũtáma cuxica namaxã icucua̱x.

Ngechuchuarü ngúexü̃gü ga yamugüxü̃arü puracüchiga 13:22

Rü yemawena ga Tupana rü ínanata̱xüchi ga Chaú, rü Dabíxü̃ naxuneta nax gumá Iraétanüxü̃arü ãẽ̱xgacü yixĩxü̃ca̱x. Rü Dabíxü̃ nixuchiga ga Tupana, rü ñanagürü: “Nüxü̃ chadau rü Dabí ya Ichaxí nane rü wüxi ya yatü ya poraãcü choxü̃́ ngúchaü̃cü nixĩ. Rü nüma tá nanaxü i guxü̃ma i ngẽma choma chanaxwa̱xexü̃”, ñanagürü ga Tupana.

Popera ga Yudíugü ga yaxõgüxü̃ca̱x ümatüxü̃ 11:32

¿Rü ñu̱xma rü ta̱xacü i togü i duü̃xü̃güchigaxü̃ tá pemaxã chixuxü̃? Rü changechica nax pemaxã nüxü̃ chixuxü̃ca̱x i nachiga ga yema nũxcümaü̃güxü̃ ga ãẽ̱xgacügü ga Yedeóü̃ rü Baráx rü Chanchóü̃ rü Yeté rü Dabí rü Chamué, rü guxü̃ma ga yema nũxcümaü̃güxü̃ ga Tupanaarü orearü uruü̃gü.

1 Chamué 2:35

Rü ngẽmawena i choma rü tá chayanguxuchixẽxẽ ya wüxi ya chacherdóte ya aixcüma chauga ĩnücü ya choma chanaxwa̱xexü̃ãcüma puracücü rü naxücü i chorü ngúchaü̃. Rü choma rü tá guxü̃gutáma nüxü̃ charüngü̃xẽxẽ nax yamuxü̃ca̱x i nataagü. Rü tá chanamu ya yimá chacherdóte nax guxü̃gutáma yimá choma nüxü̃ chaxunetacü ya ãẽ̱xgacüxü̃ nangü̃xẽẽxü̃.

1 Chamué 18:12

Rü nüma ga Chaú rü Dabíxü̃ namuü̃, yerü Cori ya Tupana rü Dabíxü̃ narüngü̃xẽxẽ, natürü marü tama Chaúxü̃ narüngü̃xẽxẽ.

2 Chamué 2:4

Rü yemawena rü Ebróü̃wa nangugü ga Yudáanecüã̱x ga duü̃xü̃gü, rü chíxü̃maxã Dabíxü̃ nabaerugü nax Yudáanearü ãẽ̱xgacü yixĩxü̃ca̱x. Rü yexgumarüxü̃ ta Dabímaxã nüxü̃ yaxugüegu nax guma Garaáxanewa yexmane ga ĩane ga Yabécüã̱xgü yixĩxü̃ ga Chaúxü̃ íta̱xgüxü̃,

2 Chamué 5:3

Rü yemaacü ga yema duü̃xü̃gü rü Dabímaxã nidexagü ga Ebróü̃wa. Rü nüma ga Dabí rü Cori ya Tupanape̱xewa yema duü̃xü̃gümaxã inaxüga. Rü nüma ga yema duü̃xü̃gü rü Dabíxü̃ chíxü̃maxã nabaerugü rü yemaacü guxü̃ma ga Iraéanecüã̱xgüarü ãẽ̱xgacü nixĩ.

2 Chamué 12:7

Rü yexguma ga Natáü̃ rü ñanagürü: —Cuma nixĩ i ngẽma yatü quixĩxü̃. Rü ñaa nixĩ i norü ore i Cori ya Iraéanecüã̱xgüarü Tupana cumaxã nüxü̃ ixuxü̃: “Choma cuxü̃ chayaxu nax Iraéanecüã̱xgüarü ãẽ̱xgacü nax quixĩxü̃, rü Chaúme̱xẽwa cuxü̃ íchapoxü̃.

2 Chamué 23:1

Ñaa nixĩ ga nawa iyacuáxü̃ ga Dabíarü dexa. Rü nüma ya Dabí ya Ichaxí nane nixĩ ga gumá yatü ga Tupana natachigaxẽẽcü. Rü nüma nixĩ ga Acóbuarü Tupana nüxü̃ unetaxü̃ nax Iraéanearü ãẽ̱xgacü yixĩxü̃ca̱x. Rü nüma ya Dabí nixĩ ya Iraétanüwa meama wiyaexü̃ nacuáxü̃. Rü nüma rü ñanagürü:

Wiyaegü 89:20

Rü nüma nixĩ ya yimá chorü duü̃ ya Dabí. Rü yexguma chorü chíxü̃ i üünexü̃maxã chanabaerugu, rü nüxü̃ chaxuneta nax chorü duü̃xü̃güarü ãẽ̱xgacü yixĩxü̃ca̱x.

1 Chamué 1:19

Rü moxü̃ãcü ga ngunetüü̃ ga Tupanapatawa nax naxĩxü̃ nax nüxü̃ yanacua̱xüü̃güxü̃ca̱x, rü yemawena rü napataca̱x nawoegu ga ĩane ga Ramáwa. Rü nüma ga Ercaná rü naxma̱x ga Ánaxü̃ nape. Rü nüma ga Tupana rü nanangãxü̃ ga ngĩrü yumüxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:3

Rü yexguma ga nüma ga Dabí rü Cori ya Tupanape̱xewa natanüxü̃ga naxĩnü. Rü nümagü rü Dabíxü̃ chíxü̃maxã nabaerugü nax Iraéanecüã̱xgüarü ãẽ̱xgacü yixĩxü̃ca̱x. Yerü yemaacü nixĩ ga Tupana ga Chamuémaxã nüxü̃ yaxuxü̃.

Wiyaegü 89:21

Rü choma rü guxü̃gutáma nüxü̃ charüngü̃xẽxẽxü̃ rü chorü poramaxã tá chanaporaxẽxẽ.